Jemusi 1
1
1 #
Mat 13:55; Mk 6:3; Inc 15:13; Bag 1:19 Ndime Jemusi musebezhi wa Leza uwa Mwami Jeso Kilisito, ndamwaanzha numishobo ili ikumi u mishobo yobile imweele koonse koonse.
Lushomo u Busongo
2Nubakwesu kamubotelwa bulyo ciindi nimushikilwa masukusho a mishobo mishobo, 3nkaambo mulizhi ati ciindi lushomo lwenu nilusukushiwa bolya, ku mamanino mulakacikonzha kuba ba shilwiici. 4Amubone kwaamba kukakatila kwenu kutolelele cakutakacilwa kwaamba mushime ca kumaninina kwaamba tamukabuli cintu. 5Kuti umwi wenu wabula busongo, naakombe kwa Leza walo upa busongo ku bantu boonse ca luse cakutakapula bubiyabi. 6Mwakomba amushome cakutazuluzha naashoonto. Kufwumbwa u zuluzha uli ukoya inkutisha lya mulwaatele litonkwa u muuwo. 7Muntu uli bobo atatelaiki ati ulapewa cintu kuhwa ku Mwami, 8nkaambo ulalomba u myonzo yobile, tashitikile munzhila shakwe shoonse.
Bupushi u Buhubi
9Mukwesu mupushi aininwe ciindi Leza naamusumpula, 10#Aiz 40:6, 7aze muhubi abotelwe Leza amucesha nkaambo aze ulakamana bumana malubaluba a mwisokwe. 11Nkaambo izuba lilahwa u kutenta, ubobo lilazumya shishango, malubaluba alaloka, u bweebeshi bwangawo bulamana. Umbona bobo u muhubi ulakonzha kufwa nikuba ati uciya bucita impindu yakwe.
Kusunka u Kutepaula
12Ulilonjelwe wezo muntu u tatanana umasunko, nkaambo azunda ulakapewa mushini wa bumi wezo Leza ngwakabashomezha babo bamuzanda. 13Kuti muntu wasunkwa, ataamba ati Leza ngu wamunsunka, nkaambo Leza takonzha kusunkwa kwaamba abishe, ubobo aze tasunki muntu shibiyabi. 14Pele bantu balasunkwa kucita shibi ciindi niboongelezhewa ukucengwa u shisushi shabo beni shibiyabi. 15Ubobo shisushi shibiyabi shamita shilazhala cibi, aco cibi cakomena cilazhala lufwu.
16Mutacengwa nubakwesu banakufwunwa. 17Shoonse shintu shibotu shilondokele nshipo shihwa kwizeulu, shilahwa kwa Taata wakalenga izeulu u mimuni ili mwizeulu. Walo utacinca bucinca shinhule. 18Wakasala kutupa bumi bupiya bwaku moza kwiita u mazwi amba shalushinizho kwaamba tukabe micelo yakwe ya busena butaanzhi ku shintu shoonse nshaakalenga.
Kuteelela u Kucita
19Nubakwesu kamwaazhibaluka aza. Woonse muntu kafwambaana kuteelela, ulimwi kamuka kwaamba u kumuka kulemana 20nkaambo bukali bwa muntu bumi bululeme ku bushu bwa Leza. 21Ubobo amubuleke busofwaazhi boonse ulimwi mubukushe bubiyabi buzwile muli umwe. Amwaatambule cakulibonzha mazwi Leza ngaakashanga u myonzo yenu akonzha kumufwutula.
22Mutaakulicenga kuteelela bulyo mazwi a Leza, pele kamucita shaambwa mu mazwi azo. 23Nkaambo kuti muntu ulateelela bulyo mazwi, amana taciti nshaateelela, ulikozhene umuntu u lilanga mu cimboni mboni, 24uufwumbi ndilyona mbwaahwila waluba mbwaabele. 25Pele wezo ulanga Mulawo wa Leza mulondoshi ulimwi walwaanguluko, nguwezo ukakatila mumo, tateeleli mazwi bulyo ukwaaluba, pele ulaacilila ukwaacita. Ubobo Leza ulakamulongezha mu shintu shoonse nshaacita.
26Kuti muntu ulazunga ati uliluleme mu kukomba Leza amana talikwati mu kwaamba kwakwe, bukombi bwakwe mbwabulyo ulimwi ulalicenga bulyo. 27Bukombi bwini bwini bulondokele kwa Leza Taata mbubobu; muntu abambe bamushaala u bamuka bafwu u mapenzhi abo u kulibamba cakubula kampenda kwaamba bubiyabi bwa ano anshi butamusofwaazha.
Currently Selected:
Jemusi 1: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.