SALMOS 60
CTUBI
60
Oración cha'an mi' mʌjlel i cha'an
1Dios, chocbilonix lojon a cha'an. Pam pujquemonix lojon.
Tsa'ix a mich'leyon lojon,
Tsa'ix a cʌyʌyon lojon.
2Tsa' choco tilel yujquel. Tsa' tsijli jini lum.
Cha' melex ti pamal tac jini ch'en, come mach chʌn xuc'ulix pañimil.
3Tsa' wʌc'ʌyob ti wocol jini winicob x'ixicob a cha'an.
Tsʌts tsa' tic'layon lojon.
4Tsa' wʌq'ueyob bandera jini mu' bʌ i bʌc'ñañet,
Cha'an mi' tempañob i bʌ i tsictesan i sujmlel a t'an.
5Coltañon lojon ti ñuc bʌ a p'ʌtʌlel. Jac'beñon lojon
Cha'an mi' coltʌntelob jini c'uxbibilo' bʌ a cha'an.
6Dios, tsa' wʌc'ʌ a t'an ti Ch'ujul bʌ Ajñibʌl:
Mi' caj i mʌjlel c cha'an. Mi caj c t'oxe' Siquem.
Mi caj c p'is jini joctʌl ya' ti Sucot.
7Galaad yic'ot Manasés c cha'añobʌch.
Efraín i wentajʌch ts'ajquibil bʌ cotot.
Mi' loq'uel tilel c rey ti Judá.
8Moab jiñʌch to'o x'e'tel c cha'an mu' bʌ i pocbeñon coc.
Edom jiñʌch to'o x'e'tel mu' bʌ i cʌntʌbeñon c xʌñʌb.
Mij cajel ti oñel ya' ti Filistea cha'an tsa' mʌjli c cha'an, che'en Dios.
9¿Majqui mi caj i pʌyon ochel ti Edom ti jini ts'ajquibil bʌ tejclum?
10Dios, ¿mach ba chocbilonic lojon a cha'an?
Dios, ma'anix ma' pi'leñob majlel ti guerra jini soldadojob c cha'an lojon.
11Aq'ueñon lojon c p'ʌtʌlel cha'an mic mʌlben lojon j contrajob,
Come lolom jach i coltaya winic.
12Cha'an jach jatet mux i mʌjlel c cha'an lojon,
Come jatet Dios mi caj a t'uchtan j contrajob lojon.

© Wycliffe Bible Translators, Inc. All rights reserved.

Learn More About I T’an Dios