RIMBAI PANGAMPARAN 1
1
1 Rimbai Pangamparan ru Raja' Salomo.
Rimbai kasaa'
Ruandu'
2Alaki' aku no ra bibil muno;
laai muno moonsoi poyo ka wain.
3Maamis kaga' owou muno,
inggalan muno koson ra umau maamis owou ondo' pinabuur.
Ginio ra ralaa-ralaa malaai rirun.
4Ribaki' noyo,
ibito' aku no mabaya' rirun,
iou raja' kuno, ibito' aku no ra lamin muno.
Ruandu'-ruandu'
Okou magibit ra akai maansukan,
am mongompor ra laai muno moonsoi poyo ka wain;
ginio sabap ra ruandu'-ruandu' malaai rirun.
Ruandu'
5Akau ralaa-ralaa ru Jirusalim,
kabalu' pana maitom aku kaa' mantalur aku;
kabalu' pana maitom aku koson ra kim ru Kidar,
kaa' mantalur aku koson ra tabir giu' ra istana ri Salomo.
6Pai' aku asabi' sabap ra kungkung kutu maitom;
maitom aku sabap nakatuug ra mato ru orou.
Ngaangai' pabukat kuno siminangit raki',
am mampajajal raki' mangandoi ra umo ru anggur;
kolondo' bulintok ku magalung ra inan kuno galama'.
7Indagu no, alii ra ambai kuno,
ati kia intok muno magalung ra bibiag,
ati kia intok pagupuan ru domba bulintok tanga' ru orou?
Kua kia uyumo' tokou
mangkilolot ra sampanon ru domba longgom ru ulun magagalung ra bokon?
Ungkuyon
8Kalo kia nakapandai kou ra intok nano,
alii ra ruandu' ra mantalur kaga'?
Bayaa' noyo babaya' ru sampanon bibiag tinambiag,
am alungi' noyo ngaangai' anak ru kambing muno
mamaar ra kim ru magagalung-magagalung.
9Alii ra kubayau kuno,
okou koson ayuk ra kuda barai
ondo' makiungkuyon ra
kuda gawayan ondo' mampaguyur ra kurita' sakayan
ru raja' ru Misir.
10Pingas muno nautil-util ra binadakan,
liog muno murarak ayuk ondo' ginalungan ra sisigot parmata.
11Baalin mai okou ra sisigot mas,
busakin ra sisigot pirok.
Ruandu'
12Bulintok ra raja' kuno giu' ra luyaan nano,
maalok maamis owou ru narwastu kuno.
13Ambai kuno koson ra mur ondo' maamis owou,
bulintok ra io lumuya' ra kubab kuno.
14Ambai kuno koson ra tuu' ru bunga' solonggo
giu' ra umo ru anggur giu' ra In-Gidi.
Ungkuyon
15Mapara' piboo kinantalur muno,
alii ra kalumpusan kuno,
mantalur kou kaga'!
Mato muno koson ra mato ru susuit asang.
Ruandu'
16Mapara' piboo kinaindon muno,
alii ra kalumpusan kuno,
maindon kou kaga'!
Sakot masansam intok tano miluluya';
17puun sidar masauk ra lugu' ru baloi tano, am puun sipris sakub nano.
Currently Selected:
RIMBAI PANGAMPARAN 1: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.