SALMOS 2
2
Yumʌlʌch jini yajcʌbil bʌ ti lac Yum
1¿Chucoch mi' cha'leñob mich'ajel winicob x'ixicob?
¿Chucoch to'o lolom jach chuqui mi' ña'tañob ti' pusic'al?
2Jini reyob ti pañimil mi' chajpañob i bʌ.
Jini yumʌlob mi' temob i t'an
Cha'an mi' contrajiñob lac Yum,
Yic'ot jini Rey Yajcʌbil bʌ i cha'an.
3Mi' yʌlob: La' lac ts'ocbeñob i lazojlel mu' bʌ i cʌchonla.
La' lac junyajlel choc jini lazo tac cha'an mi laj colel ti' p'ʌtʌlel Dios, che'ob.
4Pero woli ti tse'ñal lac Yum ya' ti panchan.
Woli' wajleñob.
5Mich'icña mi caj i yʌ'leñob.
P'ump'un mi caj i bʌc'tesañob cha'an cabʌl i mich'ajel.
6Lac Yum mi caj i yʌl: Ya' ti Jerusalén, jini ch'ujul bʌ c tejclum,
Tsa'ix c wa'choco c Rey, jini yajcʌbil bʌ c cha'an, che'en.
7Jini Yajcʌbil bʌ woli' sub chuqui subebil ti lac Yum:
C Yum tsi' subeyon: “Jatet Calobilet,
Sajmʌl tsac techeyet.
8C'ajtibeñon. Mi caj cʌq'ueñet winicob x'ixicob ch'oyolo' bʌ ti pejtelel pañimil.
A cha'añobix mi' majlelob.
9Mi caj a jisan winicob x'ixicob ti bara melbil bʌ ti tsucul taq'uin.
Mi caj a bic'ti top'ob lajal bajche' mi' tojp'el p'ejt melbil bʌ ti lum”.
Che' tsi' subeyon c Yum, che'en.
10Jini cha'an la'ix julic la' pusic'al, reyet bʌ la.
Yom mi la' jac' la' cʌntesʌntel jatetla am bʌ la' we'tel ti pañimil.
11Yom mi la' bʌc'ñan lac Yum che' mi la' ch'ujutesan.
Yom tsiltsilña che' mi' ñucan la' pusic'al.
12Ts'ujts'unla i Yalobil lac Yum ame mich'ac,
Ame jiliquetla ti la' bijlel
Che' mi' bʌc' mich'an Dios.
Tijicñayob pejtel mu' bʌ i sʌclañob i coltʌntel ti lac Yum.
Currently Selected:
SALMOS 2: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.