1 Makabe 7
7
Demetiriyus arano jaɓti laamorde
1Nder hitaande 151, Demetiriyus arano ɓii Selewkus teeti diga Roma. O dillidi bee yimɓe seɗɗa gal wuro wonŋgo haa daande maayo maŋngo, o waɗi hoore maako laamiiɗo. 2Wakkati o ɗon yaha gal laamorde kaakiraaɓe maako, sooje'en naŋngi Antiyokus njowaɓo bee Lisiyas haa ɓe njahrana mo yimɓe ɓe'e. 3Demetiriyus arano heɓi habaru naŋngeeki maɓɓe, ammaa o wi'i o yiɗaa laargo ɓe. 4Nden sooje'en mbari ɓe, Demetiriyus jooɗi dow koromwal laamu.
5Isra'iila'en yedduɓe Allah e faasiki'en heedi Tawreeta fuu njaawi njehi ndaari mo. Alkime giɗɗono laataago limanjo mawɗo wonno ardiiɗo maɓɓe. 6Yeeso laamiiɗo, ɓe njahri kaadooje dow Yahuudu'en luttuɓe, ɓe ɗon mbi'a mo: “Yahuuda bee deerɗum'en mbardi yimɓe ma fuu e ɓe parti min lesdi amin. 7Nel jonta goɗɗo mo kooluɗa haa o yaha o laara no ɓe mbonni gese amin e gese ɗe laamiiɗo mari. Wi' goɗɗo man o torra Yahuuda, deerɗum'en e yimɓe wallanɓe ɓe fuu.”
Bakides e Alkime ndilli lesdi Yahudiya
8Laamiiɗo Demetiriyus suɓi Bakides marɗo meetaleewol “soobaajo laamiiɗo”, o ardiiɗo lesɗe Siriya maŋngo. O goɗɗo tedduɗo nder lesdi man e o koolaaɗo laamiiɗo. 9Demetiriyus neli mo bee Alkime, goɗɗo keefeero, mo laamiiɗo waɗi mo limanjo mawɗo. O umri ɓe ɓe mbaato naawɗum ko Isra'iila'en ngaɗno.
10Bakides e Alkime ndilli bee mooɓre sooje'en ɗuuɗnde. Nde ɓe njotti Yahudiya, ɓe neli nelaaɓe haa Yahuuda e deerɗum'en ngam ɓe carga ɓe bee nufayeeje sulhu pewooji. 11Ammaa Yahuudu'en yi'nooɓe ɓe ɗon ngara bee semmbe koolaaki nufayeeje sulhu maɓɓe. 12Ammaa woodi yeɓre moodiɓɓe Tawreeta yehi haa Alkime e Bakides ngam ɓe keɓa nufayeeje sulhu koytinanɗi.
13Nder Yahuudu'en, Hasidi'en ɓurdan yiɗgo waɗgo sulhu. 14Ɓe ɗon mbi'a: “Alkime, garɗo bee sooje'en laamiiɗo, ɗum limanjo mo lenyol Haruna, o toonyataako en meere.”
15Alkime yeewtidi bee maɓɓe nder jam, o huni: “Min ngalaa anniya waɗgo on kalluɗum, onon e sooba'en mon fuu.” 16Ammaa nde o heɓi hoolaare maɓɓe, o naŋngi cappanɗe joweego caka maɓɓe, o mbari ɓe nyannde man nden bana ko winnda nder defte: 17“Ɓe caŋkiti ɓalli nuɗɗinɓe ma mbaraaɓe, ɓe ndufi ƴiiƴam haa taarde Urusaliima e walaa goɗɗo gooto wari uwi ɓe.” 18Nden yimɓe wuro fuu kultori. Ɓe ɗon mbi'a: “Yimɓe ɓe'e, ɓe fewooɓe e sooyɓe adilaaku ngam ɓe njottinaay alkawal ngal en ngaɗi e ɓe piisti hunayeere nde ɓe ngaɗi.” 19Bakides acci Urusaliima e saŋngini haa Bayti-Zayit. O naŋngi yimɓe ɗuuɗɓe saalinooɓe gal maako bee Yahuudu'en woɗɓe boo. O mbari ɓe, o sakkini ɓe nder ɓulndu mawndu. 20O halfini jahargal lesdi haa Alkime, o ɗalani mo mooɓe sooje'en ngam wallugo mo, nden o lorti haa laamiiɗo.
21Alkime waɗi dabareeji mum fuu haa ɓe anndita mo bana limanjo mawɗo. 22Nden waɗanɓe fitina nder jama'aare fuu kawtani mo. Ɓe koo'i Yahudiya e ɓe torri Isra'iila'en jamum. 23Yahuuda faami Alkime bee yimɓe maako ɗon torra Isra'iila'en ko ɓuri torra ka heefeerɓe torriri ɓe. 24O yiili gure Yahudiya fuu ngam o torra faasiki'en hawtananɓe Alkime, o haɗa ɓe yiilaago nder gure lesdi maako. 25Alkime faami Yahuuda e yimɓe mum ɗon ngarta semmbiɗɓe, o waawataa haɓre bee maɓɓe. Daliila man o lorti haa laamiiɗo o fewani ɓe ɓe ɗon ngaɗa bononnda.
Laamiiɗo neli Nikanor hongo Yahuuda
26Nikanor, mawɗo ardiiɓe sooje'en, tedduɗo nder laamu man, monni Isra'iila masin. Laamiiɗo neli mo, umri mo o wila jama'aare nde'e. 27Nikanor yotti Urusaliima bee mooɓe ɗuuɗɗe. Ngam sargugo Yahuuda e deerɗum'en, o wari bee nufayeeje sulhu pewooji. O wi'i ɓe: 28“Walaa jokkirgol caka am bee mooɗon. Mi ɗon wara haa mooɗon bee sooje'en seɗɗa ngam keɓen giidal soobaaku.” 29Nde Nikanor wari haa Yahuuda, ɓe koofnotiri bana soobiraaɓe. Ammaa konne'en ɗon taaski haa ɓe naŋnga Yahuuda. 30Yahuuda boo faami woodi tuufnorgol nder kawtal nga'al. O hultori, o sali juutingo giidal man bee Nikanor. 31Nde Nikanor boo faami dabare mum fiistake, o acci Urusaliima, o dilli hongo Yahuuda haa les Kafarsalaama. 32Yimɓe ko dillani teemeɗɗe njowo caka sooje'en Nikanor mbaraama, luttuɓe boo ndoggi ndilli berniwol Daawuda.
33Ɓaawoɗon, Nikanor wa'i hooseere Siyona. Liman'en e ndotti'en jama'aare ngurti haa haykaliiru ngam hoofnugo mo bee koofŋgol salaaman e hollugo mo nguleteeŋga nga ɓe lii'anto Allah ngam laamiiɗo. 34Nikanor yawi ɓe, o jali ɓe e tuuti tuuɗe dow maɓɓe, o soɓni ɓe. O wolwani ɓe bee mawnitaare. 35O wi'i ɓe bee caatal hunayeere nde'e: “To on ndokkaay yam hannde Yahuuda bee sooje'en mum, mi huni mi lortan mi wula haykaliiru ndu to konu timmi.” O dilli, o ɗon ɓerni. 36Liman'en lorti nder daldal, ɓe ɗon ndari, ɓe ɗon tiiti hirsirde e pellel ceniiŋgel, ɓe mboyi, ɓe mbi'i: 37“Yaa Jawmiraawo, an suɓi babal nga'al haa ngal laato ngal maaɗa, ngal laato suudu tornde e do'aare ngam jama'aare ma. 38Torru goɗɗo oo e sooje'en maako. Mbar ɓe nder haɓre nde'e. Siftor kuudi maɓɓe e taa ɗal ɓe, ɓe ngeeɗa.”
39Nikanor dilli diga Urusaliima, o saŋngini haa Bayti-Horon, mooɓe ummiiɗe diga Siriya ngari, kawtani mo. 40Yahuuda, kanyum boo, saŋngini haa Hadasa bee yimɓe ujine tato. O waɗi tornde nde'e: 41“Yaa Jawmiraawo, nyannde feere, nelaaɓe laamiiɗo, kuɗi ma. Nden malaa'ikaajo ma waŋgi, nattini sooje'en maako ujine teemerre e cappanɗe njoweetato e njowo. 42Bana nii boo, wirgu sooje'en wonɓe yeeso amin hannde. Luttanɓe bee yoŋki, annditan an torri Nikanor ngam o huɗi haykaliiru maaɗa seniindu. Hiitu mo fodde halleende maako.”
43Sooje'en puɗɗi konu, nyalɗe sappo e tati lewru Adar, sooje'en Nikanor njaalaama. kaŋko laati arano nder mbaraaɓe haa konu man. 44Nde sooje'en maako ndaari o maayi, ɓe ngudini balmi maɓɓe, ɓe ndoggi. 45Yahuudu'en taasni ɓe deydey nyalaade woore diga Hadasa haa Gezer, ɓe ɗon puufa algayta. 46Yimɓe ngurti nder gure Yahudiya fuu e gure taariiɗe: Ɓe ɗon kippo konne'en koo toy fuu e ɓe ɗon ngerɓa oo dow oya. Sooje'en Nikanor fuu mbaraama nder haɓre, koo gooto daɗaay. 47Yahuudu'en kooci balmi e jawdi ndi konne'en ɗali. Ɓe ta'i hoore Nikanor e juŋngo mum nyaamo ngo o ɓaŋgtino bee mawnitaare. Ɓe hoosi ɗum ngam ɓe cappina ɗum yimɓe wuro Urusaliima. 48Yimɓe fuu keewi seyo, nyannde man warti bana juulde mawnde. 49Yahuudu'en annini waɗgo juulde hitaande fuu to nyannde man yaali, waato nyalde sappo e tataɓre nder lewru Adar. 50Yahudiya heɓi jam wakkati seɗɗa.
Currently Selected:
1 Makabe 7: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
1 Makabe 7
7
Demetiriyus arano jaɓti laamorde
1Nder hitaande 151, Demetiriyus arano ɓii Selewkus teeti diga Roma. O dillidi bee yimɓe seɗɗa gal wuro wonŋgo haa daande maayo maŋngo, o waɗi hoore maako laamiiɗo. 2Wakkati o ɗon yaha gal laamorde kaakiraaɓe maako, sooje'en naŋngi Antiyokus njowaɓo bee Lisiyas haa ɓe njahrana mo yimɓe ɓe'e. 3Demetiriyus arano heɓi habaru naŋngeeki maɓɓe, ammaa o wi'i o yiɗaa laargo ɓe. 4Nden sooje'en mbari ɓe, Demetiriyus jooɗi dow koromwal laamu.
5Isra'iila'en yedduɓe Allah e faasiki'en heedi Tawreeta fuu njaawi njehi ndaari mo. Alkime giɗɗono laataago limanjo mawɗo wonno ardiiɗo maɓɓe. 6Yeeso laamiiɗo, ɓe njahri kaadooje dow Yahuudu'en luttuɓe, ɓe ɗon mbi'a mo: “Yahuuda bee deerɗum'en mbardi yimɓe ma fuu e ɓe parti min lesdi amin. 7Nel jonta goɗɗo mo kooluɗa haa o yaha o laara no ɓe mbonni gese amin e gese ɗe laamiiɗo mari. Wi' goɗɗo man o torra Yahuuda, deerɗum'en e yimɓe wallanɓe ɓe fuu.”
Bakides e Alkime ndilli lesdi Yahudiya
8Laamiiɗo Demetiriyus suɓi Bakides marɗo meetaleewol “soobaajo laamiiɗo”, o ardiiɗo lesɗe Siriya maŋngo. O goɗɗo tedduɗo nder lesdi man e o koolaaɗo laamiiɗo. 9Demetiriyus neli mo bee Alkime, goɗɗo keefeero, mo laamiiɗo waɗi mo limanjo mawɗo. O umri ɓe ɓe mbaato naawɗum ko Isra'iila'en ngaɗno.
10Bakides e Alkime ndilli bee mooɓre sooje'en ɗuuɗnde. Nde ɓe njotti Yahudiya, ɓe neli nelaaɓe haa Yahuuda e deerɗum'en ngam ɓe carga ɓe bee nufayeeje sulhu pewooji. 11Ammaa Yahuudu'en yi'nooɓe ɓe ɗon ngara bee semmbe koolaaki nufayeeje sulhu maɓɓe. 12Ammaa woodi yeɓre moodiɓɓe Tawreeta yehi haa Alkime e Bakides ngam ɓe keɓa nufayeeje sulhu koytinanɗi.
13Nder Yahuudu'en, Hasidi'en ɓurdan yiɗgo waɗgo sulhu. 14Ɓe ɗon mbi'a: “Alkime, garɗo bee sooje'en laamiiɗo, ɗum limanjo mo lenyol Haruna, o toonyataako en meere.”
15Alkime yeewtidi bee maɓɓe nder jam, o huni: “Min ngalaa anniya waɗgo on kalluɗum, onon e sooba'en mon fuu.” 16Ammaa nde o heɓi hoolaare maɓɓe, o naŋngi cappanɗe joweego caka maɓɓe, o mbari ɓe nyannde man nden bana ko winnda nder defte: 17“Ɓe caŋkiti ɓalli nuɗɗinɓe ma mbaraaɓe, ɓe ndufi ƴiiƴam haa taarde Urusaliima e walaa goɗɗo gooto wari uwi ɓe.” 18Nden yimɓe wuro fuu kultori. Ɓe ɗon mbi'a: “Yimɓe ɓe'e, ɓe fewooɓe e sooyɓe adilaaku ngam ɓe njottinaay alkawal ngal en ngaɗi e ɓe piisti hunayeere nde ɓe ngaɗi.” 19Bakides acci Urusaliima e saŋngini haa Bayti-Zayit. O naŋngi yimɓe ɗuuɗɓe saalinooɓe gal maako bee Yahuudu'en woɗɓe boo. O mbari ɓe, o sakkini ɓe nder ɓulndu mawndu. 20O halfini jahargal lesdi haa Alkime, o ɗalani mo mooɓe sooje'en ngam wallugo mo, nden o lorti haa laamiiɗo.
21Alkime waɗi dabareeji mum fuu haa ɓe anndita mo bana limanjo mawɗo. 22Nden waɗanɓe fitina nder jama'aare fuu kawtani mo. Ɓe koo'i Yahudiya e ɓe torri Isra'iila'en jamum. 23Yahuuda faami Alkime bee yimɓe maako ɗon torra Isra'iila'en ko ɓuri torra ka heefeerɓe torriri ɓe. 24O yiili gure Yahudiya fuu ngam o torra faasiki'en hawtananɓe Alkime, o haɗa ɓe yiilaago nder gure lesdi maako. 25Alkime faami Yahuuda e yimɓe mum ɗon ngarta semmbiɗɓe, o waawataa haɓre bee maɓɓe. Daliila man o lorti haa laamiiɗo o fewani ɓe ɓe ɗon ngaɗa bononnda.
Laamiiɗo neli Nikanor hongo Yahuuda
26Nikanor, mawɗo ardiiɓe sooje'en, tedduɗo nder laamu man, monni Isra'iila masin. Laamiiɗo neli mo, umri mo o wila jama'aare nde'e. 27Nikanor yotti Urusaliima bee mooɓe ɗuuɗɗe. Ngam sargugo Yahuuda e deerɗum'en, o wari bee nufayeeje sulhu pewooji. O wi'i ɓe: 28“Walaa jokkirgol caka am bee mooɗon. Mi ɗon wara haa mooɗon bee sooje'en seɗɗa ngam keɓen giidal soobaaku.” 29Nde Nikanor wari haa Yahuuda, ɓe koofnotiri bana soobiraaɓe. Ammaa konne'en ɗon taaski haa ɓe naŋnga Yahuuda. 30Yahuuda boo faami woodi tuufnorgol nder kawtal nga'al. O hultori, o sali juutingo giidal man bee Nikanor. 31Nde Nikanor boo faami dabare mum fiistake, o acci Urusaliima, o dilli hongo Yahuuda haa les Kafarsalaama. 32Yimɓe ko dillani teemeɗɗe njowo caka sooje'en Nikanor mbaraama, luttuɓe boo ndoggi ndilli berniwol Daawuda.
33Ɓaawoɗon, Nikanor wa'i hooseere Siyona. Liman'en e ndotti'en jama'aare ngurti haa haykaliiru ngam hoofnugo mo bee koofŋgol salaaman e hollugo mo nguleteeŋga nga ɓe lii'anto Allah ngam laamiiɗo. 34Nikanor yawi ɓe, o jali ɓe e tuuti tuuɗe dow maɓɓe, o soɓni ɓe. O wolwani ɓe bee mawnitaare. 35O wi'i ɓe bee caatal hunayeere nde'e: “To on ndokkaay yam hannde Yahuuda bee sooje'en mum, mi huni mi lortan mi wula haykaliiru ndu to konu timmi.” O dilli, o ɗon ɓerni. 36Liman'en lorti nder daldal, ɓe ɗon ndari, ɓe ɗon tiiti hirsirde e pellel ceniiŋgel, ɓe mboyi, ɓe mbi'i: 37“Yaa Jawmiraawo, an suɓi babal nga'al haa ngal laato ngal maaɗa, ngal laato suudu tornde e do'aare ngam jama'aare ma. 38Torru goɗɗo oo e sooje'en maako. Mbar ɓe nder haɓre nde'e. Siftor kuudi maɓɓe e taa ɗal ɓe, ɓe ngeeɗa.”
39Nikanor dilli diga Urusaliima, o saŋngini haa Bayti-Horon, mooɓe ummiiɗe diga Siriya ngari, kawtani mo. 40Yahuuda, kanyum boo, saŋngini haa Hadasa bee yimɓe ujine tato. O waɗi tornde nde'e: 41“Yaa Jawmiraawo, nyannde feere, nelaaɓe laamiiɗo, kuɗi ma. Nden malaa'ikaajo ma waŋgi, nattini sooje'en maako ujine teemerre e cappanɗe njoweetato e njowo. 42Bana nii boo, wirgu sooje'en wonɓe yeeso amin hannde. Luttanɓe bee yoŋki, annditan an torri Nikanor ngam o huɗi haykaliiru maaɗa seniindu. Hiitu mo fodde halleende maako.”
43Sooje'en puɗɗi konu, nyalɗe sappo e tati lewru Adar, sooje'en Nikanor njaalaama. kaŋko laati arano nder mbaraaɓe haa konu man. 44Nde sooje'en maako ndaari o maayi, ɓe ngudini balmi maɓɓe, ɓe ndoggi. 45Yahuudu'en taasni ɓe deydey nyalaade woore diga Hadasa haa Gezer, ɓe ɗon puufa algayta. 46Yimɓe ngurti nder gure Yahudiya fuu e gure taariiɗe: Ɓe ɗon kippo konne'en koo toy fuu e ɓe ɗon ngerɓa oo dow oya. Sooje'en Nikanor fuu mbaraama nder haɓre, koo gooto daɗaay. 47Yahuudu'en kooci balmi e jawdi ndi konne'en ɗali. Ɓe ta'i hoore Nikanor e juŋngo mum nyaamo ngo o ɓaŋgtino bee mawnitaare. Ɓe hoosi ɗum ngam ɓe cappina ɗum yimɓe wuro Urusaliima. 48Yimɓe fuu keewi seyo, nyannde man warti bana juulde mawnde. 49Yahuudu'en annini waɗgo juulde hitaande fuu to nyannde man yaali, waato nyalde sappo e tataɓre nder lewru Adar. 50Yahudiya heɓi jam wakkati seɗɗa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.