SALMOS 81
81
I yutslel i pusic'al Dios
1C'ʌyinla jini p'ʌtʌl bʌ Dios lac cha'an.
Cha'lenla c'am bʌ t'an ti' tojlel i Dios Jacob cha'an tijicña la' pusic'al.
2Wen cha'lenla c'ay. Ñijcanla jini arpa yic'ot salterio.
3Wusula trompeta che' mi' pasel uw
Yic'ot che' pomolix, che' mi lac mel q'uin.
4Come che'ʌch mi lac mel ti Israel.
Che'ʌch tsi' yʌc'ʌ mandar i Dios Jacob.
5Jiñʌch tsa' bʌ i yʌlʌ Dios
Che' bʌ tsa' caji' pʌs i p'ʌtʌlel ti' contra i lumal Egipto.
Tsa' cubibe i t'an jini mach bʌ j cʌñʌyic.
6Dios tsi' yʌlʌ: Tsac chucbe jubel i cuch ti' pat,
Tsac chucbe jubel jini al bʌ chiquib jich'iye'el bʌ i cha'an.
7Jatet tsa' pejcayon che' woliyet ti wocol, tsa cʌc'ʌyet ti libre.
Tsac jac'beyet ya' ti tocal ba' woli ti t'an chajc.
Tsa quilʌbeyet a pusic'al ya' ti ja' i c'aba' Meriba.
8Ubinla winicob x'ixicob c cha'an.
Mi caj c subeñet, Israel, mi a wom a ch'ujbibeñon c t'an:
9Mach yomic dioste' ti a tojlel.
Ma'anic mi caj a ch'ujutesan dioste'.
10Joñon a Yumon, a Dioson,
Tsa' bʌ c pʌyʌyet loq'uel ti' lumal Egipto.
Yom ma' wen c'ajtibeñon chuqui tac a wom. Mi caj cʌq'ueñet, cho'on.
11Pero c winicob x'ixicob ma'anic tsi' ch'ujbibeyon c t'an.
Ts'a' tsi' q'ueleyoñob.
12Jini cha'an tsaj cʌyʌyob cha'an i tsʌtslel i pusic'alob,
Cha'an mi' melob che' bajche' i bajñel yomob.
13Uts'atax tsa'ic i ch'ujbibeyon c t'an jini c cha'año' bʌ,
Tsa'ic i cha'leyob xʌmbal israelob tic bijlel.
14Che'ic jini tsac t'uchtbeyob i contrajob.
Tsaj contraji jini woli bʌ i tic'lañob.
15Che'ic jini tsa'ix i yotsayob i bʌ tic wenta jini woli bʌ i ts'a'leñoñob,
Che' xuc'ul tsa' chʌn ajniyob israelob ti pejtelel ora.
16Tsa'ic i jac'beyoñob, tsac wen we'sayob ti trigo, jini wen fino bʌ.
Tsa cʌq'ueyob chab loq'uem bʌ ti xajlel cha'an mi' wen jastiyelob, che'en Dios.
Currently Selected:
SALMOS 81: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.