Ifyakufuma 19
19
1Pamwensi waŵuitatu ukufuma pampindi iyo ŵafumine aŵaIsilaeli mucalo caIjipiti, pakasuŵa ako kopele ŵalificile mumpanta iyakuSinai. 2Popele ili ŵafumine kuLefidimi nekufika kumpanta iyakuSinai, ŵalikomene amasema pampanta; lomba apo popele aŵaIsilaeli kaŵalukwikala pamenso palupili. 3Popele apo Mose walininine ukuya kuli ŵaLesa, lomba ŵaYawe apo ŵali palupili ŵalimwitile ati: Wakulaŵile'fi kucikoto cakwe Yakobi, nekuŵaŵula aŵaIsilaeli ati: 4Mulibwene ifyo ifi naci tile kuŵaIjipiti, nefyo namupintileni pamapindo anoŋga, nekumuleteleni kuli neŵo. 5Pano lomba, kani mwakulukukutike'cine isiwi lyanji, nekulukulamo'kulayana kwanji, eli mwakulukuli ŵuŵoni bwanji nemwine ukusalululwa paŵantu ŵonse; pakuti icalo conse lukoso canji; 6kaŵili mukai ukuli ŵufumu bwaŵapapatilisi aŵakuli neŵo, musyoŵo waŵantu uswetelele. Ayo emasiwi awakulaŵila kuŵaIsilaeli.
7Popele Mose waliisile nekuŵeta aŵakulu ŵaŵantu, nekwikalika pamenso aŵo amasiwi onse ayo ŵamufundile ŵaYawe. 8Peŋka aŵantu ŵonse kaŵaasucila limo ati: Fyonse'fyo ifi ŵalaŵile wa Yawe, twakulukuficita. Popele Mose waliŵaŵulile ŵaYawe amasiwi aŵantu. 9Popele apo ŵaYawe ŵalilaŵile kuli Mose ati: Wona, ndukwisa kuli weŵo mwikumbi ilitikeme, ati ŋgawomfwe awantu, pakwambala nawewo neŵo, nakaŵili ati ŵakulukucetekela insiku syonse lukoso. Popele Mose waliŵaŵulile ŵaYawe amasiwi aŵantu.
10Popele apo ŵaYawe ŵalilaŵile kuli Mose ati: Koya kuŵantu, ukaŵaswesye lelo namailo; ŋgaŵakasamfye ifyakufwala fyaŵo, ŵakalukupembelele akasuŵa kaŵusitatu; 11pakuti pakasuŵa kaŵusitatu ŵaYawe eli ŵakaseluka pamenso aŵantu ŵonse palupili lwa Sinai. 12Popele ukawasiŋgulwisye aŵantu imipaka, nekulaŵila ati: Kamucenjela, mwikaninina palupili neli kukuma-ko kumukombelo waluko; aŵantu ŵonse ukakuma-ko kulupili akepaiwe'cine; 13iminwe tesi ikakume-ko kuli woyo, sombi akepaiwe'cine kumabwe neli nikumifwi; kani ninama kani muntu tesi akekale nemweo. Pakulilo'lupeŋga impindi itali, eli ŵakaninina ukwisa kulupili.
14Popele Mose waliselucile kulupili, nekuya kuŵantu, nekuŵaswesya aŵantu; naŵo kaŵasamfya nefyakufwala fyaŵo. 15Naye Mose kaalaŵila kuŵantu ati: Kamupembelela akasuŵa kaŵusitatu; mwilukupalamina kuŵanakasi.
16Popele apo pakasuŵa kaŵusitatu, ili pacili ulucelo, lomba pali ukululuma netumpesimpesi, nekumbi ilitikeme palupili, nesiwi lyalupeŋga ilikulu ukwakuti; popele aŵantu ŵonse aŵali pacisasa ŵalitutumine. 17Popele Mose waliwafumisye aŵantu mucisasa mukukumana naŵaLesa; naŵo kaŵaimakana kunsi yalupili. 18Lombo'Jupili lwaSinai kalufutuma necusi futu futu, pakuti ŵaYawe ŵaliselucile pali lo mu mulilo; popele icusi cauo caliimine koti cusi icapesiko ilikulu; kawili nelupili lonse kaluteŋkano'kwakuti, 19Popele pakucila-cila uŵukulu isiwi lyalupeŋga, Mose walilaŵile; lomba naŵaLesa nekumwasuka nesiwi. 20Popele ŵaYawe ŵaliselucile palupili lwa Sinai, peulu palupili: naŵo ŵaYawe ŵalimwitile Mose ati nina peulu palupili; popele Mose kaanina.
21Popele apo ŵaYawe ŵalilaŵile kuli Mose ati: Koseluka, uŵafunde aŵantu weŋgesa kupula ukufika kuli ŵaYawe mukutamba, nawo aŵenji weŋgesa konalwa. 22Neŵapapatilisi naŵo kaŵili, aŵapalamina kuli ŵaYawe, ŋgawaliswesye, weŋgesa ŵaYawe mukuŵakatasya nemulandu. 23Popele Mose walilaŵile kuli ŵaYawe ati: Aŵantu taŵesi ukunina palupili lwa Sinai; pakuti mwalitucenjesye ati: Siŋgulusyeni imipaka palupili, uluswesye. 24Kumfwa ŵaYawe ŵalaŵila kuli ye ati: Koya, useluke; popele wakunina, weŵo naAloni pamo naweŵo; sombi aŵapapatilisi neŵantu weŋgesa kupu la muku ni nina kuli ŵaYawe, weŋgesa ŵo mukuŵakatasya nemulandu. 25Popele apo Mose wali selucile mukuya kmŵantu, nekuŵaŵula.
Currently Selected:
Ifyakufuma 19: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
