SALMOS 54
54
An i wocol cha'an cabʌl i contrajob
1Dios, coltañon cha'an mi' tsictiyel i ñuclel a c'aba'.
Ti a p'ʌtʌlel tsictesañon cha'an tojon.
2Dios, ubibeñon coración.
Ñich'tan chuqui wolic subeñet.
3Come tsa' tejchiyob i contrajiñon jini jontol bʌ winicob yomo' bʌ i tsʌnsañon.
Mach yomobic i ña'tañet, Dios.
4Awilan, xColtayajetʌch c cha'an.
C Yum, jatet ma' cʌntañon.
5Mi caj a q'uextʌbeñob i jontolil j contrajob.
Jisañob come isujm a t'an.
6Ti pejtelel c pusic'al mi caj cʌq'ueñet tsʌnsʌbil bʌ a majtan.
Mi caj c sub i ñuclel a c'aba' c Yum, come uts'atax.
7Come tsa'ix a loc'sayon ti pejtelel c wocol,
Tsa'ix mʌjli c cha'an ti' tojlel j contrajob.
Currently Selected:
SALMOS 54: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.