SALMOS 149
149
La' i sub i ñuclel lac Yum Israel
1¡Aleluya!
C'ʌyiben lac Yum tsiji' bʌ c'ay.
C'ʌyinla ba' mi' tempañob i bʌ i cha'año' bʌ.
2La' i yubiñob i tijicñʌyel israelob ti Dios tsa' bʌ i meleyob.
La' i yubiñob i tijicñʌyel jini chumulo' bʌ ti Sion come yumʌlʌch i Rey.
3La' i c'ʌyibeñob i ñuclel i c'aba' ti son,
Yic'ot pandero yic'ot arpa.
4Come lac Yum tijicña mi' q'uel i cha'año' bʌ.
Mi' coltan jini utso' bʌ.
5Yom tijicñayob i pusic'al, come añob i ñuclel mu' bʌ i tsajcañob Dios.
La' i cha'leñob c'ay ti' wʌyib cha'an tijicñayob.
6La' i c'ʌyiñob i ñuclel Dios jini Ñumen Ñuc Bʌ.
La' i chucob espada cha'wejl bʌ i yej
7Cha'an mi' q'uextʌbeñob i mul jini colem tejclum tac ti mojt ti mojt,
Cha'an mi' ju'sʌbeñob i pusic'al.
8Mi caj i cʌchob reyob ti cadena,
Mi caj i cʌchob yumʌlob ti tsucul taq'uin.
9Mi caj i yʌc'ob ti tojmulil che' bajche' ts'ijbubil.
Jiñʌch i ñuclel pejtel i cha'año' bʌ mu' bʌ i tsajcañob. ¡Aleluya!
Currently Selected:
SALMOS 149: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.