Aŵaloma 8
8
1Pakuti pali fyefyo ŵukumo tapali ukuŵasinina aŵo aŵali muli ŵaKlistu Yesu. 2Pakuti muli ŵaKlistu Yesu ifunde lyaMupasi waMweo lyaliŋkakulwile kwifunde lyakuŵifya nelyamfwa. 3Pakuti ifyo ifi taliisiŵile ifunde ukucita, pakuti lyalinacile mumunefu, ŵaLesa eŵaficitile, ili ŵatumine Aŵana ŵaŵo aŵene, aŵapalene nemunefu wakuŵifya, pakuti pakuŵifya, nekusinina ukuŵifya mumunefu; 4ati icaŵulilwe cefunde cikakumane muli fweŵo fweŵakuŵulo'kwenda koti munefu, fweŵakwenda koti Mupasi. 5Pakuti aŵo aŵekala koti munefu, ŵalalaŋguluka ifintu ifyakumunefu; sombi aŵo aŵekala koti Mupasi, ŵalalaŋguluka ifintu ifyakuMupasi. 6Pakuti ukulukufilaŋguluka ifyakumunefu nimfwa; sombi ukulukufilaŋguluka ifyakuMupasi mweo neŵutende. 7Pakuti ukulukulaŋguluka ifyakumunefu ŵupate kuli ŵaLesa, pakuti takukomekwa kwifunde lyaŵaLesa; kaŵili takwisi ukukomekwa. 8Aŵo aŵekala mumunefu taŵesi ukuŵatemwesya ŵaLesa.
9Sombi mweŵo tamuli mumunefu, muli muMupasi, kani icine Umupasi waŵaLesa ulekala muli mweŵo. Pakuti aŵantu ŵonse utaakwete Umupasi waŵaKlistu taali waŵo, yo. 10Sombi kani ŵaKlistu ŵali muli mweŵo, umuŵili ulifwile pakuti pakuŵifya; sombi umupasi emweo pakuti pakuluŋgama. 11Sombi, kani Umupasi waŵaŵo, aŵaŵaŵusisye ŵaYesu pakati kaŵafwile, ulekala muli mweŵo, aŵo, aŵaŵaŵusisye ŵaKlistu Yesu pakati kaŵafwile, ŵakasinsimuna nemiŵili yenu iisi ukufwa, pakuti paMupasi waŵo uwikala muli mweŵo.
12Pakuti pali fyefyo, mweŵakwasu, tatuli nemulandu kumunefu ukwikala koti munefu, koku; 13pakuti, kani mulukwikala koti munefu, mukafwa; sombi kani mweŵo, kumakosa aMupasi, mukepaye ukucita kwamuŵili, mukalukwikele nemweo.
14Pakuti ŵonse aŵo aŵatanjililwa kuMupasi waŵaLesa, aŵo ŵana ŵaŵaLesa. 15Pakuti tamwapokele umupasi waŵukalume ukumubwesesyeni kukutina; sombi mwalipokele Umupasi wakupyanikwa, muli wo emo tulila ati: Aba! Tata! 16Umupasi uwine ulaucita ŵumboni umupasi wesu ati tuli ŵana ŵaŵaLesa: 17lomba, kani tuli ŵana, tuli nimpyani kaŵili; nimpyani syaŵaLesa, nimpyani siŵyaŵo ŵaKlistu; kani icine tulukusomenwa pamo naŵo, ati tukalemiwe pamo naŵo kaŵili.
18Pakuti ndukweŵa ati ukusomenwa kwampindi ino kuce lukoso pakulaŋguluka uŵuleme uŵo uŵukatufisulucila fweŵo. 19Pakuti ifileŋgelwe fyonse, ili ficetekela nemitima yafiko yonse, filukupembelela ukufisuluka kwaŵana ŵaŵaLesa. 20Pakuti ifileŋgelwe fyonse fyalikomekelwe kufyalukoso, tepakuti ifine fyalifwaile'fyo koku, sombi nakuti pali ŵaŵo aŵafikomekele; 21ili ŵacetekele ati ifileŋgelwe ifine nafyo fikakakululwa kuli ŵukalume bweŵosi nekwinjila mubwana-bwaŵene ubwaŵuleme bwaŵana ŵaŵaLesa. 22Pakuti tuliisi ati ifileŋgelwe fyonse filukutoŋgela nekulukupotwa kukusomenwa ukuficila ŵukumo. 23Kaŵili, ifyo fyeŋka, koku; sombi nafweŵo fweŵene, fwetuli nefyamutulu waMupasi, fweŵo fweŵene tulukutoŋgela mumitima yesu, ili tupembelela ukukonsiwa kwakupyanikwa kwesu, ukuluŵuka kwamiŵili yesu. 24Pakuti ukucetekela ekwatupulwisye; sombi ukucetekela ukuŵonwa takuli kucetekela; pakuti ico ici alukuŵona umuntu, mbaninani ulukucicetekela lukoso? 25Sombi kani tulacetekela kuli ceco ici tatuŵona-po, tulacipembelela umutimanteka.
26Fyopele'fyo kaŵili neMupasi ulakofwa-ko ukunaka kwesu; pakuti tatwisi ukutembela ukwelelwe; sombi Umupasi uwine ulatupapatilila nekusisimuka ukutakwisi ukusimbulwa; 27sombi aŵo aŵacencenta mumitima ŵaliisi ukulaŋguluka kwaMupasi; pakuti ŵalaŵapapatilila awaluŋgeme koti kufwaya kwaŵaLesa. 28Kaŵili tuliisi ati ifintu fyonse filakumana mukucitile'fiweme aŵo aŵatemwa ŵaLesa, aŵetilwe koti kufwaya kwaŵo. 29Pakuti aŵo aŵa ŵaisiŵilelimoakale, aŵo ŵopele ŵaliŵasalulwile limo ukupalana nemekalilo aWana ŵaŵo, ati ŵaŵe ŵaŵele paŵakwaŵo aŵenji. 30Nakaŵili aŵo aŵa ŵasalulwile limo, aŵo ŵopele ŵaliŵetile kaŵili; naŵaŵo aŵa ŵaitile, ŵopele aŵo ŵaliŵalunjicile; naŵaŵo naŵo aŵa ŵalunjicile, aŵo ŵopele ŵaliŵalemesye.
31Mbatulaŵile syani lomba ifyafintu ifyo? Kani ŵaLesa ŵali nafweŵo, mbaninani uwakulwa nafweŵo? 32Aŵo aŵataŵakenye Aŵana ŵaŵo aŵali ŵeŋka, sombi ŵaliŵaposele pakuti pali fweŵo fwense, kansi taŵakatupela pamo naŵo ifintu fyonse ifyakupa lukoso? 33Mbaninani ukaŵapinde'milandu aŵasalulwilwe kuli ŵaLesa? NiŵaLesa aŵalunjika. 34Mbaninani ukasinina? NiŵaKlistu Yesu aŵafwile, tanje cine aŵaŵucile paŵafwile, aŵali palwine lwaŵaLesa aŵatupapatilila kaŵili. 35Mbaninani ukatulekanya neŵutemwe bwaŵaKlistu? Kani kukululuka, kani ninsoni, kani kupeŋga, kani ninsala, kani ŵusakula, kani censwa, kani nimpoko? 36Koti nifyopele' fyo ifilembelwe ati:
Pakuti pali mweŵo, tulukwipaiwa akasuŵa konse;
Twalieŵelwe koti nimbelele syakwipaiwa.
37Koku; sombi mufintu ifyo fyonse tulisyucile ukwakucila-po lukoso, pakuti pali ŵaŵo aŵatutemenwe. 38Pakuti ndukucetekela ati neli nimfwa, neli mweo, neli niŋkalamba, neli ŵufumu, neli fintu fyaŵukumo, neli fintu ifikesa, neli makosa, 39neli ŵutali ubwakwiulu neli bwapansi, neli cintu cimbi icileŋgelwe, tacikesiŵa-po ukutulekanya neŵutemwe bwaŵaLesa, uŵuli muli ŵaKlistu Yesu ŵaSikulu ŵesu!
Currently Selected:
Aŵaloma 8: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Aŵaloma 8
8
1Pakuti pali fyefyo ŵukumo tapali ukuŵasinina aŵo aŵali muli ŵaKlistu Yesu. 2Pakuti muli ŵaKlistu Yesu ifunde lyaMupasi waMweo lyaliŋkakulwile kwifunde lyakuŵifya nelyamfwa. 3Pakuti ifyo ifi taliisiŵile ifunde ukucita, pakuti lyalinacile mumunefu, ŵaLesa eŵaficitile, ili ŵatumine Aŵana ŵaŵo aŵene, aŵapalene nemunefu wakuŵifya, pakuti pakuŵifya, nekusinina ukuŵifya mumunefu; 4ati icaŵulilwe cefunde cikakumane muli fweŵo fweŵakuŵulo'kwenda koti munefu, fweŵakwenda koti Mupasi. 5Pakuti aŵo aŵekala koti munefu, ŵalalaŋguluka ifintu ifyakumunefu; sombi aŵo aŵekala koti Mupasi, ŵalalaŋguluka ifintu ifyakuMupasi. 6Pakuti ukulukufilaŋguluka ifyakumunefu nimfwa; sombi ukulukufilaŋguluka ifyakuMupasi mweo neŵutende. 7Pakuti ukulukulaŋguluka ifyakumunefu ŵupate kuli ŵaLesa, pakuti takukomekwa kwifunde lyaŵaLesa; kaŵili takwisi ukukomekwa. 8Aŵo aŵekala mumunefu taŵesi ukuŵatemwesya ŵaLesa.
9Sombi mweŵo tamuli mumunefu, muli muMupasi, kani icine Umupasi waŵaLesa ulekala muli mweŵo. Pakuti aŵantu ŵonse utaakwete Umupasi waŵaKlistu taali waŵo, yo. 10Sombi kani ŵaKlistu ŵali muli mweŵo, umuŵili ulifwile pakuti pakuŵifya; sombi umupasi emweo pakuti pakuluŋgama. 11Sombi, kani Umupasi waŵaŵo, aŵaŵaŵusisye ŵaYesu pakati kaŵafwile, ulekala muli mweŵo, aŵo, aŵaŵaŵusisye ŵaKlistu Yesu pakati kaŵafwile, ŵakasinsimuna nemiŵili yenu iisi ukufwa, pakuti paMupasi waŵo uwikala muli mweŵo.
12Pakuti pali fyefyo, mweŵakwasu, tatuli nemulandu kumunefu ukwikala koti munefu, koku; 13pakuti, kani mulukwikala koti munefu, mukafwa; sombi kani mweŵo, kumakosa aMupasi, mukepaye ukucita kwamuŵili, mukalukwikele nemweo.
14Pakuti ŵonse aŵo aŵatanjililwa kuMupasi waŵaLesa, aŵo ŵana ŵaŵaLesa. 15Pakuti tamwapokele umupasi waŵukalume ukumubwesesyeni kukutina; sombi mwalipokele Umupasi wakupyanikwa, muli wo emo tulila ati: Aba! Tata! 16Umupasi uwine ulaucita ŵumboni umupasi wesu ati tuli ŵana ŵaŵaLesa: 17lomba, kani tuli ŵana, tuli nimpyani kaŵili; nimpyani syaŵaLesa, nimpyani siŵyaŵo ŵaKlistu; kani icine tulukusomenwa pamo naŵo, ati tukalemiwe pamo naŵo kaŵili.
18Pakuti ndukweŵa ati ukusomenwa kwampindi ino kuce lukoso pakulaŋguluka uŵuleme uŵo uŵukatufisulucila fweŵo. 19Pakuti ifileŋgelwe fyonse, ili ficetekela nemitima yafiko yonse, filukupembelela ukufisuluka kwaŵana ŵaŵaLesa. 20Pakuti ifileŋgelwe fyonse fyalikomekelwe kufyalukoso, tepakuti ifine fyalifwaile'fyo koku, sombi nakuti pali ŵaŵo aŵafikomekele; 21ili ŵacetekele ati ifileŋgelwe ifine nafyo fikakakululwa kuli ŵukalume bweŵosi nekwinjila mubwana-bwaŵene ubwaŵuleme bwaŵana ŵaŵaLesa. 22Pakuti tuliisi ati ifileŋgelwe fyonse filukutoŋgela nekulukupotwa kukusomenwa ukuficila ŵukumo. 23Kaŵili, ifyo fyeŋka, koku; sombi nafweŵo fweŵene, fwetuli nefyamutulu waMupasi, fweŵo fweŵene tulukutoŋgela mumitima yesu, ili tupembelela ukukonsiwa kwakupyanikwa kwesu, ukuluŵuka kwamiŵili yesu. 24Pakuti ukucetekela ekwatupulwisye; sombi ukucetekela ukuŵonwa takuli kucetekela; pakuti ico ici alukuŵona umuntu, mbaninani ulukucicetekela lukoso? 25Sombi kani tulacetekela kuli ceco ici tatuŵona-po, tulacipembelela umutimanteka.
26Fyopele'fyo kaŵili neMupasi ulakofwa-ko ukunaka kwesu; pakuti tatwisi ukutembela ukwelelwe; sombi Umupasi uwine ulatupapatilila nekusisimuka ukutakwisi ukusimbulwa; 27sombi aŵo aŵacencenta mumitima ŵaliisi ukulaŋguluka kwaMupasi; pakuti ŵalaŵapapatilila awaluŋgeme koti kufwaya kwaŵaLesa. 28Kaŵili tuliisi ati ifintu fyonse filakumana mukucitile'fiweme aŵo aŵatemwa ŵaLesa, aŵetilwe koti kufwaya kwaŵo. 29Pakuti aŵo aŵa ŵaisiŵilelimoakale, aŵo ŵopele ŵaliŵasalulwile limo ukupalana nemekalilo aWana ŵaŵo, ati ŵaŵe ŵaŵele paŵakwaŵo aŵenji. 30Nakaŵili aŵo aŵa ŵasalulwile limo, aŵo ŵopele ŵaliŵetile kaŵili; naŵaŵo aŵa ŵaitile, ŵopele aŵo ŵaliŵalunjicile; naŵaŵo naŵo aŵa ŵalunjicile, aŵo ŵopele ŵaliŵalemesye.
31Mbatulaŵile syani lomba ifyafintu ifyo? Kani ŵaLesa ŵali nafweŵo, mbaninani uwakulwa nafweŵo? 32Aŵo aŵataŵakenye Aŵana ŵaŵo aŵali ŵeŋka, sombi ŵaliŵaposele pakuti pali fweŵo fwense, kansi taŵakatupela pamo naŵo ifintu fyonse ifyakupa lukoso? 33Mbaninani ukaŵapinde'milandu aŵasalulwilwe kuli ŵaLesa? NiŵaLesa aŵalunjika. 34Mbaninani ukasinina? NiŵaKlistu Yesu aŵafwile, tanje cine aŵaŵucile paŵafwile, aŵali palwine lwaŵaLesa aŵatupapatilila kaŵili. 35Mbaninani ukatulekanya neŵutemwe bwaŵaKlistu? Kani kukululuka, kani ninsoni, kani kupeŋga, kani ninsala, kani ŵusakula, kani censwa, kani nimpoko? 36Koti nifyopele' fyo ifilembelwe ati:
Pakuti pali mweŵo, tulukwipaiwa akasuŵa konse;
Twalieŵelwe koti nimbelele syakwipaiwa.
37Koku; sombi mufintu ifyo fyonse tulisyucile ukwakucila-po lukoso, pakuti pali ŵaŵo aŵatutemenwe. 38Pakuti ndukucetekela ati neli nimfwa, neli mweo, neli niŋkalamba, neli ŵufumu, neli fintu fyaŵukumo, neli fintu ifikesa, neli makosa, 39neli ŵutali ubwakwiulu neli bwapansi, neli cintu cimbi icileŋgelwe, tacikesiŵa-po ukutulekanya neŵutemwe bwaŵaLesa, uŵuli muli ŵaKlistu Yesu ŵaSikulu ŵesu!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.