YouVersion Logo
Search Icon

SALMOS 65

65
Dios mi' pʌsbeñonla i yutslel ti pañimil
1Dios, uts'at mi' caj ti sujbel a ñuclel ya' ti Sion.
Ts'ʌcʌl mi caj i melob winicob chuqui tac tsi' subeyetob.
2Mi caj i tilelob ba' añet pejtel winicob x'ixicob,
Come jatet ma' ñich'tʌbeñob i yoración.
3Mach mejlix j cuch c mul,
Pero jatet ma' ñusʌbeñon lojon.
4Tijicña mu' bʌ a yajcan.
Ma' pʌy cha'an mi' chumtʌl ti awotot.
Cabʌlix lojon c wenlel ya' ba' mic ch'ujutesañet lojon ti ch'ujul bʌ a Templo.
5Mi caj a pʌs i yejtal tac a p'ʌtʌlel tic tojlel lojon.
Jatet c Dios, ma' coltañon lojon.
Woli' pijtañetob jini chumulo' bʌ ti ñajt tac bʌ i lumal yic'ot ti ñajt tac bʌ ñajb.
6Jatet tsa' wa'choco tac jini wits ti a p'ʌtʌlel.
Cabʌlʌch a p'ʌtʌlel baqui jach ma' tsictesan a bʌ.
7Ma' ñʌch'tesan colem ñajb ju'ucña bʌ woli ti t'an, yic'ot ju'ucña bʌ winicob x'ixicob.
8Jini chumulo' bʌ ti ñajt bʌ pañimil mi' bʌc'ñañetob che' mi' q'uelob i yejtal a p'ʌtʌlel.
Jatet wola' wʌq'ueñob i tijicñʌyel ba' mi' pasel q'uin c'ʌlʌl ba' mi' bʌjlel q'uin.
9Ma' ña'tan chuqui yom ti pañimil. Ma' choc tilel ja'al.
Jini cha'an wen anix i bʌl cha'an ma' wʌch'esan.
Ma'anic mi' tiquin jini colem ja' a cha'an.
Ma' wʌq'ueñon lojon pac', come che'ʌch a wom.
10Ma' mul jini japal tac bʌ lum.
Pamacña ma' mel jini p'uchul tac bʌ lum.
Mi' c'un'an ti musmusña bʌ ja'al.
Ma' wʌq'uen i yutslel a t'an jini woli tac bʌ ti colel.
11Ma' wen ac' i cuch cholel.
Baqui jach ma' ñumel mi' p'ojlel pʌc'ʌbʌl.
12Jini potrero tac am bʌ ti jamil wen ch'oquiyem jax.
Tijicña yilal jini bujtʌl tac.
13Bujt'em jini jamil ti tiñʌme'.
Bujt'em tac jini joctʌl ti' wut jam.
Tijicña mi' yubiñob winicob x'ixicob. Mi cha'leñob c'ay.

Currently Selected:

SALMOS 65: ctuBI

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy