Joshuwa 4
4
Bigwa kwe mabgwe e zwikumbuludzo
1Kwakati itjaba tjose tje Iziraela tjisinotjuluka gwizi gwe Jorodani, Yahwe bakadwa Joshuwa bakati, 2“Shalula balume bali gumi lina babili mu bathu ibaba, mmwe ne mmwe wabo ali milile ludzi gugwe, 3ngono ubadwe uti, ‘Mmwe ne mmwe wenyu ngaatole bgwe ling'ompela mu gwizi pabe pali mile bapirisiti, muasenge munoabiga kwamunonolala nasi.’ ”
4Ipapo Joshuwa kadana balume bali gumi lina babili kudwa mu bathu be Iziraela, baakabe ashalula mmwe ne mmwe edwa mu ludzi gugwe, 5ngono kabadwa kati, “Pindilani mbeli kwe Bhokisi le Tjidumano tja Yahwe Ndzimu wenyu, mungine pakati kwe gwizi gwe Jorodani, mmwe ne mmwe wenyu kuyenda nge mbalo ye njudzi dze bathu be Iziraela, mmwe ne mmwe aswike apike bgwe ling'ompela aliyise ku bukotokelo, 6mabgwe iyawa abe ikumbuludzo mu muli. Mangwana ha bana benyu be mubhuzwa beti, ‘Mabgwe iyawa anodwani?’ 7Mowobabudza kuti, kwakati Bhokisi le Tjidumano tja Yahwe litjuluka gwizi, vula ikama wunga, ndizo mabgwe iyawa anowobe ikumbuludzo tje tjakashingikala mu bathu be Iziraela nge kusingapele kose.”
8Ngono balume be Iziraela bakathama sekwakaleba Joshuwa, bakatola mabgwe ali gumi lina mabili pakati kwe Jorodani kuyenda nge mbalo ye njudzi dze bathu be Iziraela koga sekwakadwiwa Joshuwa ndi Yahwe. Bakatola mabgwe bakanoabiga kwabakabe bakakotokela. 9Joshuwa kabiga mabgwe mamwe ali gumi lina mabili pakati kwe gwizi pakabe pali mile bapirisiti bakabe bakasenga Bhokisi le Tjidumano. Mabgwe iyawo ayapo na nasi. 10Bapirisiti bakabe bakasenga Bhokisi le Tjidumano bakabe bali mile pakati kwe gwizi kuswikilila kwathamiwa tjimwe ne tjimwe tjakabe tjadwiwa Joshuwa ndi Yahwe kuti atjidwe bathu kuti batjithame kuyendidzana nakose kwakabe kwadwiwa Joshuwa ndi Mushe.
Bathu bakatjuluka gwizi belibilidza, 11ngono kwakati bathu bose basinobe batjuluka, Bhokisi le Tjidumano la Yahwe likatjuluka lakasengwa nge bapirisiti, itjaba tjakalingilila. 12Balume be ludzi gwa Rubheni ne gwa Gadi ne gwamu le ludzi gwa Manase, bose bakabe bakashakatila mathumo bakatungamila Baiziraela Mushe sekwa akabadwa. 13Kwakabe kuli balume bangabhata zwiwulu zwili makumi manna (40 000) bakazwilulwamisila ngwa bakapinda mbeli kwa Yahwe beyenda ku mabala e Jerikho. 14Mu zhuba ilelo Yahwe bakakudza Joshuwa mbeli kwe Baiziraela bose ngono Baiziraela bakazwiyisa pasi mbeli kwa Joshuwa butjilo gugwe gose koga sekwa bakabe bezwiyisa pasi mbeli kwa Mushe. 15Ngono Yahwe bakadwa Joshuwa bakati, 16“Idwa bapirisiti bakasenga bhokisi le butendeki kuti babhude mu gwizi gwe Jorodani.” 17Ndizo Joshuwa kadwa bapirisiti kati babhude mu gwizi. 18Kwakati koga bapirisiti bakasenga Bhokisi le Tjidumano tja Yahwe betshamba pasi pakawoma vula ikatangisa wunga koga se mukutanga.
19Bathu bakabhuda mu Jorodani mu zhuba le bugumi le mwedzi we kutanga ngono bakanokotokela ku Giligala ku n'gathu uku bhezhuba kwe Jerikho. 20Ngono Joshuwa katola mabgwe ali gumi lina mabili akabe atogwa mu gwizi gwe Jorodani kaatshila kaamisa mu Giligala. 21Ngono Joshuwa wakadwa bathu be Iziraela eti, “Mangwana ha bana be bana benyu bebhuzwa botate babo kuti mabgwe iyawa anodwani, 22mu babudze muti, ‘Baiziraela bakatjuluka gwizi gwe Jorodani gwakawoma.’ 23Yahwe Ndzimu wenyu bakapkhwisa vula mu Jorodani kuswikila mose matjuluka koga Yahwe Ndzimu wenyu sekwa bakathama ku Gungwa Shaba, bakapkhwisa vula kuswikilila tose tatjuluka, 24kuti ndizo bathu bose bamu shango bazibe kuti Yahwe bana masimba ne kuti mugale mutja Yahwe Ndzimu wenyu misi yose.”
Currently Selected:
Joshuwa 4: KBTP
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Joshuwa 4
4
Bigwa kwe mabgwe e zwikumbuludzo
1Kwakati itjaba tjose tje Iziraela tjisinotjuluka gwizi gwe Jorodani, Yahwe bakadwa Joshuwa bakati, 2“Shalula balume bali gumi lina babili mu bathu ibaba, mmwe ne mmwe wabo ali milile ludzi gugwe, 3ngono ubadwe uti, ‘Mmwe ne mmwe wenyu ngaatole bgwe ling'ompela mu gwizi pabe pali mile bapirisiti, muasenge munoabiga kwamunonolala nasi.’ ”
4Ipapo Joshuwa kadana balume bali gumi lina babili kudwa mu bathu be Iziraela, baakabe ashalula mmwe ne mmwe edwa mu ludzi gugwe, 5ngono kabadwa kati, “Pindilani mbeli kwe Bhokisi le Tjidumano tja Yahwe Ndzimu wenyu, mungine pakati kwe gwizi gwe Jorodani, mmwe ne mmwe wenyu kuyenda nge mbalo ye njudzi dze bathu be Iziraela, mmwe ne mmwe aswike apike bgwe ling'ompela aliyise ku bukotokelo, 6mabgwe iyawa abe ikumbuludzo mu muli. Mangwana ha bana benyu be mubhuzwa beti, ‘Mabgwe iyawa anodwani?’ 7Mowobabudza kuti, kwakati Bhokisi le Tjidumano tja Yahwe litjuluka gwizi, vula ikama wunga, ndizo mabgwe iyawa anowobe ikumbuludzo tje tjakashingikala mu bathu be Iziraela nge kusingapele kose.”
8Ngono balume be Iziraela bakathama sekwakaleba Joshuwa, bakatola mabgwe ali gumi lina mabili pakati kwe Jorodani kuyenda nge mbalo ye njudzi dze bathu be Iziraela koga sekwakadwiwa Joshuwa ndi Yahwe. Bakatola mabgwe bakanoabiga kwabakabe bakakotokela. 9Joshuwa kabiga mabgwe mamwe ali gumi lina mabili pakati kwe gwizi pakabe pali mile bapirisiti bakabe bakasenga Bhokisi le Tjidumano. Mabgwe iyawo ayapo na nasi. 10Bapirisiti bakabe bakasenga Bhokisi le Tjidumano bakabe bali mile pakati kwe gwizi kuswikilila kwathamiwa tjimwe ne tjimwe tjakabe tjadwiwa Joshuwa ndi Yahwe kuti atjidwe bathu kuti batjithame kuyendidzana nakose kwakabe kwadwiwa Joshuwa ndi Mushe.
Bathu bakatjuluka gwizi belibilidza, 11ngono kwakati bathu bose basinobe batjuluka, Bhokisi le Tjidumano la Yahwe likatjuluka lakasengwa nge bapirisiti, itjaba tjakalingilila. 12Balume be ludzi gwa Rubheni ne gwa Gadi ne gwamu le ludzi gwa Manase, bose bakabe bakashakatila mathumo bakatungamila Baiziraela Mushe sekwa akabadwa. 13Kwakabe kuli balume bangabhata zwiwulu zwili makumi manna (40 000) bakazwilulwamisila ngwa bakapinda mbeli kwa Yahwe beyenda ku mabala e Jerikho. 14Mu zhuba ilelo Yahwe bakakudza Joshuwa mbeli kwe Baiziraela bose ngono Baiziraela bakazwiyisa pasi mbeli kwa Joshuwa butjilo gugwe gose koga sekwa bakabe bezwiyisa pasi mbeli kwa Mushe. 15Ngono Yahwe bakadwa Joshuwa bakati, 16“Idwa bapirisiti bakasenga bhokisi le butendeki kuti babhude mu gwizi gwe Jorodani.” 17Ndizo Joshuwa kadwa bapirisiti kati babhude mu gwizi. 18Kwakati koga bapirisiti bakasenga Bhokisi le Tjidumano tja Yahwe betshamba pasi pakawoma vula ikatangisa wunga koga se mukutanga.
19Bathu bakabhuda mu Jorodani mu zhuba le bugumi le mwedzi we kutanga ngono bakanokotokela ku Giligala ku n'gathu uku bhezhuba kwe Jerikho. 20Ngono Joshuwa katola mabgwe ali gumi lina mabili akabe atogwa mu gwizi gwe Jorodani kaatshila kaamisa mu Giligala. 21Ngono Joshuwa wakadwa bathu be Iziraela eti, “Mangwana ha bana be bana benyu bebhuzwa botate babo kuti mabgwe iyawa anodwani, 22mu babudze muti, ‘Baiziraela bakatjuluka gwizi gwe Jorodani gwakawoma.’ 23Yahwe Ndzimu wenyu bakapkhwisa vula mu Jorodani kuswikila mose matjuluka koga Yahwe Ndzimu wenyu sekwa bakathama ku Gungwa Shaba, bakapkhwisa vula kuswikilila tose tatjuluka, 24kuti ndizo bathu bose bamu shango bazibe kuti Yahwe bana masimba ne kuti mugale mutja Yahwe Ndzimu wenyu misi yose.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.