Aŵaloma 7
7
1Kani tamwisi, mweŵakwasu, (pakuti ndukulaŵila kuli ŵaŵo aŵesi amafunde) ati amafunde alakomeko'muntu, ili acili nemweo? 2Pakuti uyo-mwanakasi, uli nemulume wakwe, alikacilwe kumafunde kumulume wakwe, ili acili nemweo; sombi kani umulume afwa, alikakulucile kwifunde lyamulume wakwe. 3Popele, ili aciikele nemweo umulume wakwe, kani aupwa umbi umwalalume, akelikwa ati waŵucende: sombi kani afwo'mulume, umwanakasi alikakulucile kwifunde'lyo; fyopele'fyo taali waŵucende, yo, naŋgawa ati aupwa umbi umwalalume. 4Pakuti pali fyefyo, mweŵakwasu, namweŵo mwaliipailwe ukufwa kumafunde, pakuti pakutalikwa kwamuŵili waŵaKlistu, ati mukopwe ŵambi, eŵaŵo aŵaŵusiwe pakati kaŵafwile, ati ŋgatukekate ifisepo ifyakuli ŵaLesa. 5Pakuti, ili tucili mumunefu, ukukumbwa kwakuŵifya, ukwaisile pakuti pamafunde, kwalukucita mufileŵa ifyamiŵili yesu, mukwikate'fisepo ifilete' mfwa. 6Sombi ŵukumo tulikakulucile kumafunde, pakuti twalifwile kuli fyefyo ifyalukutukaka; fyopele'fyo tulukupyuŋga mumweo waŵukumo uwamupasi, temumweo wakale uwamalembo.
7Mbatulaŵile syani lomba? Kani amafunde kuŵifya? Ifyo tefyo! Sombi ŋga tapali amafunde, ŋga nsinaisiŵile-po ukuŵifya; pakuti amafunde, ŋga taalaŵile-po ati: Tekukumbwa! naneŵo ŋga nsinaisiŵile-po ukukumbwa. 8Sombi pakuti pefunde paciŵalilisyo ukuŵifya kwalicitile ukukumbwa konse muli neŵo. Pakuti apakuŵula'mafunde ukuŵifya kulifwile. 9Sombi akale nali nemweo, apakuŵula'mafunde; sombi, pakwisa ifunde, ukuŵifya kwaliŵucile, popele neŵo nalifwile. 10Kaŵili ifunde ilyo Iliŋgandetelo'mweo, lyalibwenekele lyakundetelo'lufu. 11Pakuti ukuŵifya, pakuti pefunde, kwalintumpaicile paciŵalilisyo, nekunjipaya kuli lyo.
12Pakuti pali fyefyo amafunde cine aliswetelele, nefunde'lyo nalyo liliswetelele, lililuŋgeme, liliweme. 13Kansi ico iciweme ciliŵele nimfwa kuli neŵo? Ifyo tefyo! Sombi ukuŵifya ekwaŵele nimfwa; ati ŋgakuwoneke ati kuŵifya, pakulukucite'fyamfwa kuli neŵo, pakuti pali ceco-ciweme; nakaŵili ati ukuŵifya ŋgakuwe pakuti pefunde kuŵipile ukwakuti.
14Pakuti tuliisi ati amafunde amupasi; sombi neŵo ndi wamunefu, uwaulilwe mukukomekwa kukuŵifya. 15Pakuti ifyo ifi ncita, nsifiisi-po; pakuti ifi nsifwaya-po, ifyo efi ncita; sombi ifyo ifi mfitilwa fyopele'fyo efi ncita. 16Popele kani ndacite'fyo ifi nsifwaya-po, lomba ndasumina'mafunde ati aliweme. 17Popele ŵukumo nsili nineŵo mficita, sombi kuŵifya ukwikala muli neŵo ekuficita. 18Pakuti ndiisi ati muli neŵo (ndukweŵa ati mumunefu wanji) tamwikala-po ifintu ifiweme neli cimo; pakuti ukufwaya kuli naneŵo, sombi ukucite'fiweme taku-po. 19Pakuti ifiweme ifyo ifi mfwaya, nsificita-po; sombi ukuŵifyo' ko uku nsifwaya-po, kopele uko eko ncita. 20Sombi kani ndacite'fyo ifi nsifwayapo, ŵukumo nsili nineŵo mficita, sombi kuŵifya ukwikala muli neŵo ekuficita. 21Popele ndukuŵone'funde ili ati neŵo, pakufwayo'kucite'fiweme, ukuŵifya kuli naneŵo. 22Pakuti ndatemenwa mwifunde lyaŵaLesa koti ŵuntu ubwamumutima; 23sombi ndukuŵona ifunde limbi nalyo mufileŵa ifyamuŵili wanji, lilukulwa nefunde lyamilaŋgwe yanji, nekunteka pali ŵukalume bwefunde lyakuŵifya ilili mufileŵa ifyamuŵili wanji. 24Nemuntu usyeme! Mbaninani ukampulusya mumuŵili ulete'mfwa iyi? 25Ndukutota ŵaLesa nipakuti pali ŵaYesu Klistu ŵaSikulu ŵesu! Popele nemwine kumano anji ndalipyunjila ifunde lyaŵaLesa; sombi kumunefu ndalipyunjila ifunde lyakuŵifya.
Currently Selected:
Aŵaloma 7: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Aŵaloma 7
7
1Kani tamwisi, mweŵakwasu, (pakuti ndukulaŵila kuli ŵaŵo aŵesi amafunde) ati amafunde alakomeko'muntu, ili acili nemweo? 2Pakuti uyo-mwanakasi, uli nemulume wakwe, alikacilwe kumafunde kumulume wakwe, ili acili nemweo; sombi kani umulume afwa, alikakulucile kwifunde lyamulume wakwe. 3Popele, ili aciikele nemweo umulume wakwe, kani aupwa umbi umwalalume, akelikwa ati waŵucende: sombi kani afwo'mulume, umwanakasi alikakulucile kwifunde'lyo; fyopele'fyo taali waŵucende, yo, naŋgawa ati aupwa umbi umwalalume. 4Pakuti pali fyefyo, mweŵakwasu, namweŵo mwaliipailwe ukufwa kumafunde, pakuti pakutalikwa kwamuŵili waŵaKlistu, ati mukopwe ŵambi, eŵaŵo aŵaŵusiwe pakati kaŵafwile, ati ŋgatukekate ifisepo ifyakuli ŵaLesa. 5Pakuti, ili tucili mumunefu, ukukumbwa kwakuŵifya, ukwaisile pakuti pamafunde, kwalukucita mufileŵa ifyamiŵili yesu, mukwikate'fisepo ifilete' mfwa. 6Sombi ŵukumo tulikakulucile kumafunde, pakuti twalifwile kuli fyefyo ifyalukutukaka; fyopele'fyo tulukupyuŋga mumweo waŵukumo uwamupasi, temumweo wakale uwamalembo.
7Mbatulaŵile syani lomba? Kani amafunde kuŵifya? Ifyo tefyo! Sombi ŋga tapali amafunde, ŋga nsinaisiŵile-po ukuŵifya; pakuti amafunde, ŋga taalaŵile-po ati: Tekukumbwa! naneŵo ŋga nsinaisiŵile-po ukukumbwa. 8Sombi pakuti pefunde paciŵalilisyo ukuŵifya kwalicitile ukukumbwa konse muli neŵo. Pakuti apakuŵula'mafunde ukuŵifya kulifwile. 9Sombi akale nali nemweo, apakuŵula'mafunde; sombi, pakwisa ifunde, ukuŵifya kwaliŵucile, popele neŵo nalifwile. 10Kaŵili ifunde ilyo Iliŋgandetelo'mweo, lyalibwenekele lyakundetelo'lufu. 11Pakuti ukuŵifya, pakuti pefunde, kwalintumpaicile paciŵalilisyo, nekunjipaya kuli lyo.
12Pakuti pali fyefyo amafunde cine aliswetelele, nefunde'lyo nalyo liliswetelele, lililuŋgeme, liliweme. 13Kansi ico iciweme ciliŵele nimfwa kuli neŵo? Ifyo tefyo! Sombi ukuŵifya ekwaŵele nimfwa; ati ŋgakuwoneke ati kuŵifya, pakulukucite'fyamfwa kuli neŵo, pakuti pali ceco-ciweme; nakaŵili ati ukuŵifya ŋgakuwe pakuti pefunde kuŵipile ukwakuti.
14Pakuti tuliisi ati amafunde amupasi; sombi neŵo ndi wamunefu, uwaulilwe mukukomekwa kukuŵifya. 15Pakuti ifyo ifi ncita, nsifiisi-po; pakuti ifi nsifwaya-po, ifyo efi ncita; sombi ifyo ifi mfitilwa fyopele'fyo efi ncita. 16Popele kani ndacite'fyo ifi nsifwaya-po, lomba ndasumina'mafunde ati aliweme. 17Popele ŵukumo nsili nineŵo mficita, sombi kuŵifya ukwikala muli neŵo ekuficita. 18Pakuti ndiisi ati muli neŵo (ndukweŵa ati mumunefu wanji) tamwikala-po ifintu ifiweme neli cimo; pakuti ukufwaya kuli naneŵo, sombi ukucite'fiweme taku-po. 19Pakuti ifiweme ifyo ifi mfwaya, nsificita-po; sombi ukuŵifyo' ko uku nsifwaya-po, kopele uko eko ncita. 20Sombi kani ndacite'fyo ifi nsifwayapo, ŵukumo nsili nineŵo mficita, sombi kuŵifya ukwikala muli neŵo ekuficita. 21Popele ndukuŵone'funde ili ati neŵo, pakufwayo'kucite'fiweme, ukuŵifya kuli naneŵo. 22Pakuti ndatemenwa mwifunde lyaŵaLesa koti ŵuntu ubwamumutima; 23sombi ndukuŵona ifunde limbi nalyo mufileŵa ifyamuŵili wanji, lilukulwa nefunde lyamilaŋgwe yanji, nekunteka pali ŵukalume bwefunde lyakuŵifya ilili mufileŵa ifyamuŵili wanji. 24Nemuntu usyeme! Mbaninani ukampulusya mumuŵili ulete'mfwa iyi? 25Ndukutota ŵaLesa nipakuti pali ŵaYesu Klistu ŵaSikulu ŵesu! Popele nemwine kumano anji ndalipyunjila ifunde lyaŵaLesa; sombi kumunefu ndalipyunjila ifunde lyakuŵifya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.