SALMOS 15
CTUBI
15
Jini mu' bʌ i chumtʌl ti' yotot Dios
1C Yum, ¿majqui mi' caj ti ajñel ti a wotot?
¿Majqui mi' caj ti chumtʌl ti ch'ujul bʌ a bujtʌl?
Jiñʌch jini toj bʌ i pusic'al mu' bʌ i mel chuqui toj.
2Ma'anic i sajtemal, mi' mel chuqui tac toj.
Jump'ejl jach i pusic'al.
3Mach yujilic jop't'an.
Ma'anic chuqui mi' tumben i cʌñʌ bʌ.
Ma'anic mi' chʌn ña'tiben i mul i pi'ʌlob.
4Mach wenic mi' q'uel jini xjontolil.
Mi' c'uxbin jini mu' bʌ i bʌc'ñañob Dios.
Mi' ts'ʌctesan i t'an anquese wocol mi' yubin.
5Ma'anic mi' ch'ʌm i jol taq'uin che' mi' yʌc' ti majan.
Ma'anic mi' ch'ʌm taq'uin cha'an mi' tic'lan jini mach bʌ anic i mul.
Jini toj bʌ mu' bʌ i mel pejtel iliyi, chʌn xuc'ul mi' caj ti ajñel.

© Wycliffe Bible Translators, Inc. All rights reserved.

Learn More about the I T’an Dios