SALMOS 8
8
I ñuclel Dios yic'ot i ñuclel winicob
1C Yum lojon Dios, uts'atax a c'aba' ti pejtelel pañimil.
Tsa'ix a pʌsʌ a ñuclel ti panchan.
2Ma' c'ʌmben i t'an alʌlob cha'an ma' tsictesan a ñuclel,
Cha'an mi' ñʌjch'elob a contrajob yic'ot jini yomo' bʌ i q'uextan jontolil.
3Che' mij q'uel a panchan, i melbal i yal a c'ʌb,
Yic'ot jini uw yic'ot ec' tsa' bʌ a mele,
4Ma'anic mic ch'ʌmben isujm chucoch ma' p'untan winicob, come ma'anic i ñuclel.
5Cabʌl jax a ñuclel.
Ñucobʌch winicob cha'an a melbalob.
Pero mach ñucobic winicob bajche' jatet.
Tsa' wʌq'ueyob i c'uxbintel winicob.
6Tsa' wʌq'ueyob i yumʌntel ti' tojlel pejtel a melbal.
Tsa'ix a wʌc'ʌ ti' wenta pejtel chuqui tac an:
7Pejtel tiñʌme' yic'ot tat wacax yic'ot bʌte'el,
8Yic'ot mut, yic'ot chʌy, yic'ot pejtelel chuqui tac mi' cha'len xʌmbal ti colem ñajb.
9C Yum lojon Dios, ¡uts'atax a c'aba' ti pejtelel pañimil!
Currently Selected:
SALMOS 8: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.