YouVersion Logo
Search Icon

SALMOS 76

76
Dios jini bʌc'ñʌbil bʌ
1Dios tsi' yʌc'ʌ i bʌ ti cʌjñel ti Judá yic'ot ti Israel.
2Ya' chumul Dios ti Jerusalén,
Ya'an i chumlib ti Sion.
3Ya'i tsi' colta israelob.
Tsi' laj jembeyob i ye'tijib i contrajob mu' bʌ i c'ʌñob ti guerra.
4Ñumen ñuquet bajche' jini wits tac am bʌ ti pejtelel ora.
5Tsa' chilbentiyob i chubʌ'an jini ch'ejlo' bʌ i pusic'al.
Tsa' jiliyob jini p'ʌtʌlo' bʌ winicob. Ma'anix tsa' chʌn mejliyob.
6Che' bʌ tsa' tiq'uiyob, c Dios, i Dioset bʌ Jacob,
Tsa' yajliyob jini c'ʌchʌlo' bʌ yic'ot i c'ʌchlib.
7Bʌc'ñʌbilet.
¿Majqui mi mejlel ti c'otel ti a t'ejl che' mich'et?
8Ya' ti panchan tsa' wʌc'ʌ a t'an ti meloñel.
Jini año' bʌ ti pañimil tsa' cajiyob ti bʌq'uen. Ñʌch'ʌl tsa' cʌleyob
9Che' bʌ tsa' caji a cha'len meloñel
Cha'an ma' coltan pejtelel jini tic'lʌbilo' bʌ ti pañimil.
10I mich'ajel winicob mi caj i tsictesʌben i ñuclel Dios.
Che' ñumen ti p'is i mich'ajel mi caj a tic'ob.
11Suben lac Yum Dios chuqui mi caj la' mel.
Melela che' bajche' tsa' la' sube.
La' i ch'ʌmbeñob tilel i majtan Dios ti pejtelel lum, come lac Yum jiñʌch yom bʌ mi lac bʌc'ñan.
12Mux i jultesʌbeñob i pusic'al yumʌlob.
Bʌbʌq'uen jax lac Yum ti' tojlel jini reyob ti pañimil.

Currently Selected:

SALMOS 76: ctuBI

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy