1 Korin 8
8
A kannou ti haats naia u kesa
1Tara kannou ti haats nai u kesa alimiou e poeiemiou, “Alam hoboto e atei silem a ka te matsköna.” Kaba a niatei tuun te kato ha hihipusena a katuun. A markato te ngil menari a tana katuun nonei te taguhena a katuun. 2A katuun te poeiena e atei koruna ema atei haniga sil noe nei a manka. 3Kaba a katuun te ngil hamanena e Sunahan, e Sunahan e atei sile nouen.
4Bora, tegi nou menaira a kannou te haats nari u kesa, ara e atei silera e möa tu kesa tega mana kaba e Sunahan puku a töa. 5E manana, u katuun e poeier e ka mena a got na tsunono a parpara i Kolö na i puta. 6Kaba ara u kristen e hamana ria tara töa puku a Got, nonei e Sunahan, e Tamarara te habuti a mamanaka, na ra e hamane ren. Na e ka has mena a töa puku a Tsunono, nonei e Iesu Kristo. E Sunahan e habutu sila naia a mamanaka i tanen, na ra e ka ria tara nitagala tere Kristo.
7Kaba para a katuun ema atei silenei a ka teka. Taraha nori e hakats noa has naier u kesa. Na pöata te noue rien a kannou turu haats, nori e poeier u haats tara got hamana. Nori e hakats hapara ner a ka teka ba a tsitabubun hakats i taren te omina. 8A kannou ema las hasusuku mera noi ra tere Sunahan. Tema noe roira a kannou na te noe rouara a kannou ema kato haniga ranoui ra i matana e Sunahan. E möa.
9Kaba hakats hanigaiam a niatei i tamilimiou ena mots kato homiena a katuun, ba u hakats i tanen tema tagala balanei banonei te rus uana tara markato a omi. 10Taraha, te tare roua lö, alö te kamem a niatei e nou mia iahana luman lotu turu kesa, ba nori te ngilin nou hase riou a kannou te haats ba naria turu kesa. 11Ba tara niatei i tamölö ba u toulamölö te mate silir e Kristo, u nihamana i taren tema tagala lel talanei e kato homi taleier. 12Te markato uamölö teka turu toulamölö, alö e kato homi mia i matana e Kristo, taraha alö e kato hapieiem ats tabubun nihamana te kame ren. 13Te kato homie na a markato tara kannou e toular, alia ema tatei nou lenegi u benö. Alia ena mots kato homiegi e toular a markato tara kannou teka.
Currently Selected:
1 Korin 8: HLA 2020
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
1 Korin 8
8
A kannou ti haats naia u kesa
1Tara kannou ti haats nai u kesa alimiou e poeiemiou, “Alam hoboto e atei silem a ka te matsköna.” Kaba a niatei tuun te kato ha hihipusena a katuun. A markato te ngil menari a tana katuun nonei te taguhena a katuun. 2A katuun te poeiena e atei koruna ema atei haniga sil noe nei a manka. 3Kaba a katuun te ngil hamanena e Sunahan, e Sunahan e atei sile nouen.
4Bora, tegi nou menaira a kannou te haats nari u kesa, ara e atei silera e möa tu kesa tega mana kaba e Sunahan puku a töa. 5E manana, u katuun e poeier e ka mena a got na tsunono a parpara i Kolö na i puta. 6Kaba ara u kristen e hamana ria tara töa puku a Got, nonei e Sunahan, e Tamarara te habuti a mamanaka, na ra e hamane ren. Na e ka has mena a töa puku a Tsunono, nonei e Iesu Kristo. E Sunahan e habutu sila naia a mamanaka i tanen, na ra e ka ria tara nitagala tere Kristo.
7Kaba para a katuun ema atei silenei a ka teka. Taraha nori e hakats noa has naier u kesa. Na pöata te noue rien a kannou turu haats, nori e poeier u haats tara got hamana. Nori e hakats hapara ner a ka teka ba a tsitabubun hakats i taren te omina. 8A kannou ema las hasusuku mera noi ra tere Sunahan. Tema noe roira a kannou na te noe rouara a kannou ema kato haniga ranoui ra i matana e Sunahan. E möa.
9Kaba hakats hanigaiam a niatei i tamilimiou ena mots kato homiena a katuun, ba u hakats i tanen tema tagala balanei banonei te rus uana tara markato a omi. 10Taraha, te tare roua lö, alö te kamem a niatei e nou mia iahana luman lotu turu kesa, ba nori te ngilin nou hase riou a kannou te haats ba naria turu kesa. 11Ba tara niatei i tamölö ba u toulamölö te mate silir e Kristo, u nihamana i taren tema tagala lel talanei e kato homi taleier. 12Te markato uamölö teka turu toulamölö, alö e kato homi mia i matana e Kristo, taraha alö e kato hapieiem ats tabubun nihamana te kame ren. 13Te kato homie na a markato tara kannou e toular, alia ema tatei nou lenegi u benö. Alia ena mots kato homiegi e toular a markato tara kannou teka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.