Aŵaloma 9
9
1Ndukulaŵila ifyacine muli ŵaKlistu, nsilukuŵepa, pakuti cimaŋga wanji alukunsimicila muMupasi Uswetelele, 2ati ndi nensoni'syakuti nekusomenwa insiku syonse mumutima wanji. 3Pakuti nati mfwaye ati ndifinjilwe ulekene naŵaKlistu, pakuti paŵakwasu, aŵamukoka wanji. 4Ŵopele ŵaIsilaeli; ukwaŵo ekupyanikwa, neŵuleme, nekulayana, nekupelwa kwamafunde, nekuŵapyunjila ŵaLesa, nemalailo onse, 5aŵaŵo eŵawisifwe; kaŵili kuli ŵo, koti munefu, kwalifumine ŵaKlistu, aŵakomeka ifintu fyonse, ŵaLesa aŵacindeme insiku syonse lukoso! Ameni.
6Sombi nsilukweŵa ati Isiwi lyaŵaLesa liliŵele lyalukoso. Pakuti aŵo aŵatulile kuli Isilaeli, taŵali ŵaIsilaeli ŵonse, tau; 7kaŵili aŵo aŵafyelwe kuli Ablaamu, taŵali ŵana ŵonse, tau: sombi palilembelwe ati: Aŵana ŵakwe lsaci eŵakelikwa ŵana ŵoŵe. 8Ifyo ukweŵa ati aŵana aŵakumunefu taŵali ŵana ŵaŵaLesa: sombi ŵana ŵakulaya eŵaebwa ŵana. 9Pakuti isiwi ili lyakulaya ati: Pampindi ino yamwaka ŋkesa, popele Sala akaŵa nemwana umwalalume. 10Kaŵili ifyo fyeŋka tefyo. Sombi pali naLibeka, ili aimitile kumuntu umo, lsaci wisifwe; 11pakuti, lomba tawaŋgafyalwa aŵana, lomba tawaŋgacite'fintu ifiweme neli fiŵipile fyonse, ati ŋgakwikale ukufwaya kwaŵaLesa koti kusalulula kwaŵo (ukusalululo'ko tepakuti pamilimo yaŵo, koku, sombi koti kufwaya kwaŵaŵo aŵeta), 12fyalilaŵilwe ukumuŵula Libeka ati: Umukulu-ŵantu akamupyunjila umwanice-ŵantu. 13Koti nifyopele'fyo ifyalembelwe ati: Yakobi nalimutemenwe; sombi Eso nalimufitilwe.
14Mbatulaŵile syani lomba? Kani kuli ukusendama kuli ŵaLesa? Ifyo tefyo! 15Pakuti ŵalilaŵile kuli Mose ati: Pakumucite'ŋkumbu umuntu neŵo, ŋkamucitile'ŋkumbu lukoso; pakumucito'luse umuntu neŵo, ŋkamucinio' luse lukoso! 16Pakuti pali fyefyo, tafili koti kufwaya kwaŵantu, neli nikoti kuŵutuka kwaŵo; sombi fili koti mutima waŵaLesa aŵali neŋkumbu. 17Pakuti amalembo alilaŵile kuli Falo ati: Pakuti fyeŋke'fi epo nakusuntwile, ati ndanjisye muli weŵo amakosa anji, nakaŵili ati isina lyanji likatulike monse mucalo capansi. 18Pakuti pali fyefyo walamucite'ŋkumbu uyo uŵalukufwaya, kaŵili nawoyo uŵalukufwaya ŵalamukosya mumutima.
19Peŋka wakulaŵila kuli neŵo ati: Mbanindo ŵacileŋgulwila? Pakuti mbaninani ucicila ukufwaya kwaŵo? 20Sombi tanje, wemuntu, mbaniwenani ulukupicisya naŵaLesa? leintu iciŵumbilwe kani cilaŵile kuli woyo uwaciŵumbile ati: Mbanindo mwambumbile fino? 21Neli muŵumfi, kansi taalikwete uŵukulu peŵumba, ubwakuŵumba kumupili umo, limbi ninoŋgo yaŵuleme, limbi nalyo yamupufyo? 22MbaŵaLesa syani, naŋgawa ati ŵalukufwayo'kulanjisya ukufitwa kwaŵo nekutulisya amakosa aŵo, kani ŵalukusisumina neŋkumbu isikulu inoŋgo isi ŵafitilwe isyelelwe ukonalwa; 23ifyo ati ŵakatulisye uwuwile bwaŵuleme bwaŵo panoŋgo syaluse, syopele'syo isi ŵaansicile akale mukupoko'ŵuleme, 24epali fweŵo fweŵaitile peŵumba lyaŵaJuda ŵeŋka tepo, sombi nakuŵenafyalo naŵo? 25Koti nifyopele'fyo ifi ŵalaŵile namwibuku lyakwe Osiya ati:
Ŋkaŵelika ati ŵantu ŵanji aŵo aŵataŵali ŵantu ŵanji;
Nawoyo-mwanakasi utaatemiwe, ŋkamwilika ati alitemiwe.
26Nakaŵili pakaŵa ati apo, apalaŵilwe kuli ŵo ati—Tamuli ŵantu ŵanji,
Popele apo ŵakalukwilicilwe ati W'ana ŵaŵaLesa ŵaMweo.
27Kaŵili Yisaya alukuŵilicisya ifyakuŵaIsilaeli ati: Naŋgawa ati ukupenda kwaŵana ŵakwe Isilaeli kukaŵa koti museŋga uwamucisiŵa, aŵace lukoso aŵakusyala-po eŵakapuluka! 28Pakuti ŵaSikulu ŵakakonsye'Siwi lyaŵo pacalo capansi, ili ŵalikumanya nekulipinicila umuluŋgeme.
29Nakoti nifyopele'fyo ifi alaŵileakale Yisaya ati:
ŴaSikulu ŵaMaŵumba, ŋga taŵatusile-po aŵana ŵambi,
Ŋga twaŵele koti niSodoma, nekupalana koti niGomola.
30Mbatulaŵile syani lomba? Ati aŵenafyalo, aŵataŵalondele ukuluŋgama, ŵalificile kukuluŋgama, ekuluŋgama ukwatulile kukucetekela: 31sombi aŵaIsilaeli, ili ŵalondele ifunde lyakuluŋgama, taŵaficile kwifunde ilyo. 32Mbanindo? Pakuti, ili ŵapema-mo mumilimo, nekuŵulo'kucetekela lukoso, walilitutwile pebwe lyakututula; 33koti nifyopele'fyo ifyalembelwe ati:
Ŵoneni, ndukuŵika muSayoni ibwe lyakututula, ecibwe cakuteya;
Sombi uyo upema-mo muli co, taakaŵa-po nensoni.
Currently Selected:
Aŵaloma 9: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Aŵaloma 9
9
1Ndukulaŵila ifyacine muli ŵaKlistu, nsilukuŵepa, pakuti cimaŋga wanji alukunsimicila muMupasi Uswetelele, 2ati ndi nensoni'syakuti nekusomenwa insiku syonse mumutima wanji. 3Pakuti nati mfwaye ati ndifinjilwe ulekene naŵaKlistu, pakuti paŵakwasu, aŵamukoka wanji. 4Ŵopele ŵaIsilaeli; ukwaŵo ekupyanikwa, neŵuleme, nekulayana, nekupelwa kwamafunde, nekuŵapyunjila ŵaLesa, nemalailo onse, 5aŵaŵo eŵawisifwe; kaŵili kuli ŵo, koti munefu, kwalifumine ŵaKlistu, aŵakomeka ifintu fyonse, ŵaLesa aŵacindeme insiku syonse lukoso! Ameni.
6Sombi nsilukweŵa ati Isiwi lyaŵaLesa liliŵele lyalukoso. Pakuti aŵo aŵatulile kuli Isilaeli, taŵali ŵaIsilaeli ŵonse, tau; 7kaŵili aŵo aŵafyelwe kuli Ablaamu, taŵali ŵana ŵonse, tau: sombi palilembelwe ati: Aŵana ŵakwe lsaci eŵakelikwa ŵana ŵoŵe. 8Ifyo ukweŵa ati aŵana aŵakumunefu taŵali ŵana ŵaŵaLesa: sombi ŵana ŵakulaya eŵaebwa ŵana. 9Pakuti isiwi ili lyakulaya ati: Pampindi ino yamwaka ŋkesa, popele Sala akaŵa nemwana umwalalume. 10Kaŵili ifyo fyeŋka tefyo. Sombi pali naLibeka, ili aimitile kumuntu umo, lsaci wisifwe; 11pakuti, lomba tawaŋgafyalwa aŵana, lomba tawaŋgacite'fintu ifiweme neli fiŵipile fyonse, ati ŋgakwikale ukufwaya kwaŵaLesa koti kusalulula kwaŵo (ukusalululo'ko tepakuti pamilimo yaŵo, koku, sombi koti kufwaya kwaŵaŵo aŵeta), 12fyalilaŵilwe ukumuŵula Libeka ati: Umukulu-ŵantu akamupyunjila umwanice-ŵantu. 13Koti nifyopele'fyo ifyalembelwe ati: Yakobi nalimutemenwe; sombi Eso nalimufitilwe.
14Mbatulaŵile syani lomba? Kani kuli ukusendama kuli ŵaLesa? Ifyo tefyo! 15Pakuti ŵalilaŵile kuli Mose ati: Pakumucite'ŋkumbu umuntu neŵo, ŋkamucitile'ŋkumbu lukoso; pakumucito'luse umuntu neŵo, ŋkamucinio' luse lukoso! 16Pakuti pali fyefyo, tafili koti kufwaya kwaŵantu, neli nikoti kuŵutuka kwaŵo; sombi fili koti mutima waŵaLesa aŵali neŋkumbu. 17Pakuti amalembo alilaŵile kuli Falo ati: Pakuti fyeŋke'fi epo nakusuntwile, ati ndanjisye muli weŵo amakosa anji, nakaŵili ati isina lyanji likatulike monse mucalo capansi. 18Pakuti pali fyefyo walamucite'ŋkumbu uyo uŵalukufwaya, kaŵili nawoyo uŵalukufwaya ŵalamukosya mumutima.
19Peŋka wakulaŵila kuli neŵo ati: Mbanindo ŵacileŋgulwila? Pakuti mbaninani ucicila ukufwaya kwaŵo? 20Sombi tanje, wemuntu, mbaniwenani ulukupicisya naŵaLesa? leintu iciŵumbilwe kani cilaŵile kuli woyo uwaciŵumbile ati: Mbanindo mwambumbile fino? 21Neli muŵumfi, kansi taalikwete uŵukulu peŵumba, ubwakuŵumba kumupili umo, limbi ninoŋgo yaŵuleme, limbi nalyo yamupufyo? 22MbaŵaLesa syani, naŋgawa ati ŵalukufwayo'kulanjisya ukufitwa kwaŵo nekutulisya amakosa aŵo, kani ŵalukusisumina neŋkumbu isikulu inoŋgo isi ŵafitilwe isyelelwe ukonalwa; 23ifyo ati ŵakatulisye uwuwile bwaŵuleme bwaŵo panoŋgo syaluse, syopele'syo isi ŵaansicile akale mukupoko'ŵuleme, 24epali fweŵo fweŵaitile peŵumba lyaŵaJuda ŵeŋka tepo, sombi nakuŵenafyalo naŵo? 25Koti nifyopele'fyo ifi ŵalaŵile namwibuku lyakwe Osiya ati:
Ŋkaŵelika ati ŵantu ŵanji aŵo aŵataŵali ŵantu ŵanji;
Nawoyo-mwanakasi utaatemiwe, ŋkamwilika ati alitemiwe.
26Nakaŵili pakaŵa ati apo, apalaŵilwe kuli ŵo ati—Tamuli ŵantu ŵanji,
Popele apo ŵakalukwilicilwe ati W'ana ŵaŵaLesa ŵaMweo.
27Kaŵili Yisaya alukuŵilicisya ifyakuŵaIsilaeli ati: Naŋgawa ati ukupenda kwaŵana ŵakwe Isilaeli kukaŵa koti museŋga uwamucisiŵa, aŵace lukoso aŵakusyala-po eŵakapuluka! 28Pakuti ŵaSikulu ŵakakonsye'Siwi lyaŵo pacalo capansi, ili ŵalikumanya nekulipinicila umuluŋgeme.
29Nakoti nifyopele'fyo ifi alaŵileakale Yisaya ati:
ŴaSikulu ŵaMaŵumba, ŋga taŵatusile-po aŵana ŵambi,
Ŋga twaŵele koti niSodoma, nekupalana koti niGomola.
30Mbatulaŵile syani lomba? Ati aŵenafyalo, aŵataŵalondele ukuluŋgama, ŵalificile kukuluŋgama, ekuluŋgama ukwatulile kukucetekela: 31sombi aŵaIsilaeli, ili ŵalondele ifunde lyakuluŋgama, taŵaficile kwifunde ilyo. 32Mbanindo? Pakuti, ili ŵapema-mo mumilimo, nekuŵulo'kucetekela lukoso, walilitutwile pebwe lyakututula; 33koti nifyopele'fyo ifyalembelwe ati:
Ŵoneni, ndukuŵika muSayoni ibwe lyakututula, ecibwe cakuteya;
Sombi uyo upema-mo muli co, taakaŵa-po nensoni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.