SALMOS 75
75
Dios mi' contrajin jini xjontolil; mi' coltan jini toj bʌ
1Dios, wolic subeñet lojon wocolix a wʌlʌ.
Jini ñuc bʌ a melbalob mi' yʌq'ueñon lojon c ña'tan wola' cʌntañon lojon.
2Isujm, che'en Dios. Che' i yorajlelix mic tech meloñel
Joñon mi caj c mel winicob x'ixicob ti toj.
3Anquese woli ti ñijcʌyel pañimil, anquese woliyob ti bʌq'uen jini xchumtʌlob ti pañimil,
Xuc'ul tsac wa'choco pañimil, che'en.
4Tsac sube jini mu' bʌ i chañ'esañob i bʌ cha'an mach mi' chañ'esañob i bʌ.
Tsac sube jini jontolo' bʌ cha'an mach mi' subob i bʌ ti ñuc.
5Mach la' chañ'esan la' bʌ.
Mach la' ñusʌben i t'an año' bʌ i ye'tel.
6Ma'anic mi' tilel lac ñuclel ba' mi' pasel q'uin,
Mi ba' mi' bʌjlel q'uin mi ti jochol bʌ lum.
7Awilan Dios jiñʌch Xmeloñel.
Mi' peq'uesan juntiquil, mi' yʌq'uen i ñuclel yambʌ.
8Come an vaso ti' c'ʌb lac Yum, i yejtalʌch i mich'ajel.
Woli' paj'an jini vino am bʌ ti vaso, wen xʌbil bʌ.
Mi' jeb ti' tojlel jontolo' bʌ ti pañimil.
Mi caj i japob yic'ot i xixil pejtelel jontolo' bʌ. I yejtalʌch i mich'ajel Dios.
9Pero joñon mi caj j c'ʌyiben i ñuclel i Dios Jacob ti pejtelel ora.
10Mi caj c jisʌben i p'ʌtʌlel jini jontolo' bʌ.
Mi caj c p'ojlesʌbeñob i p'ʌtʌlel jini tojo' bʌ.
Currently Selected:
SALMOS 75: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.