SALMOS 24
24
Jini Rey mach bʌ anic i p'isol i ñuclel
1Jini pañimil i cha'añʌch lac Yum yic'ot pejtel i bʌl, yic'ot pejtel jini chumulo' bʌ ti pañimil.
2Come lac Yum tsi' yʌc'ʌ lum ti' t'ejl tac colem ñajb.
Tsi' yʌc'ʌ ti' t'ejl tac jini colem ja'.
3¿Majqui mi' mejlel ti letsel ti jini bujtʌl ba' chumul lac Yum?
¿Majqui mi' mejlel ti wa'tʌl ya' ti ch'ujul bʌ i yajñib?
4Jiñʌch sʌc bʌ i melbal yic'ot sʌc bʌ i pusic'al,
Jini mach bʌ anic mi' cha'len lot,
Jini mach bʌ anic mi' q'uextan i t'an.
5Mi caj i yʌq'uentel i yutslel i t'an lac Yum.
Mi caj i yʌq'uentel i tojel ch'oyol bʌ ti Dios mu' bʌ i coltan.
6Che'ʌch añob mu' bʌ i sajcañob lac Yum,
Jini mu' bʌ i ch'ujutesañob.
7La' jajmic jini oñiyix bʌ i puertajlel tac Sion.
Mi' caj ti ochel jini Rey am bʌ i ñuclel.
8¿Majqui jini Rey am bʌ i ñuclel?
Jiñʌch lac Yum jini ch'ejl bʌ, jini p'ʌtʌl bʌ.
Jiñʌch lac Yum, p'ʌtʌl bʌ ti guerra.
9La' jajmic jini oñiyix bʌ i ti' tac.
Mux i yochel jini ñuc bʌ Rey.
10¿Majqui jini Rey am bʌ i ñuclel?
Jiñʌch am bʌ i yumʌntel ti panchan yic'ot ti pañimil.
Jiñʌch ñuc bʌ Rey.
Currently Selected:
SALMOS 24: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.