SALMOS 148
148
La' i sub i ñuclel lac Yum pejtel melbil tac bʌ
1¡Aleluya!
Subula i ñuclel lac Yum ya' ti panchan.
Subula i ñuclel ya' ti chan.
2La' i subob i ñuclel Dios pejtelel i yángelob.
La' i subeñob i ñuclel Dios pejtelel i cha'año' bʌ ti panchan.
3Jini q'uin yic'ot uw, la' i pʌs i ñuclel Dios.
Jini ec' tac i t'ojol jax bʌ ti ac'ʌlel, la' i pʌs i ñuclel.
4La' i pʌs i ñuclel Dios jini chan bʌ panchan,
Yic'ot jini ja'al am bʌ ti tocal.
5La' i pʌs i ñuclel i c'aba' lac Yum,
Come tsi' yʌc'ʌ i t'an, tsa' mejli tac.
6Tsi' wa'choco cha'an mi' yajñel ti pejtelel ora.
Tsi' yʌc'ʌ i t'an. Ma'anic mi' q'uextiyel ti pejtelel ora.
7La' i pʌs i ñuclel lac Yum wʌ' ti pañimil,
Jini colem bʌ i chʌñil tac ñajb yic'ot i yʌbʌnlel ja',
8Yic'ot c'ajc yic'ot tuñija' yic'ot i ña'al tsʌñal,
Yic'ot jini p'ʌtʌl bʌ ic'. Mi' laj jac'ben i t'an.
9Jini wits tac ja'el yic'ot pejtel bujtʌl,
Yic'ot te' tac am bʌ i wut yic'ot pejtel jini ch'ujte',
10I bʌte'el ja'el yic'ot pejtel alʌc'ʌl,
Yic'ot jʌlʌcña bʌ mi' majlel ti lum, yic'ot te'lemut.
11Jini reyob ti pañimil ja'el yic'ot pejtelel winicob x'ixicob ti mojt ti mojt,
Jini yumʌlob ja'el yic'ot pejtel año' bʌ i ye'tel ti pañimil,
12Jini ch'iton winicob yic'ot xch'ocob,
Yic'ot xñoxob yic'ot ch'itoñob,
13La' i subob i ñuclel lac Yum,
Come i bajñel an i ñuclel.
Ñumen ñuc Dios bajche' pejtel an tac bʌ ti pañimil yic'ot ti panchan.
14Tsi' yʌc'ʌ ti c'uxbintel i cha'año' bʌ.
Tsi' cʌntesayob ti c'ay jini israelob cʌntʌbilo' bʌ i cha'an,
Cha'an mi' c'ʌyiñob i ñuclel.
Subula i ñuclel Dios. ¡Aleluya!
Currently Selected:
SALMOS 148: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.