Matayo 2
2
Balombwana Basongo Bakahwa Kwiwe
1Jeso Kilisto wakazhalilwa mu munzhi wa Betelehemu mucishi ca Judiya, lyakaakulela mwami Helodi. Inzho ku Jelusalemu kwakashika balombwana basongo bakahwa kwiwe. 2Nibakashika bakabuzha ati, “Ulikwi wezo wakazhalwa Mwami waba Juda? Nkaambo tweebona intongwezhi yakwe kwiwe, ubobo tweza kumukomba.” 3Ateelele bobo mwami Helodi, wakapenga mu monzo cini cini ubamu Jelusalemu boonse. 4Ngoonaawo wakababunganya bapaizhi bakando u balembi ba bantu, wakababuzha buzha koko nkwaakaakweelele kuzhalilwa Munanike wa Leza. 5Bakamwaambila ati, “Mu Betelehemu mucishi ca Judiya nkaambo imbubo mbwaakalemba mushinshimi ati,
6 #
Mika 5:2
“‘Uwe u Betelehemu mucishi ca Juda,
nikuba ati uli mushoonto akati kabeendelezhi bamu Juda,
nkaambo mulyuuwe mulakazhalwa mweendelezhi
uukaayembela bantu bangu ba Izilaili.’ ”
7Ngoonaawo mwami Helodi wakabeta babo balombwana basongo kumabali ukubabuzha buzha intongwezhi nibakeebona. 8Amane wakabatuma ku Betelehemu u malailile akuti, “Kamuya mukamukapule kabotu mwana, mwakamuyana mwize muŋambile kwaamba ame nkamukombe.”
9Inzho nibakateelela bobo bakaya, ngoonaawo intongwezhi njibakaakubwene kwiwe yakeendela kumbele mpaka mwini niyakaya kuzhima awo akaakuli mwana. 10Intongwezhi niyakazhima awo bakabotelwa cini cini. 11Nibakanjila muŋanda bakamuyana Mwana u Maliya baina, ngoonaawo bakafwukama ukumukomba. Bamane bakashiyalula shizobwelo shabo bapa shipo sha goludi u fulankinsensi u mila. 12Leza wakabacenjezha muciloto kwaamba batabweela kwa Helodi ubobo nibakapiluka kubanamuzhaabo bakaita inzhila iinji.
Kuloboka Kuya ku Ijipiti
13Inzho balombwana basongo nibakapiluka, anjelo wa Leza wakalibonya kwa Jozefu muciloto ulamulailila ati, “Zhimuka umuloboshe mwana u baina kuya ku Ijipiti, kushikila nkakwaambile, nkaambo Helodi ulazanda kumuyaya mwana.”
14Ngoonaawo wakazhimuka wamutola mwana u baina ciindi ca mashiku, waya ku Ijipiti. 15#Hos 11:1Wakakala koko kushikila naakafwa Helodi. Ceci cakacitwa kuzuzucizha bwakaamba Leza kwiita mu mushinshimi ati, “Ndakamoompolola mwanangu kuhwa mu Ijipiti.”
Kuyayiwa kwa Bana
16Helodi naakabona ati babo balombwana basongo bamucenga, wakalemana cini cini. Ngoonaawo wakalailila ati kuyaiwe bana beembezhi bakwete myaka yobile kuzhoka anshi bamu Betelehemu u masena aazhingulucile. Yezhi myaka yakeendelana u ciindi ceco nakateelela makani akamwaambila bolombwana basongo kukwatilizha intongwezhi yakabonwa. 17Munzhila yezhi, akaba meni meni akaamba mushinshimi Jelemiya aakuti,
18 #
Jele 31:15
“Izwi lyakateelelwa mu Lama, kulila u koomoka cini cini.
Ngu Lacelo ulalila banakwe, wakaka kusoozhewa nkaambo banakwe tabaciko.”
Kupiluka Kuhwa ku Ijipiti
19Inzho Helodi naakafwa anjelo wa Leza, wakalibonya muciloto kwa Jozefu mu Ijipiti, 20ulaamba ati, “Buka umutole mwana u baina ku cishi ca Izilaili, nkaambo babo bakaakuzanda kumuyaya mwana bakafwa.” 21Ubobo Jozefu wakamutola mwana u baina, bakapiluka ku Izilaili.
22Pele Jozefu naakateelela ati Akelausi nguwakalya izhina lya Helodi ushi, mwami wamu Judiya, wakafwa bukandu kuya koko. Leza wakamupa malailile aanji muciloto, ubobo wakaya mucishi ca Galilaya. 23#Mk 1:24; Lk 2:39; Joh 1:45Ashike wakakala mu munzhi wa Nanzaleta. Ubobo makani aakaamba mushinshimi akazuzucizhiwa, aakuti, “Ulakaakutewa ati muna Nanzaleta.”
Currently Selected:
Matayo 2: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.
Matayo 2
2
Balombwana Basongo Bakahwa Kwiwe
1Jeso Kilisto wakazhalilwa mu munzhi wa Betelehemu mucishi ca Judiya, lyakaakulela mwami Helodi. Inzho ku Jelusalemu kwakashika balombwana basongo bakahwa kwiwe. 2Nibakashika bakabuzha ati, “Ulikwi wezo wakazhalwa Mwami waba Juda? Nkaambo tweebona intongwezhi yakwe kwiwe, ubobo tweza kumukomba.” 3Ateelele bobo mwami Helodi, wakapenga mu monzo cini cini ubamu Jelusalemu boonse. 4Ngoonaawo wakababunganya bapaizhi bakando u balembi ba bantu, wakababuzha buzha koko nkwaakaakweelele kuzhalilwa Munanike wa Leza. 5Bakamwaambila ati, “Mu Betelehemu mucishi ca Judiya nkaambo imbubo mbwaakalemba mushinshimi ati,
6 #
Mika 5:2
“‘Uwe u Betelehemu mucishi ca Juda,
nikuba ati uli mushoonto akati kabeendelezhi bamu Juda,
nkaambo mulyuuwe mulakazhalwa mweendelezhi
uukaayembela bantu bangu ba Izilaili.’ ”
7Ngoonaawo mwami Helodi wakabeta babo balombwana basongo kumabali ukubabuzha buzha intongwezhi nibakeebona. 8Amane wakabatuma ku Betelehemu u malailile akuti, “Kamuya mukamukapule kabotu mwana, mwakamuyana mwize muŋambile kwaamba ame nkamukombe.”
9Inzho nibakateelela bobo bakaya, ngoonaawo intongwezhi njibakaakubwene kwiwe yakeendela kumbele mpaka mwini niyakaya kuzhima awo akaakuli mwana. 10Intongwezhi niyakazhima awo bakabotelwa cini cini. 11Nibakanjila muŋanda bakamuyana Mwana u Maliya baina, ngoonaawo bakafwukama ukumukomba. Bamane bakashiyalula shizobwelo shabo bapa shipo sha goludi u fulankinsensi u mila. 12Leza wakabacenjezha muciloto kwaamba batabweela kwa Helodi ubobo nibakapiluka kubanamuzhaabo bakaita inzhila iinji.
Kuloboka Kuya ku Ijipiti
13Inzho balombwana basongo nibakapiluka, anjelo wa Leza wakalibonya kwa Jozefu muciloto ulamulailila ati, “Zhimuka umuloboshe mwana u baina kuya ku Ijipiti, kushikila nkakwaambile, nkaambo Helodi ulazanda kumuyaya mwana.”
14Ngoonaawo wakazhimuka wamutola mwana u baina ciindi ca mashiku, waya ku Ijipiti. 15#Hos 11:1Wakakala koko kushikila naakafwa Helodi. Ceci cakacitwa kuzuzucizha bwakaamba Leza kwiita mu mushinshimi ati, “Ndakamoompolola mwanangu kuhwa mu Ijipiti.”
Kuyayiwa kwa Bana
16Helodi naakabona ati babo balombwana basongo bamucenga, wakalemana cini cini. Ngoonaawo wakalailila ati kuyaiwe bana beembezhi bakwete myaka yobile kuzhoka anshi bamu Betelehemu u masena aazhingulucile. Yezhi myaka yakeendelana u ciindi ceco nakateelela makani akamwaambila bolombwana basongo kukwatilizha intongwezhi yakabonwa. 17Munzhila yezhi, akaba meni meni akaamba mushinshimi Jelemiya aakuti,
18 #
Jele 31:15
“Izwi lyakateelelwa mu Lama, kulila u koomoka cini cini.
Ngu Lacelo ulalila banakwe, wakaka kusoozhewa nkaambo banakwe tabaciko.”
Kupiluka Kuhwa ku Ijipiti
19Inzho Helodi naakafwa anjelo wa Leza, wakalibonya muciloto kwa Jozefu mu Ijipiti, 20ulaamba ati, “Buka umutole mwana u baina ku cishi ca Izilaili, nkaambo babo bakaakuzanda kumuyaya mwana bakafwa.” 21Ubobo Jozefu wakamutola mwana u baina, bakapiluka ku Izilaili.
22Pele Jozefu naakateelela ati Akelausi nguwakalya izhina lya Helodi ushi, mwami wamu Judiya, wakafwa bukandu kuya koko. Leza wakamupa malailile aanji muciloto, ubobo wakaya mucishi ca Galilaya. 23#Mk 1:24; Lk 2:39; Joh 1:45Ashike wakakala mu munzhi wa Nanzaleta. Ubobo makani aakaamba mushinshimi akazuzucizhiwa, aakuti, “Ulakaakutewa ati muna Nanzaleta.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.