SALMOS 16
16
Tijicña jini toj bʌ cha'an Dios
1Cʌntañon, c Dios, come tsa'ix cʌc'ʌ c bʌ ti a wenta.
2Tsac pejca lac Yum: “C Yumet.
Ya' jach ch'oyol c wenlel ba'añet”, cho'on.
3Ñucobʌch i cha'año' bʌ Dios wʌ' ti pañimil.
Wen tijicñayon cha'an c'ux mi cubiñob.
4Jini mu' bʌ i ch'ujutesañob yambʌ dios mi' wen tajob wocol.
Ma'anic mi caj cʌc' majtañʌl tac che' bajche' mi' melob.
Ma'anic mi caj c pejcʌben i c'aba' i dioste' tac.
5Jini c Yum jiñʌch com bʌ ti pejtelel c pusic'al.
I wentajʌch cuxul bʌ ja' mu' bʌ c jap, jiñʌch c majtan.
Mi' wen cʌntañon cha'an xuc'ul mi cajñel.
6Uts'atax bajche' añon ti isujm.
Uts'atax c majtan tsa' bʌ aq'uentiyon ti Dios.
7Mi caj c ch'ujutesan c Yum mu' bʌ i cʌntesañon.
Mi' cʌntesañon tic pusic'al che' ti ac'ʌlel.
8Mic ñatan c Yum ti pejtelel ora.
An ti ñoj bʌ j c'ʌb. Ma'anic majqui mi mejlel i tʌts'on ti' bijlel.
9Jini cha'an wen tijicñayon,
Wen xuc'ul mi caj cajñel.
10Ma'anic mi caj a cʌyon ti' yajñib chʌmeño' bʌ.
Ma'anic mi caj a wʌc' jini Ch'ujul Bʌ a cha'an ti oc'mʌl.
11Jatet mi caj a pʌsbeñon jini bij ba'an j cuxtilel.
Cabʌl jax c tijicñʌyel ti a tojlel.
Ya'an c wenlel ti ñoj bʌ a c'ʌb ti pejtelel ora.
Currently Selected:
SALMOS 16: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.