Johani 21
21
Jeso Walibonya ku Bashiciiya bali Ciloba
1Nishakamana sheshi shoonse, Jeso wakalibonya ulimwi ku bashiciiya bakwe kwizhiba lya Tibeliyasi. Inzho mbubolya mbucakaakubele. 2Saimoni Pita, u Tomasi uutewa ati wamaanga, Natanyele waku Kana mu Galilaya, banakwe Zebedi ubamwi ba shiciiya bobile kabali antoomwi. 3#Lk 5:5Awo Samoni Pita wakaamba ati, “Ume ndaya nkazela inswi.” Boonse bakaingula ati, “Tulaya aswe.” Ngoonaawo bakaya ukuzela boonse pele kwiina uncibakayaya mashiku azo. 4Ifwumofwumo Jeso wakazhima kumbali kunkomwe, pele ba shiciiya bayina kumuzhiba ati ngu Jeso. 5Wakaboolobwezha ati, “Beenzuma sa mwiina inswi?” Balo bakaingula ati, “Twiina.”
6 #
Lk 5:6
Jeso wakabaambila ati, “Amuwaale kanyandi kenu kuluya lwa cilyo lwabwato nimukashiyaya inswi.” Nibakakawaala koko kanyandi, kakakwasha inswi shinji shinji cakuti bakakacilwa kukakwela.
7Ushiciiya wezo ngwaakaakufwini Jeso wakaamba ati, “Ngu Mwami.” Pita mbwaakateelela ati, “Ngu Mwami.” Wakalihumba cikobelo cakwe ceezeulu kaambo kacisamununine amane waliwaala mu meenzhi. 8Bamwi ba shiciiya bakamucilila mu bwato kabaya bukwela kanyandi kazwile inswi kuya ku mulando mushinzo wantaamu shili mwaanda. 9Nibakashoka bakayana mulilo wamakala ulamotoka kulazocewa inswi ulimwi kakuli ucinkwa.
10Jeso wakaamba ati, “Amulete inswi shimwi nshimwakwasha.”
11Saimoni Pita wakaliza mu bwato wakakwelela a muuma kanyandi. Kakazwile maswi makando ali mwaanda u makumi osanwe aatwesha otatwe, pele naahula bobo azo maswi kanyandi kaina kuzapuka. 12Jesu wakabeta ati, “Kamwiza tususule.” Kwiina naaba womwi shiciiya wakasola kumubuzha ati, “Ndiweni?” Nkaambo kabezhi ati ngu Mwami. 13Jesu wakabweza cinkwa wabapa ulimwi wakacita umbona bobo ukunswi. 14Ceci nizho cakaba ciindi catatu kulibonya ku bashiciiya bakwe kuhwa naakabushiwa ku bafwu.
Jeso u Pita
15Nibakamana kulya, Jeso wakamubuzha Saimoni Pita ati, “Saimoni mwanakwe Johani, sa ulifwini kubaala bamwi?”
Wakaingula ati, “Ee Mwami, aze ulizhi ati ndikufwini.”
Jesu wakamushimwina ati, “Sheembele imbelele shangu.” 16Ulwabili Jesu wakamubuzha ati, “Sa ulifwini cini cini?”
Wakaingula ati, “Ee Mwami aze ulizhi ati ndikufwini.”
Jesu wakamushimwina ati, “Beembele bana ba mbelele shangu.” 17Ulimwi lweendo lwatatu wakamubuzha ati, “Saimoni mwanakwe Johani, sa ulifwini?”
Pita wakabiilwa nkaambo ninzho lolu lweendo kaluli lwatatu kumubuzha, ubobo wakaamba ati, “Mwami ulishizhi shoonse shintu, ulizhi ati ndikufwini!”
Jesu wakamwita ati, “Sheembele imbelele shangu. 18Cini cini ndakushimwina ati, ciindi niwakaakuli mwana wakakulibambila u kuya kufwumbwa nkuuzanda, pele wakomena ulakaakutandabika itashi amana umwi muntu ulakakwaanga ukukutola nkutazanda kuya.” 19Mu kwaamba bobo, Jeso wakaakutondezha lufwu lwaka Pita mbulukaaleta bulemu kwa Leza. Amane Jeso wakaamba ati, “Ncilila!”
Pita Ushiciya Ngwaakufwini Jeso
20 #
Joh 13:25
Pita wakacebuka wakabona shiciiya wezo umwi ngwaakaafwinishi Jeso, wezo wakaakuzeeme kwa Jeso lyakaakuliwa mulalilo u kubuzha ati, “Mwami nguni ukakwaaba?” 21Amubone bulyo Pita, wakamubuzha Jeso ati, “No wezu mulombwana walo mbuti?”
22Jeso wakamwiingula ati, “Naa ndazanda ati apone kushicila nkapiluka, cuukwete kwi? Ncilila!”
23“Ubobo impuwo yakazuwa yakuti wezu shiciiya takafwi. Pele Jeso kataamba ati takafwi, wakaamba ati, cuukwete kwi kuti ndaamba ati, kuti ndazanda, ulaakupona lyoonse mpaka nkabweele cikukwete kwi?”
24Wezu nguushiciiya wakaamba aza, nguwaakashibona ukushilemba, ulimwi tulizhi ati ncaakaamba ncalushinizho.
Kumaninzha
25Inzho kakuli aamwi maleele ngaakacita Jeso. Kuti naakalembwa oonse, inzho yoonse inshi niyakuzwile mabuka azo aati naakalembwa.
Currently Selected:
Johani 21: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.