SALMOS 21
21
Tijicña cha'an tsa' loq'ui ti' p'ʌtʌlel i contra
1C Yum, tijicña mi caj i yubin jini rey cha'an a p'ʌtʌlel.
Wen tijicña i pusic'al cha'an tsa' colta.
2Tsa'ix a wʌq'ue chuqui yom i pusic'al,
Ma'anic tsa' ñusʌbe chuqui tsi' c'ajtibeyet.
3Tsa'ix a wʌq'ue i wenlel jini rey.
Tsa' c'ʌcbe ti' jol jump'ejl corona melbil bʌ ti oro.
4Jini rey tsi' c'ajtibeyet i cuxtilel
Cha'an mi' yajñel ti pejtelel ora.
5Cha'an ti a coltaya cabʌlʌch i ñuclel.
Wola' wʌq'uen i c'uxbintel yic'ot i ñuclel.
6Come wola' wʌq'uen i yutslel a pusic'al mach bʌ anic mi' jilel.
Ma' wʌq'uen i tijicñʌyel i pusic'al ti a tojlel.
7Come jini rey mi' ñop lac Yum.
Cha'an ti' yutslel jini C'ax Ñuc Bʌ xuc'ul mi' chʌn ajñel.
8C Yum, mi caj a taj pejtelel a contrajob, pejtelel mu' bʌ i ts'a'leñetob.
9Mi caj a wotsañob ti c'ajc che' ti' yorajlel a mich'ajel.
C Yum, mi caj a jisañob che' mich'et.
10Mi caj a laj jisan i yalobilob cha'an mach chʌn tsiquilobix ti' tojlel winicob.
11Tsi' ña'tayob ts'a'leya ti a contra.
Tsi' ñopoyob i mel jontolil, pero ma'anic tsa' mejliyob.
12Mi caj i puts'elob che' mi' q'uelob a jalʌjb.
13C Yum, la' tsictiyic a ñuclel yic'ot a p'ʌtʌlel.
Mi caj j c'ʌyiñet lojon. Mi caj c sub ti ñuc a p'ʌtʌlel.
Currently Selected:
SALMOS 21: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.