SALMOS 27
27
Lac Yum jiñʌch c sʌclel, jiñʌch caj Coltaya
1Caj Coltaya c Yum. Mi' yʌc'on ti ajñel ti' sʌclel.
¿Yom ba mic bʌc'ñan winic?
C Yum mi' coltañon che' an j contrajintel.
¿Majqui mi caj c bʌc'ñan che' jini?
2Che' bʌ tsa' tiliyob j contrajob cha'an mi' jisʌbeñon c bʌc'tal,
Tsi' p'ojquiyob i yoc jini ts'a' bʌ tsi' q'ueleyoñob. Tsa' yajliyob.
3Anquese cabʌlob j contrajob mu' bʌ i tempañob i bʌ,
Ma'anic mic cha'len bʌq'uen.
Anquese mi' tejchel guerra tic tojlel,
Chʌn xuc'ul c pusic'al ti lac Yum.
4Jini jach tsaj c'ajtibe c Yum:
Com chumtʌl ti' yotot c Yum ti pejtelel q'uin che' cuxulon to,
Cha'an mij q'uelben i yuts'atlel c Yum,
Cha'an mic ña'tan ya' ti' Templo. Jiñʌch mu' bʌ c sajcan.
5Come ti' yorajlel wocol mucul mi caj i cʌntañon ya' ti' yotot.
Mi caj i mucon ti xuc'ul bʌ otot ba' ma'anic mi' tajon j contra.
Xuc'ul mi caj i yʌc'on ti pam xajlel yilal
6Ba' mach mejlic i c'otelob j contrajob.
Mi caj cʌq'uen tsʌnsʌbil bʌ i majtan c Yum ti' tijicñʌyel c pusic'al ti pisil bʌ i yotot.
Mi caj j c'ʌyiben i ñuclel c Yum.
7Jiñʌch coración: C Yum, ubibeñon che' c'am mic pejcañet.
Pʌsbeñon i yutslel a pusic'al, jac'beñon.
8Tsa' subeyon: Sajcañon cha'an ma' q'uelbeñon c wut, che'et.
Tsac jac'ʌ: Wolic letsan c wut cha'an mij q'uelet, c Yum, cho'on.
9Mach a mʌybeñon a wut. Mach a chocon che' mich'et, come a winicon.
Tsa'ix a coltayon ti yambʌ ora.
Mach a chocon, mach a cʌyon, Dios, caj Coltayajet.
10Anquese cʌybilon tic tat tic ña',
Mi caj a wotsañon ti a walobil.
11C Yum, cʌntesañon ti a bijlel.
Pʌyʌyon majlel ti jini toj bʌ bij,
Come mi' chijtañoñob j contrajob.
12Mach a wʌc'on ti' wenta jini mu' bʌ i tem ña'tañob i contrajiñon.
Tsa' tejchiyob tij contra jini xjop't'añob.
Ch'ejlob jax mi' melob i bʌ ti jontolil.
13Cujil belel ora mi caj cubin i yutslel c Yum ila ti pañimil che' cuxulon to.
14Pijtan lac Yum, yom ch'ejlet.
La' xuc'lec a pusic'al.
Yom cu ma' pijtan lac Yum.
Currently Selected:
SALMOS 27: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.