YouVersion Logo
Search Icon

SALMOS 56

56
Xuc'ul i pusic'al ti Dios
1Dios, p'untañon, come yomob i jisañon winicob.
2C'ʌlʌl mi' sʌc'an c'ʌlʌl mi' yic'an jini j contrajob woli' tic'lañoñob ti leto. Woli' chijtañoñob.
Ch'ejlob jax i pusic'al, cabʌl woli' contrajiñon.
3Ba' ora mij cajel ti bʌq'uen,
Mux c xuc'chocon c pusic'al quic'otet.
4Dios, uts'atax a t'an.
Anix ora wolic ñopet.
Ma'anic mic bʌc'ñan winicob.
5C'ʌlʌl mi' sʌc'an c'ʌlʌl mi' yic'an mi' socob c t'an.
Jontol jax chuqui mi' ña'tañob tij contra.
6Mi' tempañob i bʌ cha'an mi' chijtañon baqui jach mic cha'len xʌmbal.
Woli' ña'tañob bajche' mi caj i tsʌnsañon.
7Mach yomic mi' loq'uelob ti chejachi jini año' bʌ i mul.
Dios, chocoyob jubel ti a mich'ajel.
8Wola' q'uelon baqui mic ñumel majlel.
Tempan i ya'lel c wut ti limetej.
¿Mach ba otsʌbilic ti a wenta i ya'lel c wut?
9J contrajob mi caj i t'uchtʌntelob che' mic pejcañet.
Cujil, Dios, wola' cʌntañon.
10Dios, mi caj c sub i ñuclel a t'an.
11Tsa'ix c ñopoyet, mach chʌn mejlonix ti bʌq'uen.
¿Chuqui mi mejlel i tumbeñon winicob?
12C Dios, wersa mi caj c mel che' bajche' tsac subeyet.
Mi caj c subeñet wocolix a wʌlʌ.
13Come tsa'ix a chucuyon loq'uel ba' colel c chʌmel.
Machic tsa' cʌnta coc tsa' yajliyon.
Tsa' coltayon cha'an mic chumtʌl awic'ot ti' sʌclel pañimil yic'ot jini cuxulo' bʌ.

Currently Selected:

SALMOS 56: ctuBI

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy