SALMOS 96
96
I ñuclel lac Yum
(1 Cr. 16.23-33)
1C'ʌyiben lac Yum tsiji' bʌ c'ay.
C'ʌyin lac Yum ti pejtelel pañimil.
2C'ʌyin lac Yum. Ch'ujutesanla i c'aba'.
Subula ti jujump'ejl q'uin woli' coltañonla.
3Subula i ñuclel lac Yum ti' lumalob pejtelel winicob x'ixicob.
Subula uts'at bʌ i melbal ti' tojlel pejtel tejclumob.
4Come ñucʌch lac Yum. La' wen sujbic i ñuclel.
Yom mi lac bʌc'ñan Dios ti pejtelel lac pusic'al. Jini jach yom bʌc'ñʌñtel ti' tojlel jini diosob.
5Come dioste' jach pejtelel i diosob winicob x'ixicob mach bʌ i cʌñʌyobic Dios.
Pero lac Yum tsi' mele jini panchan.
6Cabʌlʌch i c'uxbintel yic'ot i ñuclel jini año' bʌ ti' tojel i wut.
I t'ojol jax jini ch'ujul bʌ i yajñib ba' mi' pʌs i p'ʌtʌlel.
7Ch'ujutesan lac Yum winicob x'ixicob ti mojt ti mojt.
Subenla i ñuclel yic'ot i p'ʌtʌlel.
8Subenla i ñuclel i c'aba' lac Yum come che'ʌch yom.
Ch'ʌmbenla tilel i majtan. Ochenla ti' pam i yotot.
9Ch'ujutesan lac Yum ti' sʌclel la' pusic'al.
Yom tsiltsilñayetla ti' tojlel lac Yum ti pejtelel pañimil.
10Subeñob jini sajtemo' bʌ, woli ti yumʌntel lac Yum.
Wa'chocobilix jini pañimil, mach mejlic ti ñijcʌntel.
Dios mi caj i mel winicob x'ixicob ti toj.
11La' i yubin tijicña jini panchan yic'ot pañimil.
La' i cha'len c'am bʌ t'an jini colem ñajb yic'ot pejtel i bʌl.
12Yom tijicña jini pʌc'ʌbʌl yic'ot pejtel i bʌl.
Pejtel jini te'el mi' cajel ti c'ay yilal
13Come tal lac Yum i mel jini año' bʌ ti pañimil.
Toj mi caj i mel jini año' bʌ ti pañimil.
Mi caj i melob yic'ot i sujmlel.
Currently Selected:
SALMOS 96: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.