Philemon 1

1Paul, ndo dangai a géƋ Yèsu Kristi, a Timothée, kramam nga; a sam Philémon, mandal nga, ndo man nga mba a mizlinè a vna; 2a sam Appia ba, demam nga, a Archippe, ndohi man nga mba a var a tenga'a, a sam mpi ndohi Zhiklè man a ɓiceda va a gi ngaya ba. 3Pombai da zhè a nda kinè, a gumai te Zhiklè, bab nga, a Yèsu Kristi bi nga. 4Pèc pècèk man i tsi rai, i hér ka, a i shid gèƋ a Zhiklè. 5Aman i tsena'a, ara man ka woy ndohi Zhiklè tèlèba a ndav ngaya; ara man ka co Bai Yèsu a ndav.

6I tsi rai, aman ncè-a-ndav, man a humde nga, a va ka wuƋai te ndav ngaya, a ka sun skwi man amba tèlèba man nga ngotso te Kristi. 7Aman, kramam ga man i woy ka a ndav ga; ara man ka bidka ta ndohi Zhiklè a mwoy-ndo a ndav ngaya, a gi a mwuffè te ndav ga, a bidyè ba. 8Iyè Paul, te Kristi ar i slaha a i fa ka ma a gèƋ a geƋ skwi man ka da gia'a. 9Aman i woy a i gaƋa ka te mwoy-ndo a ndav genè. Iyè Paul, ndo nhala'a, anai ndo dangai Yèsu Kristi ba.

10I tsi rai a sam ngaya a géƌ Onesime, kra ga man i ngotso te gi dangai. 11Hala'a a slaha a ntakaha ka ɓai. Aman antanta a slaha a ntakaha nga cèw ba. 12Nenga'a i zlindè a deɓa a sam ngaya, kala man iyè a ndo. 13Te ndav ga i huro, da nza a sam ga, aman a takahayè te di man a ngaya, te man i te gi dangai a géƋ ma mbela'a.

14Aman i gaƋa i gi a wuƋi azɓai, sèi man ka ngoƋo. 15Gar Onésime a njèke ka n'nzi kètè, aman te deɓa'a kin da nzi a vna a mèdèp, i sun ɓai. 16Aman ara ɓèlè genè ka ɓai, aman a fena ɓèlè; ara kramam nga man nga woya te Kristi; holhola'a ka, kala kramam ngaya te Kristi.

17Aman ka rkayè ara ndo ngaya, sèi ka cè'a a deɓa ara man ka ciyè. 18Aman a ngu mali a sam ngaya, man goƋèrè ngaya a gèƋ na, na géƋ ga. Iyè Paul, i windo ma haha a ri ga, i woya a i pilè'a. 19Aman i gi hérè'a, ka suna, goƋèrè ga a zhè a sam ngaya a géƋ nshèffè ngaya. 20Anai, kramam ga man i woy ka, gau aman i ngècè mwuffè a géƋ ngaya te Bai Yèsu, a ndav ga a gi langlanga'a, ara kramam ngaya te Kristi. 21I winda ka ma haha, a i suna, ka fi gèƋ a ma ga, a i suna ka gia'a, a fena skwi man i gaƋa ka.

22Te deɓa'a tilay sam a hai; aman i huro, a géƋ ntsi ri kinè i ngècè civèƋ, a i dè a sam kinè. 23Epaphras, man nga te dangi a vna a géƋ Yèsu Kristi, a ga ka mbalai. 24Lèmèlèmè Marc, Aristarque, Démas, Luc, man nga mba a mizlinè a nda tenga'a. 25Pombai Bi m'mbel nga Yèsu Kristi da zhè a nda kinè tèlèba!

Currently Selected:

Philemon 1: MAFNT

Highlight

Copy

Compare