SALMOS 6
6
Mi' c'ajtin i p'untʌntel che' ti' yorajlel wocol
1C Yum, mach yomic cʌlʌx jax ma' mich'leñon che' ma' ju'sʌbeñon c pusic'al.
2C Yum, pʌsbeñon i yutslel a pusic'al, come wen c'uñon jax.
Lajmesañon, come wen tsiltsilña c pusic'al cha'an j c'amʌjel.
3An i ch'ijiyemlel c pusic'al.
Awocolic, c Yum, ¿jala to mi caj a coltañon?
4C Yum, yom ma' tilel ba' añon. Ac'ʌyon ti colel. Coltañon come uts a pusic'al.
5Mi tsa' chʌmiyon mach mejlix c sub a ñuclel.
¿Am ba juntiquil ti mucoñibʌl mu' bʌ mejlel i sub a ñuclel?
6Tsa' lujb'ayon ti ajacniyel.
Ti jujump'ejl ac'ʌlel mi' yʌch'an c wʌyib ti' ya'lel c wut, cha'an woliyon ti uq'uel.
7Woli' yajpel c wut cha'an i ch'ijiyemlel c pusic'al.
Wolic sʌcʌ c'uñ'an cha'an cabʌlob j contrajob.
8Cʌyʌyonix pejteletla mu' bʌ la' cha'len jontolil,
Come lac Yum tsi' yubiyon che' bʌ tsac cha'le uq'uel.
9Lac Yum tsa'ix i yubi chuqui tsaj c'ajtibe.
Lac Yum mi caj i ñich'tʌbeñon coración.
10Pejtel mu' bʌ i contrajiñon mi caj i yubiñob quisin.
Mi caj i melob i pusic'al.
Mi' caj i bʌc' sujtelob ti quisin.
Currently Selected:
SALMOS 6: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.