Ifyakufuma 24
24
1Lomba ŵaLesa ŵalilaŵile kuli Mose ati: Ninineni ukuli ŵaYawe, mweŵo naAloni naNadabi naAbiyu, neŵakulu ŵaŵaIsilaeli amakumi asanu naaŵili; mucindike apatali; 2niMose eŋka ewakupalamina kuli ŵaYawe; sombi ŵo tesi ŵapalamine; kaŵili neŵantu lukoso tesi ŵanine pamo nakwe.
3Popele Mose kaafika, kaaŵaŵula aŵantu amasiwi aŵaYawe onse nekufunda kwaŵo konse; lomba aŵantu ŵonse kaŵaasuka nesiwi limo, kaŵalaŵila ati: Amasiwi onse ayo ŵalaŵile ŵaYawe twakulukwacita.
4Popele apo Mose walilembele amasiwi aŵaYawe onse; lomba nekwimo'lucelocelo, nekuŵunjila amabwe aconto kunsi yalupili, pamo nempanda syamabwe ikumi nasiŵili koti fikoto fyaŵaIsilaeli ikumi nafiŵili. 5Kaŵili alitumine awasaŋkwa ŵaŵaIsilaeli, naŵo kaŵaposc'milambu iyakoca, nekuŵepaila ŵaYawe iŋombe, imilambu yaŵutende. 6Lomba Mose kaaŵule'milopa icintemantema, kaetila mumabeseni: naimbi icintemantema kaaisansa paconto. 7Peŋka kaaŵule'buku lyakulayana, kaapenda apomfwanicile kuŵantu; naŵo ati: Fyonse'fyo ifi ŵalaŵile ŵaYawe twakulukuficita, twakulukumfwisya. 8Popele Mose waliŵulile imilopa, nekwisansa paŵantu, nekulaŵila ati: Ŵoneni imilopa yakulayana uku ŵalayene nenu ŵaYawe ukwakumasiwi aya onse.
9Popele apo nekunina Mose naAloni naNadabi naAbiyu neŵakulu ŵaŵaIsilaeli amakumi asanu naaŵili; 10naŵo kaŵaŵaŵona ŵaLesa ŵaŵaIsilaeli; lomba pansi pamakasa aŵo pali koti luŵansa lwamabwe ulwasafila, pali koti liulu pakuti pakusweta kwaluko. 11Kaŵili taŵasomesye imfumu syaŵaIsilaeli; nasyo kasiŵaŵona ŵaLesa, kasilya, kasinwa.
12Popele apo ŵaYawe ŵalilaŵile kuli Mose ati: Ninina kuli neŵo palupili, ulukwikele apo; popele ŋkakupela amaseleti ebwe, nemafunde nekufundo' ko uku ndembele, ati ukaŵasambisye. 13Peŋka Mose kaema pamo ya Iosyua umuntu wakwe; naye Mose kaaninina palupili lwaŵaLesa. 14Naye walilaŵile kuŵakulu ati: Mutupembelele pano, ili tatuŋgabwelela kuli mweŵo; ŵoneni muli nawo Aloni naUlu: aŵantu ŵonse uli neceŵo, ŋgaakapalamine kuli ŵaŵo.
15Popele Mose walininine palupili, lomba nekumbi nekufimba-po palupili. 16Kaŵili uŵuleme bwaŵaYawe bwaliikele palupili lwaSinai, nekumbi nalyo kalifimba-po pali lo insiku sisanu nakamo. Popele pakasuŵa kansiku sisanu nasiŵili ŵaYawe ŵalimwitile Mose pakati pekumbi. 17Popele ukuŵoneka kwaŵuleme bwaŵaYawe kwali koti mulilo ukali peulu palupili pamenso aŵaIsilaeli. 18Naye Mose waliinjile mukati mwikumbi, nekuninina palupili; kaŵili Mose waliikele palupili utusuŵa amakumi ane nemasiku amakumi ane.
Currently Selected:
Ifyakufuma 24: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
