1 Bakolinto 1
1
Kulipandulula kwaka Paulu kuba Kolinto
1Ndime Paulu wakatewa kuba mutumwa wa Kilisito Jeso mu luzando lwa Leza. Ndili u Sositinesi mukwesu.
2 #
Inc 18:1
Tulalembela imbungano ya Leza iili mucishi ca Kolinto. Babo boonse mbaakasala Leza kuba bakwe, kwiita mwa Jeso Kilisito. Uku banamusalazhi, antoomwi u babo boonse bali mu masena oonse bakomba mwizhina lya Mwami Jeso Kilisito, uutewa ati ngu Mwami wabo aswe antoomwi.
3Leza Tatesu u Mwami Jeso Kilisito, bamufwile luse u kumupa luumuno.
Kulumba Leza
4Lyoonse ndalumba Leza wangu ukaambo kenu, ukaambo ka luse ndumwakapewa mukukamantana u Kilisito Jeso. 5Ukaambo kalukamantano lwenu u Kilisito, mulihubile munzhila shoonse. Mu kwaamba kwenu ulimwi u muluzhibo. 6Nkaambo makani aamba sha Kilisito alibonya kuba meni meni akati kenu. 7Ubobo umwe kwiina cipo ca luse ncimubula, ciindi nimulindila kwiza kwa Mwami wesu Jeso Kilisito. 8Leza ulakamuzumya zumya mpaka kushicila ku mamanino kwaamba mutakapewa kaambo mu buzuba bwa Mwami wesu Jeso Kilisito. 9Leza ulashomeka, ulimwi nguwakamwita kwaamba mube mu lukamantano u mwanakwe Jeso Kilisito Mwami wesu.
Mipampo Mipampo mu Mbungano
10Inzho ndamukumbila nubakwesu, mwizhina lya Mwami wesu Jeso Kilisito, kwaamba noonse muteelezhanye, kutabi kwaandaana akati kenu pe. Pele amukamantane antoomwi ca kumaninina iitelaishi lyomwi, u muzeezo womwi bulyo. 11Nkaambo ndakateelela makani aahwa kumukwashi wa Kilowe, aamba ati, kuli kuzwangana akati kenu. 12#Inc 18:24Inzho nciŋamba ncakuti umwi uumwi wenu ulaamba shakwe mwini. Umwi ulaamba ati, “Ume ndacilila Paulu,” uumwi ati, “Ume ndacilila Apolosi,” Uumwi ati, “Ume ndacilila Kefasi,” ulimwi umwi ati, “Ume ndacilila Kilisito.” 13Sa Kilisito mwaapaule? Sa Paulu nguwakakankaminwa aciciinkano ukaambo kenu? Sa mwakapapatizwa mwizhina lyaka Paulu? 14#Inc 18:8; Inc 19:29; Bal 16:23Ndalumba Leza kwaamba kwiina naaba womwi wenu ngundakapapatiza! Cita bulyo Kilisipasi u Gayasi. 15Ubobo kwiina ukonzha kwaamba ati wakapapatizwa mwizhina lyangu. 16#1 Bako 16:15Pele atubone, ndakapapatiza ba mukwashi wa Sitivini, kunze kwa baba, nshitelaiki ati kuli uunji ngundakapapatiza pe. 17Nkaambo Kilisito wiina naakantuma kupapatiza pe, pele kukambauka Makani Mabotu. Ubobo, ndyeelele kukambauka cakutacilila busongo bwa bantu, kutiya ati insana sha lufwu lwa Kilisito aciciinkano shitabi shabulyo.
Jeso Ninsana u Busongo bwa Leza
18Inzho makani amba sha lufwu lwa Kilisito Jeso aciciinkano ngabulimbushi kuli babo bazhimini, pele kwesu uswe utuli munzhila ya lufwutuko, ninsana sha Leza. 19#Aiz 29:14Nkaambo kulilembelwe ati,
“Ndakazonauna busongo bwa basongo,
Ndakapilinganya maanu a bashiluzhibo.”
20 #
Jobo 12:17; Aiz 19:12; 33:18;
Aiz 44:25
No ninzho, ulikwi muntu musongo? Ulikwi wezo musongo? No mbalikwi bashikukazhanya ba anshi ano? Kayi nkaambo Leza watondezha ati busongo bwa anshi ano, mbulimbushi. 21Ncizumu kwaamba bantu bamuzhibe Leza mu busongo bwabo. Ubobo cakamubotela Leza kwaamba afwutule babo ba shoma kwiitila mu makani ngutukambauka ngubaamba ati ngabulimbushi. 22Nikuba ati ba Juda balazanda kubona maleele, abo ba Giliki balakapula busongo. 23Uswe tulakambauka sha Kilisito uwakankaminwa aciciinkano, kuba Juda aza makani ncilebyo, ako ku bantu bakunze mbulimbushi. 24Pele kuli babo mbaaketa Leza, ba Juda nibaba ba bahwa mashi, balizhi ati Kilisito ninsana u busongo bwa Leza. 25Nkaambo ceco cilibonya ukoya bulimbushi bwa Leza, mbusongo kubaala bwa bantu, aco cibonwa ukoya bufwafwalishi bwa Leza, cilikwete insana kubaala shabantu.
26Nubakwesu, amutelaike, no mwakaakuli bani ciindi Leza naakamwita? Mbashoonto akati kenu bakaakuli basongo, na bashinsana na bakaakuli balemu. 27Pele Leza mu kuzanda kwakwe, wakasala shintu nshibatelaika bantu ba anshi ano ati nshabulimbushi kwaamba abaushe insoni basongo. Ulimwi Leza wakasala shintu shiina insana sha anshi ano kwaamba abaushe insoni bantu ba shinsana. 28Ulimwi Leza wakasala shintu nshibatelaika bantu baanshi ati shiina mulimo, kwaamba shesho nshibatelaika ati shilikwete bulemu shibe shabulyo. 29Leza wakacita bobo ati, kutabi muntu naaba womwi ulisumpula kumenso akwe. 30Pele Leza wakamuswaanganya antoomwi u Jeso Kilisito kwaamba abe mbubusongo bwesu, wakatululamika kwa Leza. Twakaba bantu baleza basalala ulimwi balubushi. 31#Jele 9:24Cili umbona mbucilembelwe umalembe ati, “Wezo uzanda kulikankaizha, ulyeelele kulikankainzha ceco Mwami ncaakacita.”
Currently Selected:
1 Bakolinto 1: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.