1 TUNUNG RU BANSA' ISRAIL 1
1
Suang ru papag intor ri Adam saboi ri Abragam
(Kas. 5:1-32; 10:1-32; 11:10-26)
1I Adam ama' ri Sit, i Sit ama' ri Inos, i Inos ama' ri Kinan, 2i Kinan ama' ri Magalaliil, i Magalaliil ama' Jarid. 3I Jarid ama' ri Ginok, i Ginok ama' ri Mitusila; i Mitusila ama' ri Lamik, 4i Lamik ama' ri Nuu. I Nuu mokoondo' ra talu ngaulun anak ungkuyon: Siim, Gam am Japit.
5Anak ungkuyon ri Japit iono i Gomir, i Magog, i Madai, i Jawan, i Tubal, i Misik am i Tiras. Ilo no kinamatuaan ru bansa'-bansa' ondo' sabiton sumugut ra inggalan nilo. 6Papag ri Gomir iono ulun ru Askinas, Ripat am Togarma. 7Papag ri Jawan iono ulun ru Ilisa, Sipanyol, Siprus am Rodis.
8Anak ungkuyon ri Gam iono i Kus, i Misir, i Libia am i Kanaan. Ilo no kinamatuaan ru bansa'-bansa' ondo' sabiton sumugut ra inggalan nilo. 9Papag ri Kus iono ulun ru Siba, Gawila, Sabta, Raima am Sabtikga. Papag ri Raima iono ulun ru Syiba am Didan. (10I Kus mokoondo' sangulun anak ungkuyon ininggalanan ri Nimrod, ondo' nasauk ra ulun ondo' kasaa' toojo makakuasa' ra tana' ti.) 11Papag ri Misir iono ulun ru Lidia, Anamim, Ligabim, Naptugim, 12Patrusim, Kaslugim am Krita. Ilo no kinamatuaan ru ulun ru Palistin. 13Anak ungkuyon ri Kanaan iono i Sidon, ondo' katuaan, am i Git. Ilo no kinamatuaan ru bansa'-bansa' ondo' sabiton sumugut ra inggalan nilo. 14I Kanaan niayuk kinamatuaan ru ulun ru Jibusi, Amori, Girgasi, 15Giwi, Arki, Sini, 16Arwadi, Simari am Gamati.
17Anak ungkuyon ri Siim iono i Ilam, i Asyur, i Arpaksad, i Lud, i Aram, i Us, i Gul, i Gitir am i Misik. Ilo no kinamatuaan ru bansa'-bansa' ondo' sabiton sumugut ra inggalan nilo. 18I Arpaksad noyo ama' ri Sila, am i Sila ama' ri Ibir. 19I Ibir mokoondo' ruo ngaulun anak ungkuyon; anak ra katuaan ininggalanan ri Pilig sabap ra bulintok nano bansa'-bansa' ra tana' ti natayar-tayar, am anak ra karuo ininggalanan ri Joktan. 20Papag ri Joktan iono ulun ru Almodad, Silip, Gajar-Mawit, Jirag, 21Gadoram, Ujal, Dikla, 22Ibal, Abimail, Syiba, 23Opir, Gawila am Jobab.
24Suang ru papag intor ri Siim polos ri Abragam koson ragitio: Siim, Arpaksad, Sila, 25Ibir, Pilig, Riyu, 26Sirug, Nagor, Tirag, 27am Abram (nauligan niayuk ri Abragam).
Papag ri Ismail
(Kas. 25:12-16)
28I Abragam mokoondo' ruo ngaulun anak ungkuyon, i Isak am i Ismail. 29Anak-anak ungkuyon ri Ismail nasauk ra tingganai ru mopor am ruo bansa': Nibayot ondo' katuaan, am i Kidar, Adbiil, Mibsam, 30Misma, Duma, Masa, Gadad, Tima, 31Jitur, Napis am Kidma.
Papag ri Abragam am i Kitura
(Kas. 25:1-4)
32I Abragam mokoondo' sangulun ruandu' parulug ininggalanan ri Kitura. Ruandu' parulug nano naganak onom anak ungkuyon: Jimran, Joksan, Midan, Midian, Isybak am Sua. I Joksan mokoondo' ruo ngaulun anak ungkuyon, i Syiba am i Didan. 33I Midian mokoondo' limo ngaulun anak ungkuyon: Ipa, Ipir, Ganok, Abida am Ildaa.
Papag ri Isau
(Kas. 36:1-19)
34I Isak anak ri Abragam mokoondo' ruo ngaulun anak ungkuyon, iono i Isau am i Jakub (ondo' niayuk nauligan ri Israil). 35Anak ungkuyon ri Isau iono i Ialipas, i Riguil, i Jius, i Jailam am i Kora. 36I Ialipas iono kinamatuaan ru bansa'-bansa' ragitio: Timan, Omar, Jipi, Gaitam, Kinas, Timna am Amalik. 37I Riguil iono kinamatuaan ru bansa'-bansa' ragitio: Nagat, Jirag, Syama am Mija.
Mamagun toojo ru tana' ru Idom
(Kas. 36:20-30)
38-42Mamagun toojo ru tana' ru Idom iono papag ru anak-anak ungkuyon ri Siir: Lotan, Siobal, Jibion, Ana, Dision, Ijir am Disian.
I Lotan iono kinamatuaan ru bansa' Ori am Gomam. I Lotan mokoondo' sangulun pabukat ra ruandu' ininggalanan ri Timna.
I Siobal iono kinamatuaan ru bansa' Alian, Managat, Ibal, Sipi am Onam.
I Jibion mokoondo' ruo ngaulun anak ungkuyon, i Aya am i Ana. I Ana iono ama' ri Dision, am i Dision iono kinamatuaan ru bansa' Gamran, Isiban, Jitran am Kiran.
I Ijir iono kinamatuaan ru bansa' ru Bilgan, Jaawan am Jaakan.
I Disian iono kinamatuaan ru bansa' ru Us am Aran.
Raja'-raja' ru Idom
(Kas. 36:31-43)
43-50Ra kolondo' poyo raja' ondo' namarinta giu' ra Israil, tana' ru Idom kinuasa' ru nansusunu' raja'-raja' ragitio;
Raja' Bila anak ri Bior intor ra Dingaba
Raja' Jogab anak ri Jirag intor ra Bojra
Raja' Gusyam intor ra libung Timan
Raja' Gadad anak ri Bidad intor ra Awit (io noyo ondo' nangala ra ulun ru Midian ralalom pangayawan giu' ra tana' Moab)
Raja' Samla intor ra Masrika
Raja' Saul intor ra Rigobot giu' ra igig ru sungoi
Raja' Baal-Ganan anak ri Akbor
Raja' Gadad intor ra Pagi (andu' nano ininggalanan ri Migitabiil, anak ri Matrid am akupu ri Mijagab).
51Ulun ru Idom intor ra bansa' ru Timna, Alia, Jitit, 52Ogolibama, Ila, Pinon, 53Kinas, Timan, Mibjar, 54Magdiil am Iram.
Currently Selected:
1 TUNUNG RU BANSA' ISRAIL 1: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.