YouVersion Logo
Search Icon

SALMOS 88

88
I yoración jini am bʌ ti wocol
1C Yum Dios, xColtayajet c cha'an.
Ti q'uiñil yic'ot ti ac'ʌlel mic pejcañet ti wocol t'an.
2La' c'otic coración ba' añet. Ñich'tʌbeñon chuqui mic subeñet.
3Woli cubin cabʌl wocol. Mach jalix mi caj c chʌmel.
4Mi' q'ueloñob che' bajche' chʌmen bʌ,
Che' bajche' winic mach bʌ anix i p'ʌtʌlel.
5Cʌybilonix che' bajche' chʌmeño' bʌ,
Che' bajche' jini tsʌnsʌbilo' bʌ ti espada ya' bʌ ñololob ti mucoñibʌl
Ba' ñajiyemobix ti a pusic'al. Ma'anix ma' chʌn coltañob.
6Chocbilonix ti tam bʌ ch'en, ti ic'chipan bʌ pañimil ti colem aban yubil.
7Wocol jax mi cubin cha'an tsa' mich'leyon.
Wola' teñon yilal ti yebal jini wʌlʌcña bʌ ja' a cha'an.
8Tsa' tʌts'ʌ j cʌñʌyo' bʌ. Mach yomobix i chʌn pejcañon.
Mach mejlicon ti puts'el come joy ñupulon.
9Wolix ti yajpel c wut cha'an i ch'ijiyemlel c pusic'al.
C Yum, mic pejcañet ti wocol t'an ti jujump'ejl q'uin,
Mic letsan j c'ʌb ba' añet ti oración.
10¿Mu' to ba a pʌsbeñob i yejtal a p'ʌtʌlel jini chʌmeño' bʌ?
¿Mu' ba mejlel i cha' ch'ojyelob jini chʌmeño' bʌ cha'an mi' subob a ñuclel?
11¿Mu' ba i subob a wutslel ti mucoñibʌl?
¿Mu' ba i subob i sujmlel a t'an ya' ti' yajñib chʌmeño' bʌ?
12¿Mu' ba i cʌñob p'ʌtʌl bʌ a melbal ya' ti ic'yoch'an bʌ pañimil?
¿Mu' ba i cʌñob toj bʌ a pusic'al jini chumulo' bʌ ba' ma'anix chuqui mi' chʌn ña'tañob?
13C Yum, mic pejcañet ti wocol t'an.
Ti jujump'ejl sʌc'ajel mi' c'otel coración ya' ba' añet.
14C Yum, ¿chucoch wola' ñusañon?
¿Chucoch wola' mʌybeñon a wut?
15Bʌbʌq'uen mic chʌmel. Ts'a'lebilon
C'ʌlʌl che' ch'itoñon to. Wolic chʌn p'ulben jini wocol mu' bʌ a pʌsbeñon. Ma'anic c pusic'al yubil.
16Tsa'ix i tajayon a mich'ajel.
Woli' jisañon jini bʌbʌq'uen tac bʌ mu' bʌ a choc tilel.
17C'ʌlʌl mi' sʌc'an c'ʌlʌl mi' yic'an mi' joy teñon che' bajche' ja'.
18Tsa'ix a tʌts'ʌ ba' añon c pi'ʌl yic'ot j cʌñʌyo' bʌ.
Añon tic bajñelil ti tam bʌ ac'ʌlel.

Currently Selected:

SALMOS 88: ctuBI

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy