Bagalatiya 1
1
Kubuka kwa Jeso ku Bafwu
(Matayo 28:1-10; Maako 16:1-8; Johani 20:1-10)
1Ndime Paulu mutumwa, watakatewa umuntu kuba mutumwa na ukaambo kakuzanda kwa muntu, pele nkuzanda kwa Jeso Kilisito u Leza Taata wakamubusha ku bafwu. 2Ume ubashomima mbutulyaabo twatuma myooni ku cikombelo ca Galatiya.
3Tatesu Leza u Mwami Jeso Kilisito amupe luse u luumuno.
4Kwaamba atufwutule kumusela wezu washibi, Kilisto wakaaba bumi bwakwe ukaambo ka shibi shesu, kwiita mukulemeka luzando lwaka Leza Tatesu. 5Bulemu nabube kwa Leza shikwense u shikwense! Ameni.
Makani Mabotu ali Omwi
6Ume ndamuzhingwa! Muciindi cishoonto ceci caita mwamukaka wezo wakamoompolola kwiita mu luse lwaka Kilisito, mwakanka kutambula makani aanji. 7Mubwini kwiina aanji makani mabotu, pele ndaamba bobo nkaambo nkubali bamwi ubamupenzha nkaambo balasoleka kucinca makani aka Kilisito. 8Pele naa kuli umwi, wesu naaba anjelo wa kwizeulu, weza kumukambaucila mulumbe uyishenye u wezo ngutwakamukambaucila, wezo naabe muntu mushinganye! 9Umbona mbutwakaamba kale, uninzho ndabweelela ulimwi, naa nkwaali umukambaucila mulumbe unji kuleka welya ngumwakatambula, wezo naabe mushinganye!
10Sa ndaamba bobo cilaba ukoya ndaliboshezha ku bantu naaba kwa Leza? Na ambweni ndazanda kuzhibwa ku bantu? Kuti indaakukwete wezo muzeezo indataakuli muzhice waka Kilisito.
Paulu mbwa Koompololwa kwa Leza
11Inzho nubakwesu ndazanda kumushimwina kwaamba muzhibe ati wezu mulumbe mubotu ngwinkambauka wiina ukahwa ku muntu pe. 12Ndiina kuutambula kuhwa ku muntu ulya maila, ulimwi kwiina muntu wakanjiisha pe. Ngu Jeso Kilisito lwakwe mwini nguwakanzubululila.
13 #
Inc 8:3; 22:4, 5; 26:9-11 Mwakashimwinwa bumi bwangu mbubwakaakubele ciindi indakaakupona mubukombi bwaci Juda, mbundakakupenzha cikombelo ca Leza, umundakasoleka kuciyaya. 14#Inc 22:3Ndime indakaakuli musolozhi akati kaba Juda bamusela wangu mubukombi bwaci Juda, ulimwi ncitalibanza ku makani atwaambo twa tunshiyanshiya ba shikale.
15 #
Inc 9:3-6; 22:6-10; 26:13-18 Pele Leza wakansala mu luse lwakwe ume ncitana ukuzhalwa, amane wenta kwaamba nkamusebezele. Naakazanda 16kunzubululila Mwanakwe, kwaamba nkakambauke makani mabotu aka Jeso ku bantu bakunze, ndiina ku muntu nkundakaya kwaamba ambule, 17nikuba kuya ku Jelusalemu kuli babo bakaakuli batumwa kale ume ncitana kuba. Ncindakacita nkuya bulyo ku Alebiya mane ndazhokela ku Damasikasi. 18#Inc 9:26-30Kwiite myaka yotatwe indakaya ku Jelusalemu u kubuzha makani kwa Pita, twakakala aze insunda shobile. 19Ndiina unji mutumwa ngundakabona cita bulyo Jemusi munina Mwami Jeso.
20Oonse aza ngundamuletela meni meni alishinizhe ku bushu bwa Leza!
21Kuhwaawo, ndakaya kumashi a Siliya uku Silisiya. 22Ku ciindi ceco bantu mu shikombelo shamu Judiya kabatenzhi. 23Kabateelele bulyo impuwo njibakaakwaamba bantu yakupenzha cikombelo, pele inzho nguukambauka makani a lushomo ndwaakaakuzanda kuyaya! 24Ubobo bakamutembaula Leza ukaambo kangu.
Currently Selected:
Bagalatiya 1: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.