Limle 29
29
Guleteeɗi juulde mawnde nder hitaande
(Farillaaji Lewi'en 23:23-25)
1“Nyannde go'oore lewru joweeɗiɗaɓru, on mooɓto mooɓtorde senaande ngam sujidango Jawmiraawo. Taa kuuwe kuugal naawŋgal sam. Ɗum nyalaade puufki luwe. 2Lii'ane Jawmiraawo guleteeɗi, haa uureeŋgol maaji belŋgol fottana mo. Ndaa ko lii'otooɗon: Ngaari kalhaldi e njawdiri mbaalu e njawkoy njoweeɗiɗoy koy nduuɓu, ɗum fuu ɗum walaa aybe. 3Ɓesde dokke nyaamdu boo: Kuroori ɗiggundi jiiɓaandi bee nebbam kilo joweenayi ngam ngaari fuu, kilo joweego ngam njawdiri fuu, 4ngam jawgel fuu boo kilo tati tati. 5Lii'e boo njawdiri mbeewa kirseteendi ngam ittuki hakkeeji mon. 6Ɓesde ɗum haa guleteeɗi e dokke nyaamdu nyannde go'oore lewru, non boo haa guleteeɗi e dokke nyaamdu nyalaade nyalaade. Ɓesde dokke dufeteeɗe fodde kiitaaji darnaaɗi, haa uureeŋgol belŋgol dokke ɗe'e fuu fottana Jawmiraawo.”
Guleteeɗi nyalaade ittuki hakkeeji
(Farillaaji Lewi'en 23:26-32)
7“Nyannde sappoore nder lewru joweeɗiɗaɓru, on mooɓto mooɓtorde senaande ngam sujidango Jawmiraawo. Cuume, taa kuuwe kuugal naawŋgal sam. 8Lii'ane Jawmiraawo guleteeɗi, haa uureeŋgol maaji belŋgol fottana mo. Ndaa ko lii'otooɗon: Ngaari kalhaldi e njawdiri mbaalu e njawkoy njoweeɗiɗoy koy nduuɓu, ɗum fuu ɗum walaa aybe. 9Ɓesde dokke nyaamdu boo: Kuroori njiiɓaandi bee nebbam kilo joweenayi ngam ngaari fuu, kilo joweego ngam njawdiri, 10ngam jawgel fuu boo kilo tati tati. 11Lii'e boo njawdiri mbeewa kirseteendi ngam ittuki hakkeeji. Ɓesde ɗum haa njawdiri mbeewa kirseteendi ngam yaafuye hakkeeji#29:11 Laar FL 16:15-19., haa guleteeɗi e haa dokke nyaamdu nyalaade nyalaade. Ɓesde dokke dufeteeɗe umraaɗe boo.”
Guleteeɗi juulde bukkaaji
(Farillaaji Lewi'en 23:33-44)
12“Nyannde sappo e jowaɓre nder lewru joweeɗiɗaɓru, on mooɓto mooɓtorde senaande ngam sujidango Jawmiraawo. Taa kuuwe kuugal naawŋgal sam. Mbaɗane Jawmiraawo juulde nyalɗe joweeɗiɗi. 13Nyannde juulde arannde, lii'ane Jawmiraawo nyaamdu wuleteendu, haa uureeŋgol maaru belŋgol fottana mo. Ndaa ko lii'otooɗon: Ga'i kalhali sappo e tati e jawɗi baali ɗiɗi e njawkoy sappo e nayoy koy nduuɓu, ɗum fuu ɗum walaa aybe. 14Ɓesde dokke nyaamdu boo: Kuroori njiiɓaandi bee nebbam kilo joweenayi ngam ngaari fuu, kilo joweego ngam njawdiri, 15ngam jawgel fuu boo kilo tati tati. 16Lii'e boo njawdiri mbeewa kirseteendi ngam ittuki hakkeeji. Ɓesde ɗum haa guleteeɗi e dokke nyaamdu e dokke dufeteeɗe nyalaade nyalaade.
17Nyannde ɗiɗawre, lii'e ga'i kalhali sappo e ɗiɗi, jawɗi baali ɗiɗi e njawkoy sappo e nayoy koy nduuɓu, ɗum fuu ɗum walaa aybe. 18-19Lii'e ɗum hawtaade bee guleteeɗi e dokke nyaamdu e dokke dufeteeɗe umraaɗe fuu fodde limgal man. Ɓesde boo njawdiri mbeewa ngam ittuki hakkeeji.
20Nyannde tataɓre, lii'e ga'i kalhali sappo e go'o, jawɗi baali ɗiɗi e njawkoy sappo e nayoy koy nduuɓu, ɗum fuu ɗum walaa aybe. 21-22Lii'e ɗum hawtaade bee guleteeɗi e dokke nyaamdu e dokke dufeteeɗe umraaɗe fuu fodde limgal man. Ɓesde boo njawdiri mbeewa ngam ittuki hakkeeji.
23Nyannde nayaɓre, lii'e ga'i kalhali sappo, jawɗi baali ɗiɗi e njawkoy sappo e nayoy koy nduuɓu, ɗum fuu ɗum walaa aybe. 24-25Lii'e ɗum hawtaade bee guleteeɗi e dokke nyaamdu e dokke dufeteeɗe umraaɗe fuu fodde limgal man. Ɓesde boo njawdiri mbeewa ngam ittuki hakkeeji.
26Nyannde jowaɓre, lii'e ga'i kalhali joweenayi, jawɗi baali ɗiɗi e njawkoy sappo e nayoy koy nduuɓu, ɗum fuu ɗum walaa aybe. 27-28Lii'e ɗum hawtaade bee guleteeɗi e dokke nyaamdu e dokke dufeteeɗe umraaɗe fuu fodde limgal maaji. Ɓesde boo njawdiri mbeewa ngam ittuki hakkeeji.
29Nyannde joweego'oore, lii'e ga'i kalhali joweetati, jawɗi baali ɗiɗi e njawkoy sappo e nayoy koy nduuɓu, ɗum fuu ɗum walaa aybe. 30-31Lii'e ɗum hawtaade bee guleteeɗi e dokke nyaamdu e dokke dufeteeɗe umraaɗe fuu fodde limgal man. Ɓesde boo njawdiri mbeewa ngam ittuki hakkeeji.
32Nyannde joweeɗiɗaɓre, lii'e ga'i kalhali joweeɗiɗi, jawɗi baali ɗiɗi e njawkoy sappo e nayoy koy nduuɓu, ɗum fuu ɗum walaa aybe. 33-34Lii'e ɗum hawtaade bee guleteeɗi e dokke nyaamdu e dokke dufeteeɗe umraaɗe fuu fodde limgal man. Ɓesde boo njawdiri mbeewa ngam ittuki hakkeeji.
35Nyannde joweetataɓre, on mooɓtoto ngam sujidango Jawmiraawo. Taa kuuwe kuugal naawŋgal sam. 36Lii'ane Jawmiraawo nyaamdu wuleteendu, haa uureeŋgol maaru belŋgol fottana mo. Ndaa ko lii'otooɗon: Ngaari kalhaldi e njawdiri mbaalu e njawkoy njoweeɗiɗoy koy nduuɓu, ɗum fuu ɗum walaa aybe. 37-38Lii'e ɗum hawtaade bee guleteeɗi e dokke nyaamdu e dokke dufeteeɗe umraaɗe fuu fodde limgal man. Ɓesde boo njawdiri mbeewa ngam ittuki hakkeeji.
39Kuuje ɗe'e fuu, lii'ane ɗe Jawmiraawo nder juulɗe mon: Guleteeɗi e dokke nyaamdu e dokke dufeteeɗe e kirseteeɗi ngam kawtal yimɓe bee Allah. Ɓesde boo dokke ngam kebbinki togayeeje mon malla dokke caahiiɗe.”
Currently Selected:
Limle 29: FB
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
