SALMOS 33
33
Lac Yum tsi' mele pañimil yic'ot panchan
1Jatetla tojet bʌ la, yom tijicñayetla ti lac Yum.
Come i t'ojol jax jini tojo' bʌ che' mi' subob i ñuclel Dios.
2Subula i ñuclel lac Yum ti arpa.
C'ʌyinla lac Yum yic'ot música am bʌ lujunt'ujm i ch'ajñal.
3C'ʌyinla lac Yum ti tsiji' bʌ c'ay.
Wen ñijcanla música. Yom tijicña mi' cha'len t'an. 4Come tojʌch i t'an lac Yum, xuc'ulʌch pejtel i melbal.
5Mi' c'uxbin toj bʌ lac melbal yic'ot toj bʌ meloñel.
Wen p'ojlemix i yutslel lac Yum ti pañimil.
6Tsa' mejli jini panchan cha'an ti' t'an lac Yum,
Tsa' mejli pejtel ec' tac cha'an i yiq'uilel i yej.
7Tsi' tempa jini ja' am bʌ ti ñajb,
Tsi' tajbe i yajñib jini tam tac bʌ ja'.
8La' i bʌc'ñañob lac Yum pejtel chumulo' bʌ ti pañimil.
9Che' bʌ tsi' cha'le t'an, tsa' mejli chuqui tsi' yʌlʌ.
Tsi' cha'le mandar, xuc'ulʌch tsa' cʌle.
10Lolom jach mi' temob i t'an jini gentilob, come lac Yum mi' contrajiñob.
Lac Yum mi' yʌc' ti jilel chuqui mi' lon ña'tañob i mel winicob x'ixicob.
11Chʌn xuc'ul i t'an lac Yum ti pejtelel ora.
Chuqui tac mi' ña'tan lac Yum ti' pusic'al mi' ts'ʌctesʌbeñonla yic'ot lac p'olbal ti pejtelel ora.
12Tijicñayob mu' bʌ i yumañob Dios,
Tijicñayob jini yajcʌbilo' bʌ mu' bʌ i yochelob ti' cha'an Dios.
13Lac Yum am bʌ ti panchan mi' q'uel pejtel pañimil.
Mi' q'uel pejtel winicob x'ixicob.
14Ya' ti' chumlib mi' q'uel pejtel chumulo' bʌ ti pañimil.
15Dios tsi' yʌq'ueyob i pusic'al.
Mi' tsajin pejtel i melbal winicob.
16Mach cha'anic cabʌl soldadojob mi' coltʌntel rey.
Mach cha'anic i bajñel p'ʌtʌlel mi' coltʌntel soldado.
17Lolom jach caballo, mach mejlic i coltañonla.
Mach ti' p'ʌtʌlelic caballo mi laj colel.
18Awilan, lac Yum woli' cʌntan jini woli bʌ i bʌc'ñañob,
Woli bʌ i pijtañob i coltʌntel ti lac Yum.
19Lac Yum mi caj i coltañob ti' yutslel. Ma'anic mi caj i yʌc'ob ti chʌmel.
Mi caj i cʌntañob ti' yorajlel wi'ñal.
20Ti pejtelel lac pusic'al woli lac pijtan lac Yum.
Jiñʌch la caj cʌntaya, jiñʌch lac mʌctʌjib.
21Mi caj la cubin tijicña ti lac pusic'al,
Come ñopol lac cha'an ch'ujul bʌ i c'aba'.
22C Yum, pʌsbeñon lojon i yutslel a pusic'al.
Come wolic pijtañet lojon.
Currently Selected:
SALMOS 33: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.