Sirac 33
33
1Mayong maabot na maraot sa tawong may pagkatakot sa Kagurangnan; magkapirang beses man na mag-abot an kapahamakan, ililigtas siya nin Kagurangnan. 2An madonong na tawo dai naoongis sa Katogonan, alagad an siisay man na nagsasagin-sagin dapit kaiyan nakakaagid sa sarong sakayan na nag-ooroolanto sa tahaw nin bagyo. 3Kun saro kang madonong, matubod ka sa Katogonan; masasarigan mo iyan arog kan paghapot sa paagi kan Urim.
4Andamon mo ngona an saimong itataram asin dadangogon ka kan mga tawo. Gamita an saimong nanodan bago ka magpoon sa pagtaram. 5An isip nin sarong lolong nagtatrabaho arog kan rweda nin kariton, na sige sana an talibong. 6An sarong mapag-olog-olog na katood nakakaagid sa sarong kabayo na danay na naghihiri-here maski siisay an maglunad saiya.
Bakong Pareho an mga Tawo
7Tadaw ta may mga aldaw na mas mahalaga ki sa iba, maski na ngani pareho an aldaw na nagsisirang sa bilog na taon? 8Huli ta an Kagurangnan iyo an naglaen kan mga iyan asin siya an nagtalaan kan mga banal na aldaw saka mga pyesta. 9Ginibo niyang banal saka mahalaga an iba, asin an iba ginibo niyang ordinaryo sana.
10An gabos na tawo hale sa daga, siring kan pagkagibo ki Adan. 11Alagad an Kagurangnan, sa saiyang kadonongan, an naggibo saindang bakong parareho dangan nagtao sainda nin manlaen-laen na trabaho. 12Benendisyonan niya an iba sainda asin ginibo niyang banal an iba man tanganing maninigong galangan, saka magin harani saiya. Alagad minaldisyon niya an iba sainda, ibinaba asin hinale sa saindang namumugtakan. 13Siring na an laboy nasa kamot kan paragibo nin koron tanganing tawan nin porma na saiyang mawilihan, siring man kita sa mga kamot kan satong Kaglalang tanganing gibohon niya sato an saiyang mawoton.
14An marahay iyo an katimbang kan karatan, an buhay iyo an katimbang kan kagadanan, asin an parakasala iyo an katimbang kan sarong diosnon. 15Isipa nindo ini: ginibo kan Kahorohalangkawe na magin pades an gabos na bagay, an lambang saro katimbang nin saro pang bagay.
16Alagad ako, iyo an pinakahuring nagtrabaho, na garong nag-agi sa mga ubasan tanganing gunoon an anoman na ubas na natada kan mga paraguno. Alagad benendisyonan ako nin Kagurangnan, asin dinaog ko pa an nagkaerenot sako, arog sa paraguno nin ubas na nakapano na kan saiyang pugaan nin ubas. 17Alagad boot kong maaraman nindo na dai ko ginibo an gabos na ini para sa sako sana, kundi para sa gabos na boot makanood. 18Dangoga nindo ako, kamo na mga darakulang lider! Kamo gabos na lider kan katiriponan, paghinanyog kamo sa sasabihon ko!
Magin Independyente Ka
19Sagkod na nabubuhay ka, dai mo nanggad ipagbugtak an saimong sadiri sa kapangyarihan nin siisay man—aki mo man siyang lalaki, o agom, o tugang, o katood. Dai mo ipagtao an saimong rogaring sa kiisay man; tibaad maliwat an isip mo asin maghagad kang ipuli iyan giraray saimo. 20Mantang buhay ka pa, dai mo pagtugotan na iba an magpadalagan kan saimong buhay. 21Mas marahay pang magsarig an saimong kaakian sa saimo ki sa ika an magsarig sa sainda. 22Gibohang ika an may pakaaram kan gabos mong ginigibo; dai mo ipagtugot na madigtaan an saimong dangog. 23Kun dumatong na an panahon na naghihingagdan ka na, saka mo pa sana pagbarangaon an saimong rogaring sa saimong paramana.
Pagtratar nin mga Oripon
24An sarong asno dapat na tawan kan saiyang pagkakan, karga, asin dapat na hampakon. An sarong oripon dapat na tawan kan saiyang pagkakan, trabaho, asin dapat na disiplinahon. 25Kun papagtrabahoon mo an saimong oripon, mahihingaloan ka. Kun dai mo siya papagtrabahoon, maghahanap siya nin katalingkasan. 26Pwede mong gamiton an gakod asin sakal sa pagpapagaro nin sarong hayop, asin yaon an pasakit sa bilanggoan para sa sarong maraot na oripon. 27Danay mo siyang papagtrabahoon tanganing dai siya maghinugak; an kahugakan iyo an matukdo saiya nin dakul na karatan. 28An trabaho iyo an saiyang kaipuhan. Kun dai siya magkuyog saimo, kadenahan mo siya. 29Alagad dai ka man magin makuri sa kiisay man, asin dai ka maggibo nin anoman na inhustisya. 30Kun igwa ka nin oripon, trataron mo siya siring kan boot mong pagtratar saimo, huli ta binakal mo siya kan pinagalan mong kwarta. 31Trataron mo siya bilang sarong tugang; kaipuhan mo siya siring na kaipuhan mo an saimong sadiri. Kun magdulag siya huli ta sala an pagtratar mo saiya, saen mo siya hahanapon?
Currently Selected:
Sirac 33: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Sirac 33
33
1Mayong maabot na maraot sa tawong may pagkatakot sa Kagurangnan; magkapirang beses man na mag-abot an kapahamakan, ililigtas siya nin Kagurangnan. 2An madonong na tawo dai naoongis sa Katogonan, alagad an siisay man na nagsasagin-sagin dapit kaiyan nakakaagid sa sarong sakayan na nag-ooroolanto sa tahaw nin bagyo. 3Kun saro kang madonong, matubod ka sa Katogonan; masasarigan mo iyan arog kan paghapot sa paagi kan Urim.
4Andamon mo ngona an saimong itataram asin dadangogon ka kan mga tawo. Gamita an saimong nanodan bago ka magpoon sa pagtaram. 5An isip nin sarong lolong nagtatrabaho arog kan rweda nin kariton, na sige sana an talibong. 6An sarong mapag-olog-olog na katood nakakaagid sa sarong kabayo na danay na naghihiri-here maski siisay an maglunad saiya.
Bakong Pareho an mga Tawo
7Tadaw ta may mga aldaw na mas mahalaga ki sa iba, maski na ngani pareho an aldaw na nagsisirang sa bilog na taon? 8Huli ta an Kagurangnan iyo an naglaen kan mga iyan asin siya an nagtalaan kan mga banal na aldaw saka mga pyesta. 9Ginibo niyang banal saka mahalaga an iba, asin an iba ginibo niyang ordinaryo sana.
10An gabos na tawo hale sa daga, siring kan pagkagibo ki Adan. 11Alagad an Kagurangnan, sa saiyang kadonongan, an naggibo saindang bakong parareho dangan nagtao sainda nin manlaen-laen na trabaho. 12Benendisyonan niya an iba sainda asin ginibo niyang banal an iba man tanganing maninigong galangan, saka magin harani saiya. Alagad minaldisyon niya an iba sainda, ibinaba asin hinale sa saindang namumugtakan. 13Siring na an laboy nasa kamot kan paragibo nin koron tanganing tawan nin porma na saiyang mawilihan, siring man kita sa mga kamot kan satong Kaglalang tanganing gibohon niya sato an saiyang mawoton.
14An marahay iyo an katimbang kan karatan, an buhay iyo an katimbang kan kagadanan, asin an parakasala iyo an katimbang kan sarong diosnon. 15Isipa nindo ini: ginibo kan Kahorohalangkawe na magin pades an gabos na bagay, an lambang saro katimbang nin saro pang bagay.
16Alagad ako, iyo an pinakahuring nagtrabaho, na garong nag-agi sa mga ubasan tanganing gunoon an anoman na ubas na natada kan mga paraguno. Alagad benendisyonan ako nin Kagurangnan, asin dinaog ko pa an nagkaerenot sako, arog sa paraguno nin ubas na nakapano na kan saiyang pugaan nin ubas. 17Alagad boot kong maaraman nindo na dai ko ginibo an gabos na ini para sa sako sana, kundi para sa gabos na boot makanood. 18Dangoga nindo ako, kamo na mga darakulang lider! Kamo gabos na lider kan katiriponan, paghinanyog kamo sa sasabihon ko!
Magin Independyente Ka
19Sagkod na nabubuhay ka, dai mo nanggad ipagbugtak an saimong sadiri sa kapangyarihan nin siisay man—aki mo man siyang lalaki, o agom, o tugang, o katood. Dai mo ipagtao an saimong rogaring sa kiisay man; tibaad maliwat an isip mo asin maghagad kang ipuli iyan giraray saimo. 20Mantang buhay ka pa, dai mo pagtugotan na iba an magpadalagan kan saimong buhay. 21Mas marahay pang magsarig an saimong kaakian sa saimo ki sa ika an magsarig sa sainda. 22Gibohang ika an may pakaaram kan gabos mong ginigibo; dai mo ipagtugot na madigtaan an saimong dangog. 23Kun dumatong na an panahon na naghihingagdan ka na, saka mo pa sana pagbarangaon an saimong rogaring sa saimong paramana.
Pagtratar nin mga Oripon
24An sarong asno dapat na tawan kan saiyang pagkakan, karga, asin dapat na hampakon. An sarong oripon dapat na tawan kan saiyang pagkakan, trabaho, asin dapat na disiplinahon. 25Kun papagtrabahoon mo an saimong oripon, mahihingaloan ka. Kun dai mo siya papagtrabahoon, maghahanap siya nin katalingkasan. 26Pwede mong gamiton an gakod asin sakal sa pagpapagaro nin sarong hayop, asin yaon an pasakit sa bilanggoan para sa sarong maraot na oripon. 27Danay mo siyang papagtrabahoon tanganing dai siya maghinugak; an kahugakan iyo an matukdo saiya nin dakul na karatan. 28An trabaho iyo an saiyang kaipuhan. Kun dai siya magkuyog saimo, kadenahan mo siya. 29Alagad dai ka man magin makuri sa kiisay man, asin dai ka maggibo nin anoman na inhustisya. 30Kun igwa ka nin oripon, trataron mo siya siring kan boot mong pagtratar saimo, huli ta binakal mo siya kan pinagalan mong kwarta. 31Trataron mo siya bilang sarong tugang; kaipuhan mo siya siring na kaipuhan mo an saimong sadiri. Kun magdulag siya huli ta sala an pagtratar mo saiya, saen mo siya hahanapon?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.