SALMOS 17
17
Mi' c'ajtin i coltʌntel cha'an i tic'lʌntel
1C Yum, yom ma' wubin chuqui toj. Jac'beñon coñel.
Jac'beñon coración come mach cujilic lot.
2Meleyon ya' ti chan. La' tsictiyic c tojel come tojet.
3Tsa'ix a wilʌbeyon c pusic'al.
Tsa' wʌc'ʌyon ti prueba ti ac'ʌlel.
Tsa' q'uele ma'anic jontolil tic pusic'al. Ma'anic jontol bʌ c t'an.
4Tsac jac'beyet a t'an.
Ma'anic tsac xʌñʌ majlel i bijlel jini jontolo' bʌ.
5Tsac tsajcayet majlel ba' tsa' pʌsbeyon.
Ma'anic tsa' jʌjli coc ti a bijlel.
6Tsa'ix c pejcayet, come mi caj a jac'beñon, c Dios.
Yom ma' bej tilel cha'an ma' wen ubibeñon c t'an.
7Pʌsʌ jini ñuc tac bʌ a wutslel
Jatet mu' bʌ a coltan jini mu' bʌ i ñopet ti' tojlel i contra.
8Yom ma' cʌntañon che' bajche' i santojlel a wut.
Mosoyon ti a p'ʌtʌlel che' bajche' mi' luts' i yal i ña'al mut,
9Ame i jisañon jini jontolo' bʌ,
Ame' i jomojtañon cha'an mi' tsʌnsañon.
10Ma'anic mi' p'untañob i pi'ʌlob.
Mi' chañ'esañob i bʌ ti' t'an.
11Baqui jach mic majlel joyolon i cha'añob.
Yomob i chocon jubel ti lum.
12Lajalobʌch bajche' bajlum yom bʌ i c'ux we'elʌl.
Lajalobʌch bajche' alʌ bajlum woli bʌ i chijtan i bʌl i ñʌc'.
13C Yum, yom ma' wa'tʌl, ch'ejl yom ma' pʌs a bʌ ti' contra.
Wit'choco jini jontol bʌ.
Ac'ʌyon ti colel ti' p'ʌtʌlel jini jontolo' bʌ ti pañimil.
14Woli' tajob i chubʌ'an ti pañimil.
On wola' wʌq'ueñob i chubʌ'an ti pañimil. Wen chumulob i yalobilob.
Mi' yʌq'ueñob i yalobilob i colobal i chubʌ'an.
15Jixcu joñon, mi caj j q'uel a wut cha'an tsa' wʌq'ueyon a tojel.
Tijicña mi caj cubin che' mic cha' ch'ojyel, come mi caj j q'uel a wut.
Currently Selected:
SALMOS 17: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.