Aŵaloma 10
10
1Mweŵakwasu, mumutima wanji ndukufwaisya nekuŵatembelela kuli ŵaLesa ati ŵakapuluke. 2Pakuti ndukuŵasimicila ati ŵalapyunjila ŵaLesa nemuŋkonsya, sombi tawapyuŋga-po nekwisiŵa. 3Pakuti taŵaisiŵile ukuluŋgama kwaŵaLesa, sombi ŵalukwesyo' kwikalika ukuluŋgama kwaŵo aŵene, taŵalikomekele kukuluŋgama kwaŵaLesa. 4Pakuti ŵaKlistu cipelele-ko camafunde icileto'kuluŋgama kuŵantu ŵonse aŵacetekela. 5Pakuti Mose alilembele ifyakuluŋgama kwamafunde, ati umuntu uyouacita akalukwikelenemweo muli o. 6Sombi ukuluŋgama kwakucetekela kulalaŵile'fi ati: Tekulaŵila mumutima woŵe ati—Mbaninani ukemina kwiulu? (ifyo kuselusya ŵaKlistu), 7neli ati—Mbaninani ukaselucila mucikanda? (ifyo kumusuntula ŵaKlistu ukuŵafumya paŵafwile). 8Sombi ati syani? Ati: Isiwi lili apepi pali weŵo, mukanwa koŵe, namumutima woŵe: isiwi ilyo lyakucetekela, lyopele'lyo ili tutulisya: 9pakuti kani wakufisulula kukanwa koŵe ati ŵaYesu niŵaSikulu, nekulukucetekela mumutima woŵe ati ŵaLesa ŵaliŵaŵusisye pakati kaŵafwile, wakupuluka; 10pakuti mumutima aŵantu ŵalacetekela ukwakuleta ukuluŋgama: nakukanwa nako ŵalafisulula ukwakuleta ukupuluka, 11Pakuti amalembo alukulaŵila ati: Aŵantu ŵonse ucetekela muli ŵo taakaŵa-po nensoni, yo. 12Pakuti tapali-po ukuŵasalulula aŵaJuda neŵaEla; pakuti ŵaSikulu ŵopele eŵaŵantu ŵonse, ŵali neŵupe kuli ŵaŵo ŵonse aŵaŵalilila. 13Pakuti—Aŵantu ŵonse ukalililila isina lyaŵaSikulu akapuluka.
14Mbasyani lomba ŵaŋgesiŵo'kuŵalilila'ŵo, aŵa taŵacetekele? Kaŵili mbasyani ŵaŋgesiŵo'kuŵacetekela'ŵo, aŵa taŵaumfwile? Kaŵili mbasyani ŵaŋgesiŵo'kumfwa, ukwakuŵula uwakutulisya? 15Nakaŵili mbasyani ŵaŋgesiŵo'kutulisya, ukwakuŵulo'kutumwa? Koti nifyopele'fyo ifyalembelwe ati: Amakasa aŵaŵo aŵatulisya ifyeŵo ifiweme ifyaŵutende, aŵatulisya ifyeŵo fyafintu ifiweme, aŵulombe ukwakuti.
16Sombi taŵaumfwilisye ifyeŵo ifiweme ŵonse, tau. Pakuti Yisaya alilaŵile ati: MweŵaSikulu, mbaninani uwacetekele iceŵo cesu? 17Lomba ukucetekela kulesa pakumfwa, nekumfwa nako mwisiwi lyaŵaKlistu. 18Sombi neŵo ati: Kani taŵaumfwile? Koku, ŵaliumfwile:
Ukulaŵila kwaŵo kwalitulicile monse mucalo,
Nemasiwi aŵo nao alificile ukupelele icalo.
19Sombi neŵo ati: AŵaIsilaeli kani taŵaisiŵile? Mose eŵatanjile ukulaŵila ati:
Neŵo ŋkamuleŋgeleni icikani pali ŵaŵo aŵataŵali mukoka waŵantu;
Nakumukoka waŵantu utumpile, eko ŋkamufitisyeni.
20Kaŵili naYisaya naye ali nemutima ukosele ukwakuti, nekulaŵila ati:
Nalibwenwe kuli ŵaŵo aŵataŵamfwaile;
Nalibwenekele nakuli ŵaŵo aŵataŵandombele.
21Sombi ifyakuŵaIsilaeli alilaŵile ati: Akasuŵa konse nalukuŵatambicila amaŵoko anji aŵantu aŵalukupulaisya nekuleŋgulula.
Currently Selected:
Aŵaloma 10: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
