SALMOS 36
36
I yutslel i pusic'al Dios
1Tsʌytsʌyña i pusic'al jini jontol bʌ.
Ma'anic mi' bʌc'ñan Dios.
2Come mi' bajñel chañ'esan i bʌ.
Mi' lon ña'tan mach cʌmbilic i mul, ma'anic mi' caj ti ts'a'lentel.
3Jontol i t'an, lot jach mi' cha'len.
Tsa'ix i cʌyʌ wen bʌ i ña'tʌbal. Tsi' cʌyʌ i mel chuqui uts'at.
4Che' ñolol ti' wʌyib mi' ña'tan i mel jontolil.
Mach uts'atic ba' woli' majlel.
Ma'anic mi' ts'a'len jontolil.
5C Yum, mi' c'ʌlʌl c'otel a wutslel ti panchan.
Mi' c'ʌlʌl c'otel i xuc'tilel a pusic'al ti tocal.
6C'ax ñuc a tojel bajche' jini wits tsa' bʌ a mele.
Lajal a meloñel bajche' tam bʌ ñajb mach bʌ cʌmbilic ti pejtelel.
C Yum, wola' cʌntan winicob x'ixicob yic'ot pejtelel bʌte'el ja'el.
7C Dios, ¡uts'atax a wutslel!
Mi' tilelob winicob x'ixicob ba' añet cha'an mi' tajob i coltʌntel ti' yebal a wich'.
8Wen tijicñayob come sumuc jax chuqui tac an ti a wotot.
Ma' wʌq'ueñob i jap ja' ya' ti' loq'uib ti a tojlel.
Tijicñayob i pusic'al.
9Ya'an cuxul bʌ ja' a wic'ot, i yejtalʌch j cuxtilel lojon.
Mij q'uel lojon chuqui tac isujm che' ma' pʌsbeñon lojon i sʌclel a wut.
10Chʌn pʌsbeñob a wutslel jini mu' bʌ i cʌñetob.
Pʌsbeñob toj bʌ a melbal jini tojo' bʌ.
11Coltañon ame mi' tajon jini mu' bʌ i chañ'esan i bʌ,
Ame mi' ñijcañon loq'uel ti cajñib jini jontol bʌ.
12Ya' tsa' yajliyob jini mu' bʌ i cha'leñob jontolil.
Chocbilobix, mach mejlix ti chʌn ch'ojyelob.
Currently Selected:
SALMOS 36: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.