Aŵaloma 4
4
1Mbatulaŵile syani lomba ifyafyefyo ifi abwene Ablaamu wisifwe uwaŵuntunsi? 2Pakuti kani Ablaamu alilunjicilwe kufyakucita, ali nafyo ifyakutaŋgalua-po; sombi pamenso aŵaLesa, tepo, 3Pakuti amalembo alalaŵila syani? Ati: Kaŵili Ablaamu aliŵacetekele ŵaLesa, popele ifyo fyalieŵelwe ati kuluŋgama kwakwe.
4Lomba kuli woyo ucite'milimo, ukumulambula takwebwa-po ati kwaluse, sombi ati kwamwapu. 5Sombi kuli woyo, utaacite'milimo sombi ucetekela muli ŵaŵo aŵalunjika aŵapufya ŵaLesa, ukucetekela kwakwe kulebwa ati kuluŋgama. 6Koti nifyopele'fyo ifi alaŵile Dafidi ukumusyucisya uyo-muntu, kuli woyo eko ŵaeŵela ŵaLesa ukuluŋgama apakuŵule'fyakucita, ati:
7Ŵalisyucile aŵo, ifyakuŵifya fyaŵo fifitulucilwe,
Nekuŵifya kwaŵo nako kufimbilwe-po.
8Alisyucile uyo-muntu, uyu ŵaLesa taŵakeŵela ukuŵifya.
9Ukusyucisya uku lomba kani kulilaŵilwe mukuŵasyucisya aŵakopwelwe ŵeŋka, kani neŵakuŵulo'kukopolwa naŵo? Pakuti tulalaŵila ati: Nikuli Ablaamu ukucetekela kwakwe kwalieŵelwe ati kuluŋgama, 10Mbakwalieŵelwe syani lomba? Kani ili akopwelwe; kani ili taaŋgakopolwa ye? Tepakukopolwa, yo; sombi lomba taaŋgakopolwa. 11Peŋka alipokele akesiŵilo kakukopola, akesiŵilo kakuluŋgama kwakucetekela uko ukwali nako, lomba taaŋgakopolwa; ati akaŵe niwisiŵo aŵo ŵonse aŵakucetekela, naŋgawa ati ŵakuŵulo'kukopolwa, ati ukuluŋgama kukebwe ati kwaŵo; 12kaŵili ati niwisiŵo aŵakopwelwe, kuli ŵaŵo aŵakopwelwe aŵenda kaŵili mukutanauka kwakucetekela uko ukwakwe wisifwe Ablaamu, kopele uko ukwali nako ili taaŋgakopolwa.
13Pakuti ukulayana ukwakuli Ablaamu nakuŵana ŵakwe, ati akaŵe nimpyani yamucalo capansi, takwali-po pakuti pamafunde, sombi nipakuti pakuluŋgama ukwakucetekela. 14Pakuti kani aŵo aŵali mumafunde nimpyani, ukucetekela kuliŵele kwalukoso, nekulayana nako kuliŵele kwalukoso; 15pakuti amafunde alaleŋgo'kufitwa: sombi apakuŵula'mafunde tapali neli kupulaisya. 16Pakuti pali fyefyo uŵupyani bwalipelwe pakuti pakucetekela, ati bwikale bwaluse; ati ukulayana kulukwikele kukosele kuŵana ŵonse; tekuli ŵaŵo aŵamafunde ŵeŋka, koku, sombi nakuli ŵaŵo aŵakucetekela kwakwe Ablaamu ewisifwe fweŵo fwense; 17(koti nifyopele'fyo ifilembelwe ati: Nakuleŋga weŵo niwisiŵo aŵantu aŵamikoka iinji;) pamenso aŵaLesa, aŵo aŵa acetekele, aŵasinsimuna aŵafwile, nekulaŵila ifyafintu ifitafi-po, koti epo fili. 18Uyo wopele, naŋgawa ati tapali-po umwakucetekela, alicetekele, ati ŋkawe niwisiŵo aŵantu aŵamikoka iinji, koti nifyopele' fyo ifyalaŵilwe ati: Aŵana ŵoŵe ŵakaŵa ŵakuŵe'fyo!
19Popele, ili yakumene imyaka yakwe koti mwanda, ukucetekela kwakwe takwanacile, koku, naŋgawa ati alukulaŋguluka umuŵili wakwe, uwali koti ufwile, namunda mwakwe Sala umwali koti mufwile. 20Icine, ili alaŋgulucile ukulayana kwaŵaLesa, taalukusumbasumba ukukanika, sombi aliŵele nemakosa pakuti pakucetekela, ili aŵalemya waLesa, 21nekwisiŵa icine ati fyonse'fyo ifi ŵalayene ŵaliisiŵile ukuficita kaŵili. 22Pakuti pali fyefyo kaŵili fyalieŵelwe ati kuluŋgama kwakwe. 23Sombi ifyo-ati fyalieŵelwe ati kwakwe-tafyalembelwe pakuti pali ye eŋka: 24sombi nipakuti napali fweŵo; pakuti fikebwa ati kuluŋgama kwesu, fwetupema-mo muli ŵaŵo aŵaŵaŵusisye ŵaYesu ŵaSikulu ŵesu, pakati kaŵafwile, 25aŵaposelwe pakuti pafyakupulaisya fyesu, nekuŵusiwa mukutulunjika.
Currently Selected:
Aŵaloma 4: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Aŵaloma 4
4
1Mbatulaŵile syani lomba ifyafyefyo ifi abwene Ablaamu wisifwe uwaŵuntunsi? 2Pakuti kani Ablaamu alilunjicilwe kufyakucita, ali nafyo ifyakutaŋgalua-po; sombi pamenso aŵaLesa, tepo, 3Pakuti amalembo alalaŵila syani? Ati: Kaŵili Ablaamu aliŵacetekele ŵaLesa, popele ifyo fyalieŵelwe ati kuluŋgama kwakwe.
4Lomba kuli woyo ucite'milimo, ukumulambula takwebwa-po ati kwaluse, sombi ati kwamwapu. 5Sombi kuli woyo, utaacite'milimo sombi ucetekela muli ŵaŵo aŵalunjika aŵapufya ŵaLesa, ukucetekela kwakwe kulebwa ati kuluŋgama. 6Koti nifyopele'fyo ifi alaŵile Dafidi ukumusyucisya uyo-muntu, kuli woyo eko ŵaeŵela ŵaLesa ukuluŋgama apakuŵule'fyakucita, ati:
7Ŵalisyucile aŵo, ifyakuŵifya fyaŵo fifitulucilwe,
Nekuŵifya kwaŵo nako kufimbilwe-po.
8Alisyucile uyo-muntu, uyu ŵaLesa taŵakeŵela ukuŵifya.
9Ukusyucisya uku lomba kani kulilaŵilwe mukuŵasyucisya aŵakopwelwe ŵeŋka, kani neŵakuŵulo'kukopolwa naŵo? Pakuti tulalaŵila ati: Nikuli Ablaamu ukucetekela kwakwe kwalieŵelwe ati kuluŋgama, 10Mbakwalieŵelwe syani lomba? Kani ili akopwelwe; kani ili taaŋgakopolwa ye? Tepakukopolwa, yo; sombi lomba taaŋgakopolwa. 11Peŋka alipokele akesiŵilo kakukopola, akesiŵilo kakuluŋgama kwakucetekela uko ukwali nako, lomba taaŋgakopolwa; ati akaŵe niwisiŵo aŵo ŵonse aŵakucetekela, naŋgawa ati ŵakuŵulo'kukopolwa, ati ukuluŋgama kukebwe ati kwaŵo; 12kaŵili ati niwisiŵo aŵakopwelwe, kuli ŵaŵo aŵakopwelwe aŵenda kaŵili mukutanauka kwakucetekela uko ukwakwe wisifwe Ablaamu, kopele uko ukwali nako ili taaŋgakopolwa.
13Pakuti ukulayana ukwakuli Ablaamu nakuŵana ŵakwe, ati akaŵe nimpyani yamucalo capansi, takwali-po pakuti pamafunde, sombi nipakuti pakuluŋgama ukwakucetekela. 14Pakuti kani aŵo aŵali mumafunde nimpyani, ukucetekela kuliŵele kwalukoso, nekulayana nako kuliŵele kwalukoso; 15pakuti amafunde alaleŋgo'kufitwa: sombi apakuŵula'mafunde tapali neli kupulaisya. 16Pakuti pali fyefyo uŵupyani bwalipelwe pakuti pakucetekela, ati bwikale bwaluse; ati ukulayana kulukwikele kukosele kuŵana ŵonse; tekuli ŵaŵo aŵamafunde ŵeŋka, koku, sombi nakuli ŵaŵo aŵakucetekela kwakwe Ablaamu ewisifwe fweŵo fwense; 17(koti nifyopele'fyo ifilembelwe ati: Nakuleŋga weŵo niwisiŵo aŵantu aŵamikoka iinji;) pamenso aŵaLesa, aŵo aŵa acetekele, aŵasinsimuna aŵafwile, nekulaŵila ifyafintu ifitafi-po, koti epo fili. 18Uyo wopele, naŋgawa ati tapali-po umwakucetekela, alicetekele, ati ŋkawe niwisiŵo aŵantu aŵamikoka iinji, koti nifyopele' fyo ifyalaŵilwe ati: Aŵana ŵoŵe ŵakaŵa ŵakuŵe'fyo!
19Popele, ili yakumene imyaka yakwe koti mwanda, ukucetekela kwakwe takwanacile, koku, naŋgawa ati alukulaŋguluka umuŵili wakwe, uwali koti ufwile, namunda mwakwe Sala umwali koti mufwile. 20Icine, ili alaŋgulucile ukulayana kwaŵaLesa, taalukusumbasumba ukukanika, sombi aliŵele nemakosa pakuti pakucetekela, ili aŵalemya waLesa, 21nekwisiŵa icine ati fyonse'fyo ifi ŵalayene ŵaliisiŵile ukuficita kaŵili. 22Pakuti pali fyefyo kaŵili fyalieŵelwe ati kuluŋgama kwakwe. 23Sombi ifyo-ati fyalieŵelwe ati kwakwe-tafyalembelwe pakuti pali ye eŋka: 24sombi nipakuti napali fweŵo; pakuti fikebwa ati kuluŋgama kwesu, fwetupema-mo muli ŵaŵo aŵaŵaŵusisye ŵaYesu ŵaSikulu ŵesu, pakati kaŵafwile, 25aŵaposelwe pakuti pafyakupulaisya fyesu, nekuŵusiwa mukutulunjika.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.