SALMOS 32
32
I wenlel jini ñusʌbilo' bʌ i mul
1Tijicña jini ñusʌbilix bʌ i mul ti lac Yum,
Mach bʌ wolix i chʌn na'tʌbentel.
2Tijicña jini winic mach bʌ anix mi' tajtʌl i jontolil cha'an ñusʌbil ti Dios.
Mach yujilic lot ili winic.
3Che' ma'anic tsac subu c mul, tsa' caji ti jilel c bʌquel.
Tsac cha'le ajacñʌyel ti pejtelel q'uin.
4Come tsa' teñeyon ti a c'ʌb ti ac'ʌlel yic'ot ti q'uinil.
Tsa' tiquesa yilal c bʌc'tal che' bajche' ti' yorajlel jajmel.
5Tsac subeyet c mul, ma'anic tsac mucu c mul.
Tsa cʌlʌ: Mi caj c subeñet c jontolil c Yum, cho'on.
Jatet tsa' ñusʌbeyon c mul yic'ot c jontolil.
6Jini cha'an la' i pejcañet ti oración pejtel a cha'año' bʌ che' ti' yorajlel wocol.
Che' mi' bujt'el colem ja' mach pajmic ba' añob.
7C puts'ibet,
Mi caj a cʌntañon che' mi' tajon wocol.
Mi caj c cha'len c'ay cha'an wola' joy coltañon.
8Woli' yʌl lac Yum: Mi caj j cʌntesañet.
Mi caj c pʌsbeñet jini bij baqui yom ma' majlel.
Mi caj c toj'esañet majlel tic wut.
9Mach yomic lajalet bajche' caballo mi mula mach bʌ anic i ña'tʌbal.
Mi' toj'esʌntel majlel ti freno.
Machiqui, mach majlic ya' baqui awom, che'en.
10Cabʌl mi' yubiñob wocol jini jontolo' bʌ.
Jini mu' bʌ i ñop lac Yum joyolʌch ti' yutslel.
11La' ñuc'ac la' pusic'al ti lac Yum tojet bʌ la. Yom tijicñayetla.
Cha'lenla c'am bʌ t'an cha'an la' tijicñʌyel pejtelel toj bʌ la' pusic'al.
Currently Selected:
SALMOS 32: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.