Johani 13
13
Jeso Wasanzha Matende a ba Shiciiya Bakwe
1Kakusheele buzuba bomwi kalitana kushika ipobwe lya kwiitilila, Jeso wakazhiba ati ciindi cakwe cakwaahwa anshi ano kuya kwa Ushi caba afwaafwi. Mbwaakaakubafwini bantu bakwe baanshi ano, kabafwuni cini cini kushicila ku mamanino. 2Jeso u ba shiciiya bakwe nibakaakulya mulalilo, Shaatani koonjizhizhe kale muzeezo wakumwaaba Jeso kuba shinkondonina mu monzo waka Judasi Shikaliyoti mwanakwe Saimoni. 3Jeso mbwaakaakwizhi ati Ushi wakamupa insana shoonse, kezhi ati wakahwa kwa Leza ulimwi ulakabweela kwa Leza. 4Wakazhimuka awo ngubakaa kulya mulalilo amane wasamununa cikobelo cakwe amane walyaanga mucibuno cisani cakulipukusha. 5Amane wakabika meenzhi mu mutiba wakusambila amane wakakanka kubasanzha ba shiciiya kumatende uku bapukuta u cisani cakupukusha meenzhi ncaakaakulyaangile mucibuno. 6Inzho naakashika ali Saimoni Pita, Pita wakaamba ati, “Mwami sa ndiwe uuyelele kusanzha matende angu?” 7Jeso wakamwaambila ati, “Inzho tucizhi ncincita, pele kwaita ciindi ulakacizhiba ukuciteelela ncicaamba.” 8Pele Pita wakaamba ati, “Pe pe ume utansanzha!” Jeso wakaamba ati, “Kuti intakusanzha ati tucili linji shiciiya wangu.”
9Ateelele bobo Pita wakaamba ati, “Caakuli bobo Mwami utansanzha bulyo kumatende pele unsanzhe kumatashi ukumutwi.”
10Jeso wakaingula ati, “Muntu wasamba kale ulasalala, teelele kusamba ulimwi cita bulyo kumatende? Umwe noonse mulasalala cita bulyo muntu womwi.” 11Jeso kamwizhi kale shikumwaaba ncakaambila ati umwe noonse mulasalala cita bulyo muntu womwi.
12 #
Lk 22:27
Inzho Jeso naakamana kubasanzha kumatende, wakacisama cikobelo cakwe amane wakabweela ngaakaakushite. Wakabuzha ati, “Sa mulicizhi ceci ncindamucita? 13Mulenta ati, ‘Mwiiyi’ na ‘Mwami.’ Muli kabotu nimwaamba bobo nkaambo mbucibele. 14Inzho mwabona ume ndi Mwiiyi u Mwami wenu ndamusanzha kumatende enu, amwe mulyeelele kwaamba muukusanzhanya kumatende. 15Ume ndamupa citondezho, ubobo mulyeelele kwaamba amwe muukucita umbona. 16#Mat 10:24; Lk 6:40; Joh 15:20Cini cini ndamwaambila, muzhice tali mukando kubaala shimatwangaakwe, aze mutumwa tali mukando kubaala wezo wakamutuma. 17Kuti naa mulishizhi sheshi, mulilonjelwe kuti kamushicita.
18 #
Inte 41:9
“Nshaambila umwe noonse, pele ndibezhi mbubabele babo mbundakasala. Ceci cazuzukizha akaamba mushinshimi aakuti, ‘Muntu ngutwaakulya aze umutiba wangu wambukila.’ 19Ndamushimwinina limwi aza makani kwaamba akacitika mukashome ati Ume Ndime Wezo. 20#Mat 10:40; Mk 9:37; Lk 9:48; 10:16Cini cini ndamwaambila ati kufwumbwa watambula wezo ngundatuma ati wantambula ame, wezo uutantambula ati wiina kumutambula u wezo wakantuma.”
Jeso Waamba Makani a Shikumwaaba
(Matayo 26:20-25; Maako 14:17-21; Luka 22:21-23)
21Naakamana kwaamba aza makani, Jeso wakapenga cini cini mu monzo, ubobo wabaambila kaanzambwene ati, “cini cini ndamushimwina ati, umwi wenu awa ulangaba.” 22Inzho ba shiciiya bakatalika kulangana kumenso cakuzhingwa u kutazhiba ngwaakaakwaamba. 23Umwi wa bashiciiya bakwe, wezo ngwaakaakufwini, kazeeme kwa Jeso. 24Ubobo Pita wakamuhwiila ati, “Mubuzhe naa nguni ngwaamba.”
25Wezo shiciiya wakaakuzeeme kwa Jeso wakamubuzha ati, “Mwami, no nguni nguamba?”
26Jeso wakaingula ati, “Nguwezo ngunkataanguna kupa cinkwa.” Amane kubwenga cinkwa ncakakomona wakapa Judasi mwanakwe Saimoni Shikaliyoti. 27Mbwaakapelwa bulyo Shaatani wakamunjila. Jeso wakamwaambila ati, “Fwambaana cicite ncuuzanda kucita.” 28Beenzhiina bakaakulya aze kwiina wakacizhiba ncaakaamwitela bobo Jeso. 29Bamwi bakatelaika ati Judasi mbwaakaakuli ngumuzobozhi wankomo yamali, ambweni Jeso wakaakumwaambila ati akaule shintu shepobwe, naa ati akape shimwi shintu kubapushi. 30Inzho mbwaakatambulila bulyo cinkwa, Judasi wakazhimuka wahwa ansengwe. Ceco ciindi kaali mashiku.
Mulawo Mupiya
31Judasi naakaya, Jeso wakaamba ati, “Inzho bulemu bwa Mwanaa Muntu bulaya buzubululwa, ulimwi kwiita mwakwe, bulemu bwa Leza bulaya buzubululwa. 32Na kuti bulemu bwa Leza bwazubululwa kwiita mu Mwana, nkukuti aze Leza mwini ulakabuzubulula bulemu bwa Mwanaa Muntu aciindi ncicona. 33#Joh 7:34Banangu, ndaakuli amwe kwa ciindi cishoonto bulyo. Mulakankapula, pele umbona mbundakabaambila ba Juda, amwe ndamushimwina ati, ‘Koko nkunja tamukonzha kushika pe.’ 34#Joh 15:12, 17; 1 Joh 3:23; 2 Joh 1:5Ndamupa mulawo mupiya wakuti, amufwunane umbona mbumufwini, amwe mufwunane umwi uumwi, 35Mwacita bobo, bantu balakamuzhiba ati muli ba shiciiya bangu.”
Jeso Waamba ati Pita Ulakamutama
(Matayo 26:31-35; Maako 14:27-31; Luka 22:31-34)
36Saimoni Pita wakamubuzha ati, “Anu ulaya kwi Mwami?” Jeso wakaingula ati, “Koko nkwinja tamukonzha kuncilila ninzho, pele mulakancilila kwaita ciindi.” 37Pita wakabuzha ati, “Mwami no nkaamboonzhi ncintakonzha u kucilila ninzho? Ume ndakonzha kwaaba bumi bwangu ukaambo kako.” 38Jeso wakaingula ati, “Sa ulatelaika ati ulakonzha kwaaba bumi bwako ukaambo kangu? Cini cini ndakushimwina ati, uwe bwasunu mashiku aza ngoona katana kulila mukombwe ulaakuntamine kale shiindi shotatwe.”
Currently Selected:
Johani 13: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.