SALMOS 128
128
Tijicña jini winic mu' bʌ i bʌc'ñan lac Yum
1Tijicñayob pejtel mu' bʌ i bʌc'ñañob lac Yum,
Mu' bʌ i cha'leñob xʌmbal ti' bijlel.
2Mi caj a c'ux waj cha'an ti a we'tel.
Tijicña a pusic'al mi caj a wajñel. Mi caj a taj chuqui tac wen.
3Lajal a wijñam ti a wotot bajche' ac' mu' bʌ i yʌc' i wut.
Lajal a walobilob ti' joytilel a mesa bajche' i wut olivote'.
4Isujm, che'ʌch mi caj i yʌq'uentel i wenlel jini winic mu' bʌ i bʌc'ñan lac Yum.
5La' i yʌq'ueñet lac Yum i yutslel i t'an loq'uem bʌ ti Sion.
La' i yʌq'ueñet a q'uel i tijicñʌyel Jerusalén pejtel a jabilel.
6La' i yʌq'ueñet a q'uel i yalobilob a walobilob.
La' i tajob i ñʌch'tilel i pusic'al jini israelob.
Currently Selected:
SALMOS 128: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.