JUANIS 2
2
Bunsag paguguatan giu' ra Kana
1Naruaan ragili, mokoondo' rondo' bunsag paguguatan giu' ra pamagunan Kana, libung ru Galilia. Ina' ri Jisus pana soroi ra giu' i. 2I Jisus am maamaya' Nano piniau niayuk minongoi ra bunsag i. 3Kakai' wain i, indagu ina' ri Jisus Riso, “Nakayaan ilo no ra wain.”
4Taam i Jisus, “Ina', kua pantipagon kou Raki' raginio? Kalo poyo nasuku' orou Kuno.”
5Indagu ina' Nano ra kambo-kambo no, kono, “Gagayaa' min atan ayuk panusuban Nano ramuyun.”
6Mokoondo' ra giu' i onom ngampuun sampa' pambulian ra timug pambaguan sumugut ra kaulayan ru ugama Jaudi. Moonong sampuun masuangan balu' ngoopor kapoam maatus ruo ngoopor ngalito. 7Indagu i Jisus ra kambo-kambo no, “Suangi' min sampa'-sampa' ti ra timug.” Suangi' nilo boo koonom-onom sampa' i ra timug saboi nototop. 8Indagu boo i Jisus, “Raino suuko' sanganu timug no am pakinami' ra ulun ondo' maatang ra bunsag ragitio.” Ibito' nilo boo timug i riso. 9Nangkinam io ra timug, ondo' nasauk boo ra wain, kaa' kalo napandayan no ati intor i, (kambo-kambo ayuk nakapandai), am piawo' no ungkuyon inuatan i, 10kono, “Kaindalaman ru ulun, mampasulung galing ra wain moonsoi, am amon ru masuang noyo ininum ru tambului, pasulungon no boo wain ondo' kalo kula' moonsoi. Kaa' okou nambuli ra inumon ondo' moonsoi toojo saboi raino!”
11Ondo' binaal ri Jisus ra Kana, libung ru Galilia, kaimuagan kasaa' Nali. Ginio ra nampakito Io ra Io ti matulai am nangintopot maamaya' Nano Riso.
12 Kopongo ragili i Jisus, ina' Nano, pabukat Nano am maamaya' Nano minongoi ra pekan Kapirnaum am minayan ra giu' i ra kukula' ngoorou ayuk.
Siminubol i Jisus ra Baloi Tuhan
(Mat. 21:12-13; Mrk. 11:15-17; Luk. 19:45-46)
13 Maar noyo masuku' Pangiantakan ra Paska, ginio ra i Jisus minongoi ra Jirusalim. 14Giu' ra liliut ru Baloi Tuhan i, kakito No mantatalan ra sapi', domba am susuit asang am niayuk mangangalig ra ruit no nantuturung ra giu' i. 15Ginio ra pamitol Io ra rondo' lalapos am paugaro' No ilo ngaangai' mabaya' ra domba am sapi' nilai intor ra Baloi Tuhan i. Tuntuaro' No mija' ru mangangalig ra ruit no am pinatabulias No ruit nilai. 16Indagu Io ra mantatalan ra susuit asang no, “Paingkualo' noyo ngaangai' kuliamos min ti. Pai' min sauko' Baloi ru Ama' Kutu ra pasar!” 17 Kakara' boo ru maamaya' Nano ondo' tinulisan ra Kitab: “Aki Kapuuno', togom Kutu ra Baloi Mutu mangkinibit ra patayan Kutu.”
18Tingganai ru ulun ru Jaudi no minanggal Riso, konilai, “Atan kia kaimuagan saukon Muno koson mampainono' ra makakuasa' Kou mambaal ragitio?”
19 Taam i Jisus, “Amon ru lunsayon min Baloi Tuhan ti, motoojo Ku buoi kataluan.”
20Indagu ilo, “Apat ngoopor am onom ngambilor buoi Baloi Tuhan ti naangun, am matapuli' Mu kia buoi kataluan?” 21Kaa' Baloi Tuhan kon ri Jisus ni, sotopot no inan Nano galama'. 22Ginio ra paat ri Jisus binayag saguli' intor ra kapatayan, kakara' ru maamaya' Nano ra minindagu Io no koson ragitio. Ilo pana nangintopot boo ra tinulisan ra Buuk Kitab am niayuk ondo' rinagu ri Jisus i.
Makaintutun i Jisus ra guang ru ngaangai' ulun
23Paat ri Jisus soroi ra Jirusalim ra Pangiantakan ra Paska, masuang ulun nangintopot Riso, sabap ra nakakito ilo ra kaimuagan ondo' binaal Nano. 24Kaa' i Jisus galama' kalo nalansan risilo, sabap ra makaintutun Io ra guang ru ngaangai' ulun. 25Kalo pana paintutunon Io ra osoi ayuk pana, sabap ra Io galama' nakatutun noyo ra ngaangai' guangon ru ulun.
Currently Selected:
JUANIS 2: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
JUANIS 2
2
Bunsag paguguatan giu' ra Kana
1Naruaan ragili, mokoondo' rondo' bunsag paguguatan giu' ra pamagunan Kana, libung ru Galilia. Ina' ri Jisus pana soroi ra giu' i. 2I Jisus am maamaya' Nano piniau niayuk minongoi ra bunsag i. 3Kakai' wain i, indagu ina' ri Jisus Riso, “Nakayaan ilo no ra wain.”
4Taam i Jisus, “Ina', kua pantipagon kou Raki' raginio? Kalo poyo nasuku' orou Kuno.”
5Indagu ina' Nano ra kambo-kambo no, kono, “Gagayaa' min atan ayuk panusuban Nano ramuyun.”
6Mokoondo' ra giu' i onom ngampuun sampa' pambulian ra timug pambaguan sumugut ra kaulayan ru ugama Jaudi. Moonong sampuun masuangan balu' ngoopor kapoam maatus ruo ngoopor ngalito. 7Indagu i Jisus ra kambo-kambo no, “Suangi' min sampa'-sampa' ti ra timug.” Suangi' nilo boo koonom-onom sampa' i ra timug saboi nototop. 8Indagu boo i Jisus, “Raino suuko' sanganu timug no am pakinami' ra ulun ondo' maatang ra bunsag ragitio.” Ibito' nilo boo timug i riso. 9Nangkinam io ra timug, ondo' nasauk boo ra wain, kaa' kalo napandayan no ati intor i, (kambo-kambo ayuk nakapandai), am piawo' no ungkuyon inuatan i, 10kono, “Kaindalaman ru ulun, mampasulung galing ra wain moonsoi, am amon ru masuang noyo ininum ru tambului, pasulungon no boo wain ondo' kalo kula' moonsoi. Kaa' okou nambuli ra inumon ondo' moonsoi toojo saboi raino!”
11Ondo' binaal ri Jisus ra Kana, libung ru Galilia, kaimuagan kasaa' Nali. Ginio ra nampakito Io ra Io ti matulai am nangintopot maamaya' Nano Riso.
12 Kopongo ragili i Jisus, ina' Nano, pabukat Nano am maamaya' Nano minongoi ra pekan Kapirnaum am minayan ra giu' i ra kukula' ngoorou ayuk.
Siminubol i Jisus ra Baloi Tuhan
(Mat. 21:12-13; Mrk. 11:15-17; Luk. 19:45-46)
13 Maar noyo masuku' Pangiantakan ra Paska, ginio ra i Jisus minongoi ra Jirusalim. 14Giu' ra liliut ru Baloi Tuhan i, kakito No mantatalan ra sapi', domba am susuit asang am niayuk mangangalig ra ruit no nantuturung ra giu' i. 15Ginio ra pamitol Io ra rondo' lalapos am paugaro' No ilo ngaangai' mabaya' ra domba am sapi' nilai intor ra Baloi Tuhan i. Tuntuaro' No mija' ru mangangalig ra ruit no am pinatabulias No ruit nilai. 16Indagu Io ra mantatalan ra susuit asang no, “Paingkualo' noyo ngaangai' kuliamos min ti. Pai' min sauko' Baloi ru Ama' Kutu ra pasar!” 17 Kakara' boo ru maamaya' Nano ondo' tinulisan ra Kitab: “Aki Kapuuno', togom Kutu ra Baloi Mutu mangkinibit ra patayan Kutu.”
18Tingganai ru ulun ru Jaudi no minanggal Riso, konilai, “Atan kia kaimuagan saukon Muno koson mampainono' ra makakuasa' Kou mambaal ragitio?”
19 Taam i Jisus, “Amon ru lunsayon min Baloi Tuhan ti, motoojo Ku buoi kataluan.”
20Indagu ilo, “Apat ngoopor am onom ngambilor buoi Baloi Tuhan ti naangun, am matapuli' Mu kia buoi kataluan?” 21Kaa' Baloi Tuhan kon ri Jisus ni, sotopot no inan Nano galama'. 22Ginio ra paat ri Jisus binayag saguli' intor ra kapatayan, kakara' ru maamaya' Nano ra minindagu Io no koson ragitio. Ilo pana nangintopot boo ra tinulisan ra Buuk Kitab am niayuk ondo' rinagu ri Jisus i.
Makaintutun i Jisus ra guang ru ngaangai' ulun
23Paat ri Jisus soroi ra Jirusalim ra Pangiantakan ra Paska, masuang ulun nangintopot Riso, sabap ra nakakito ilo ra kaimuagan ondo' binaal Nano. 24Kaa' i Jisus galama' kalo nalansan risilo, sabap ra makaintutun Io ra guang ru ngaangai' ulun. 25Kalo pana paintutunon Io ra osoi ayuk pana, sabap ra Io galama' nakatutun noyo ra ngaangai' guangon ru ulun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.