SALMOS 57
57
Mi' c'ajtin i coltʌntel cha'an woli' tic'lʌntel
1Dios, p'untañon, come ya' ba' añet mic taj c puts'ib.
Yom ma' luts'on ya' ti' yebal a wich' yilal che' bajche' mi' luts' i yal i ña'al mut
Jinto mi' ñumel jini bʌbʌq'uen bʌ.
2Mi caj c pejcañet, Dios, C'ax Ñuquet Bʌ.
Jatet jach ma' ts'ʌctesʌbeñon chuqui tac yom.
3Ya' ti panchan mi caj a chocbeñon tilel a wutslel yic'ot a sujmlel.
Mi caj a coltañon Dios, ti' tojlel jini mu' bʌ i jop' t'an tij contra.
4Joyolon ti cabʌl bajlum yilal.
Añon ti ojlil ba mich'ob winicob.
Lajalob bajche' bajlum am bʌ jay bʌ i bʌquel i yej.
Mi' c'ʌñob i yac' che' bajche' jay bʌ espada.
5Dios, la' c'uxbintiquet ti' chañelal panchan.
La' tsictiyic a ñuclel ti' pam pejtelel pañimil.
6Tsa'ix i lon ña'tayob i jop'beñon c mul.
Tsi' bʌc'tesayoñob.
Tsi' top'oyob ch'en cha'an mi' chucoñob.
Ya' jach tsa' cha' yajliyob ba' tsi' top'oyob.
7C Dios, wen xuc'ul c pusic'al.
Mi caj j c'ʌyibeñet a ñuclel.
8La' ch'ojyicon, la' c ñijcan jini amʌy yic'ot arpa.
La' ch'ojyicon che' ti wen sʌc'ajel.
9C Yum, mi caj c subeñet wocolix a wʌlʌ wʌ' ti' tojlel winicob x'ixicob.
Mi caj j c'ʌyiñet ti' tojlel gentilob.
10Come mi' tsictiyel jini ñuc bʌ a c'uxbiya c'ʌlʌl ti panchan.
C'ʌlʌl ba'an tocal ya'an i xuc'tilel a pusic'al.
11Dios, la' tsictiyic a ñuclel c'ʌlʌl ti panchan.
La' tsictiyic a ñuclel ti pejtelel pañimil.
Currently Selected:
SALMOS 57: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.