SALMOS 150
CTUBI
150
La' lac tsictesan i ñuclel Dios ti música
1Subula i ñuclel lac Yum.
Subula i ñuclel Dios am bʌ ti ch'ujul bʌ i yajñib.
Subula i ñuclel jini p'ʌtʌl bʌ am bʌ ti panchan.
2Subula i ñuclel come ñuc tac i melbal.
Subula i ñuclel come cabʌl i p'ʌtʌlel.
3Tsictesanla i ñuclel yic'ot i t'an trompeta.
Tsictesanla i ñuclel yic'ot guitarra yic'ot arpa.
4Cha'lenla son cha'an mi la' tsictesan i ñuclel.
Ñijcanla música am bʌ i ch'ajñal. Wusula amʌy.
5Tsictesanla i ñuclel ti selel bʌ tsucul taq'uin mu' bʌ lac jats'.
Tsictesanla i ñuclel ti címbalo c'am bʌ mi' cha'len t'an.
6La' i subob i ñuclel lac Yum pejtel cuxulo' bʌ.
Subula i ñuclel lac Yum.

© Wycliffe Bible Translators, Inc. All rights reserved.

Learn More about the I T’an Dios