Aŵaloma 3
3
1Mbacise'cakusyuka uli naco umuJuda? Neli mbacise'cakubwena-po cili kukukopola? 2Finji kufyeŵo fyonse. Tanje cine pakuti ŵaLesa ŵaliŵasisisye aŵaJuda amasiwi aŵo. 3Pakuti naŋgawa ati ŵambi ŵaliŵulile ukucetekela, mbanindo? Kani ukuŵulo'kucetekela kwaŵo kukaalula ukulayana kwaŵaLesa kwalukoso? 4lfyo tefyo! ŴaLesa ewaŋgawoneka ati ŵacine, naŋgaŵa ati aŵantu ŵonse ŵaŵufi; koti nifyopele'fyo ifilembelwe ifi:
Ati muŵoneke muli waluŋgeme mumasiwi enu,
Mucile pakwisa mukusololola imilandu.
5Sombi kani ukusendama kwesu kulatufya ukuluŋgama kwaŵaLesa, tuŋgalaŵile'ndo? Kani ŵalisendeme ŵaLesa, pakuŵacite'milandu neŵukali aŵakuŵifya? (Ndukulaŵila koti ŵuntunsi.) 6Ifyo tefyo! Pakuti kani nifyefyo, mbasyani ifi ŵakasololola ŵaLesa neŵamucalo capansi? 7Kaŵili kani ŵucine bwaŵaLesa bwalifulile pakuti paŵufi bwanji, nekuŵalemya, mbanindo naneŵo nciebwa ati nimbifi? 8Nakaŵili mbanindo tekulaŵilila (koti nifyopele'fyo ifi ŵalukutusensa ŵambi ati tulukulaŵila) ati: Ŋgatucite'fiŵipile ati fikese ifiweme? Ukusininwa kwaŵalukweŵe'fyo kuliluŋgeme.
9Popele syani? FweŵaJuda kani tulisyucile ukucila napali ŵambi? Koku, neli panini! Pakuti twasinina'kale aŵaJuda neŵaEla ŵonse ati ŵakomekelwe kukuŵifya; 10koti nifyopele'fyo ifilembelwe ati:
Tapali-po umuntu uluŋgeme, koku neli umo;
11Tapali-po uwisiŵisya, tau; Tapali-po ufwaya-fwaya ŵaLesa, tau.
12Ŵonse ŵalipasucile; ŵonse lukoso ŵaliŵele ŵafinaŋgwa.
Tapali-po ucite'fiweme, koku neli umo.
13Umumino waŵo cilende ciceneme;
Kumini syaŵo ŵalukutumpaika:
Uŵulembe bwansoka ŵuli kunsi yamilomo yaŵo.
14Utunwa twaŵo tuliiswile amafinje alulile.
15Amakasa aŵo alendo'luŵilo mukupokomosye'milopa.
16Ukonalwa nekupeŋga kuli munsila syaŵo.
17Insila yaŵutende taŵaisiŵile.
18Pamenso aŵo tapali ukuŵatonda ŵaLesa.
19Sombi tuliisi ati fyonse'fyo-fintu ifi alaŵila amafunde, alafilaŵila kuli ŵaŵo aŵakomekelwe kumafunde; ati utunwa tonse tukasiŋkwe, neŵantu ŵonse naŵo aŵamucalo capansi ŵakakomekwe kukusololola kwaŵaLesa; 20pakuti aŵamunefu ŵonse taŵakalunjikwa neli umo pamenso aŵaLesa, pakuti pamilimo iyakumafunde; pakuti amafunde alaleta ukwisiŵisya ifyakuŵifya.
21Sombi ŵukumo, apakuŵula'mafunde, ukuluŋgama kwaŵaLesa kwalibwenekele, nemafunde neŵakusimika naŵo ŵalukukucitila ŵumboni; 22kuluŋgama kwaŵaLesa ukwakwisa pakupema-mo muli ŵaYesu Klistu, kuli ŵaŵo ŵonse lukoso aŵacetekela; pakuti tapali ukuŵasalulula. 23Pakuti aŵantu ŵonse ŵaliŵifisye, nekulukupelela paŵuleme bwaŵaLesa; 24sombi, pakuti paluse lwaŵo, ŵo nekuluŋgama pakuti pakuluŵuko'ko ukuli muli ŵaKlistu Yesu. 25Aŵo ŵaLesa eŵaŵaŵicile cakufuta icakucetekela, pakupokomoka imilopa yaŵo, mukulanjisya ukuluŋgama kwaŵo, pakuti ŵalicilucile pafyakuŵifya ifyo ifyacitilwe akale, pakuwacitile'ŋkumbu aŵantu. 26ŴaLesa ŵalificitile'fyo mukulanjisya ukuluŋgama kwaŵo ŵukumo ŵuno; ati ŵekale aŵene waliluŋgeme, neŵakumulunjiko'yo ulukupema-mo muli ŵaYesu.
27Ukutaŋgala lomba kuli kulipi? Kulikaniwe! Kwifunde lyasyani? Lyamilimo? Koku: sombi nikwifunde lyakucetekela. 28Pakuti pali fyefyo, tulukweŵa ati umuntu alilunjicilwe kukucetekela, apakuŵule'milimo yamafunde. 29Kani ŵaLesa niŵaLesa ŵaŵaJuda ŵeŋka? Kansi taŵali niŵaLesa ŵaŵenafyalo naŵo? leine, ŵaŵenafyalo naŵo; 30kani icine pali ŵaLesa ŵamo ŵeŋka aŵakaŵalunjika aŵakopwelwe kukucetekela, neŵakuŵulo'kukopolwa naŵo pakuti pakucetekela. 31Pakuti pakucetekela lomba, kani tulukwalula'mafunde aŵealukoso? Ifyotefyo! Koku, tulukukosya'mafunde.
Currently Selected:
Aŵaloma 3: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Aŵaloma 3
3
1Mbacise'cakusyuka uli naco umuJuda? Neli mbacise'cakubwena-po cili kukukopola? 2Finji kufyeŵo fyonse. Tanje cine pakuti ŵaLesa ŵaliŵasisisye aŵaJuda amasiwi aŵo. 3Pakuti naŋgawa ati ŵambi ŵaliŵulile ukucetekela, mbanindo? Kani ukuŵulo'kucetekela kwaŵo kukaalula ukulayana kwaŵaLesa kwalukoso? 4lfyo tefyo! ŴaLesa ewaŋgawoneka ati ŵacine, naŋgaŵa ati aŵantu ŵonse ŵaŵufi; koti nifyopele'fyo ifilembelwe ifi:
Ati muŵoneke muli waluŋgeme mumasiwi enu,
Mucile pakwisa mukusololola imilandu.
5Sombi kani ukusendama kwesu kulatufya ukuluŋgama kwaŵaLesa, tuŋgalaŵile'ndo? Kani ŵalisendeme ŵaLesa, pakuŵacite'milandu neŵukali aŵakuŵifya? (Ndukulaŵila koti ŵuntunsi.) 6Ifyo tefyo! Pakuti kani nifyefyo, mbasyani ifi ŵakasololola ŵaLesa neŵamucalo capansi? 7Kaŵili kani ŵucine bwaŵaLesa bwalifulile pakuti paŵufi bwanji, nekuŵalemya, mbanindo naneŵo nciebwa ati nimbifi? 8Nakaŵili mbanindo tekulaŵilila (koti nifyopele'fyo ifi ŵalukutusensa ŵambi ati tulukulaŵila) ati: Ŋgatucite'fiŵipile ati fikese ifiweme? Ukusininwa kwaŵalukweŵe'fyo kuliluŋgeme.
9Popele syani? FweŵaJuda kani tulisyucile ukucila napali ŵambi? Koku, neli panini! Pakuti twasinina'kale aŵaJuda neŵaEla ŵonse ati ŵakomekelwe kukuŵifya; 10koti nifyopele'fyo ifilembelwe ati:
Tapali-po umuntu uluŋgeme, koku neli umo;
11Tapali-po uwisiŵisya, tau; Tapali-po ufwaya-fwaya ŵaLesa, tau.
12Ŵonse ŵalipasucile; ŵonse lukoso ŵaliŵele ŵafinaŋgwa.
Tapali-po ucite'fiweme, koku neli umo.
13Umumino waŵo cilende ciceneme;
Kumini syaŵo ŵalukutumpaika:
Uŵulembe bwansoka ŵuli kunsi yamilomo yaŵo.
14Utunwa twaŵo tuliiswile amafinje alulile.
15Amakasa aŵo alendo'luŵilo mukupokomosye'milopa.
16Ukonalwa nekupeŋga kuli munsila syaŵo.
17Insila yaŵutende taŵaisiŵile.
18Pamenso aŵo tapali ukuŵatonda ŵaLesa.
19Sombi tuliisi ati fyonse'fyo-fintu ifi alaŵila amafunde, alafilaŵila kuli ŵaŵo aŵakomekelwe kumafunde; ati utunwa tonse tukasiŋkwe, neŵantu ŵonse naŵo aŵamucalo capansi ŵakakomekwe kukusololola kwaŵaLesa; 20pakuti aŵamunefu ŵonse taŵakalunjikwa neli umo pamenso aŵaLesa, pakuti pamilimo iyakumafunde; pakuti amafunde alaleta ukwisiŵisya ifyakuŵifya.
21Sombi ŵukumo, apakuŵula'mafunde, ukuluŋgama kwaŵaLesa kwalibwenekele, nemafunde neŵakusimika naŵo ŵalukukucitila ŵumboni; 22kuluŋgama kwaŵaLesa ukwakwisa pakupema-mo muli ŵaYesu Klistu, kuli ŵaŵo ŵonse lukoso aŵacetekela; pakuti tapali ukuŵasalulula. 23Pakuti aŵantu ŵonse ŵaliŵifisye, nekulukupelela paŵuleme bwaŵaLesa; 24sombi, pakuti paluse lwaŵo, ŵo nekuluŋgama pakuti pakuluŵuko'ko ukuli muli ŵaKlistu Yesu. 25Aŵo ŵaLesa eŵaŵaŵicile cakufuta icakucetekela, pakupokomoka imilopa yaŵo, mukulanjisya ukuluŋgama kwaŵo, pakuti ŵalicilucile pafyakuŵifya ifyo ifyacitilwe akale, pakuwacitile'ŋkumbu aŵantu. 26ŴaLesa ŵalificitile'fyo mukulanjisya ukuluŋgama kwaŵo ŵukumo ŵuno; ati ŵekale aŵene waliluŋgeme, neŵakumulunjiko'yo ulukupema-mo muli ŵaYesu.
27Ukutaŋgala lomba kuli kulipi? Kulikaniwe! Kwifunde lyasyani? Lyamilimo? Koku: sombi nikwifunde lyakucetekela. 28Pakuti pali fyefyo, tulukweŵa ati umuntu alilunjicilwe kukucetekela, apakuŵule'milimo yamafunde. 29Kani ŵaLesa niŵaLesa ŵaŵaJuda ŵeŋka? Kansi taŵali niŵaLesa ŵaŵenafyalo naŵo? leine, ŵaŵenafyalo naŵo; 30kani icine pali ŵaLesa ŵamo ŵeŋka aŵakaŵalunjika aŵakopwelwe kukucetekela, neŵakuŵulo'kukopolwa naŵo pakuti pakucetekela. 31Pakuti pakucetekela lomba, kani tulukwalula'mafunde aŵealukoso? Ifyotefyo! Koku, tulukukosya'mafunde.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.