SAN MATEO 1
GUABD

SAN MATEO 1

1
Jesucristo iñemuñagüe reta
(Lc 3.23-38)
1Kuae ko jae Jesucristo iñemuñagüe reta jee. Jesucristo jae ko David iñemuña pegua. Jare Abraham iñemuña pegua.
2Abraham taɨ jae Isaac, Isaac taɨ jae Jacob, Jacob taɨ jae Judá jare tɨkeɨ reta jare tɨvɨ reta. 3Jare Judá omomembɨ Tamar vae reta jae: Fares jare Zara. Jare Fares taɨ jae Esrom, jare Esrom taɨ jae Aram. 4Jare Aram taɨ jae Aminadab, Aminadab taɨ jae Naasón, Naasón taɨ jae Salmón. 5Jare Salmón omomembɨ Rahab vae jae Booz. Jare Booz omomembɨ Rut vae jae Obed. Jare Obed taɨ jae Isaí. 6Jare Isaí taɨ jae David. Jae ko Israel pegua reta juvicha guasu.
Jare mburuvicha guasu David omomembɨ Urías#1 Cr 2.1-15; Rt 4.18-22. jembirekogüe vae jae Salomón. 7Jare Salomón taɨ jae Roboam; Roboam taɨ jae Abías; Abías taɨ jae Asa. 8Jare Asa taɨ jae Josafat, Josafat taɨ jae Joram, Joram taɨ jae Uzías. 9Jare Uzías taɨ jae Jotam; Jotam taɨ jae Acaz; Acaz taɨ jae Ezequías. 10Jare Ezequías taɨ jae Manasés; Manasés taɨ jae taɨ jae Amón; Amón taɨ jae Josías. 11Jare Josías taɨ jae Jeconías jare tɨvɨ reta. Jókuae ara rupi ɨvɨ Babilonia pegua reta opa güɨraja tembipɨɨrä Israel pegua reta Babilonia pe.#2 R 24.14-15; 2 Cr 36.10; Jer 27.20.
12Jare oyereraja ma Babilonia pe yave, Jeconías pe oa taɨ Salatiel; Salatiel taɨ jae Zorobabel. 13Jare Zorobabel taɨ jae Abiud; Abiud taɨ jae Eliaquim; Eliaquim taɨ jae Azor. 14Jare Azor taɨ jae Sadoc; Sadoc taɨ jae Aquim; Aquim taɨ jae Eliud. 15Jare Eliud taɨ jae Eleazar; Eleazar taɨ jae Matán; Matán taɨ jae Jacob. 16Jare Jacob taɨ jae José; María ime. Jare María imembɨ jae Jesús; jae ko jee Cristo.
17Jare oyepapa catorce ñemuña Abraham güive David pe. Jaeramiño vi oyepapa catorce ñemuña David güive Israel pegua reta opa oyererajauka tembipɨɨrä Babilonia pe yave. Jare Israel pegua reta opa oyererajauka tembipɨɨrä Babilonia pe güive Cristo pe oyepapa vi catorce ñemuña.
Jesucristo oa vae regua
(Lc 2.1-7)
18Körai Jesucristo oa ichɨ güi: María José#Lc 1.27. ndive omenda vaerä ma oï. Ërei ndei José güɨreko mbove, oyekuaa ipurúa oï. Ipurúa ko Espíritu Santo imbaepuere rupi. 19Echa José ko metei kuimbae jupi vae ramo mbaetɨ oipota omoërakua pɨ̈chɨiuka María. Oyemongeta oeya vɨari vaerä. 20Ërei kuae re oyemongeta ramboeve, metei araɨgua yandeYa pe oyeokuai vae oyekuaa chupe ipaɨu pe jare jei chupe: “José, David iñemuña pegua. Agüɨye eipoɨu emenda María ndive. Echa ipurúa ko Espíritu Santo imbaepuere rupi. 21María imembɨta metei kuimbae raɨ, jare rembojeeta Jesús.#Lc 1.31. Echa jae omboasata imbae vae reta imbaeyoa reta güi.”
22Opaete kuae oyeapo oï, oyembopo vaerä yandeYa omombeu arakae ñeemombeúa rupi vae. 23Echa jei körai:
“Mase, metei kuñatai mbaetɨ etei oasa kuimbae ndive vae
ipuruata jare oata imembɨ kuimbae raɨ.
Jare ombojee retata Emanuel.”#Is 7.14.
(Kuae tee oipota jei: “Tumpa oime yande ndive.”)
24José osareko yave, oyapo araɨgua yandeYa pe oyeokuai vae jei chupe rami. Omenda María ndive. 25Ërei José mbaetɨ güɨroke María imembɨrɨpɨ oa regua. Jare María imembɨ oa ma yave, José ombojee Jesús.#Lc 2.21.

Biblia DC Guaraní Bolivia © Bolivian Bible Society, 2001.


Learn More About Biblia Guarani, Tumpa Iñee

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.